फिलिप्पियों 4:3 - काँगड़ी

³ हे सच्चे साथी, मैं तिज्जो नैं भी विणती करदा ऐ, कि तू तिन्हां जणासां दी इक्क मन रैहणे च मदत कर, क्जोकि तिन्हां मिन्जो सौगी सुसमाचार फैलाणे च, क्लेमेंस कने मेरे होर साथियां सौगी मेहनत कित्ती, तिन्हां सबना दे नां ज़िन्दगिया दिया कताबां च लिख्यो हन।

फिलिप्पियों 4:3 Cross References

लूका 10:20

अपर तमी इसते खुस मत होआ कि दुष्टआत्मा तुहां दे बसे च ऐ, अपर इसते खुस होआ कि तुहां दे नां सुअर्गे च लिख्यो हन।”

रोमियो 12:1

इसतांई हे प्यारे साथी बसुआसियो, मैं तुहां नैं परमात्मे दी दया याद दिलाई नैं विणती करदा ऐ, कि अपणे आप्पे जो जिन्दा, कने पवित्र, कने परमात्मे जो खरा लगणे आल़ा बलिदान चढ़ा। परमात्मे दी भक्ति करणे दा ऐई सच्चा तरीका ऐ ।

रोमियो 16:12

त्रूफेना कने त्रूफोसा बैह्णी जो जेह्ड़ियां प्रभु च मेहनत करदियां हन, मेरा नमस्कार। प्यारी पिरसिस बैह्णी जो, जिन्नै प्रभु च बड़ी मेहनत कित्तियो, तिसा जो मेरा नमस्कार।

रोमियो 16:9

उरबानुसे जो, जेह्ड़ा मसीह च अहां सौगी कम्म करदा ऐ, कने मेरे प्यारे इस्तखुस जो भी मेरा नमस्कार।

फिलिप्पियों 1:12

हे प्यारे साथी बसुआसियो, मैं चांह़दा ऐ, कि तुहां एह़ जाणी लेआ कि मिन्जो पर जेह्ड़ा बितेया ऐ, जिसदिया बज़ाह ते मतेआं लोकां सुसमाचारे पर बसुआस कित्ता।

फिलिप्पियों 1:16

एह़ सैह़ लोक हन, जेह्ड़े सुसमाचार दा प्रचार अच्छे नेक इरादे कने प्यार नैं करदे हन, कि सैह़ जाणदे हन, मैं यीशु मसीह दे सुसमाचारे दा जवाब दैणे तांई जेला च कैद ऐ।

फिलिप्पियों 1:27

सिर्फ इतणा करा, कि तुहां दा चाल-चलण मसीह दे सुसमाचारे मताबक होयैं, कि चां मैं आई नैं तुहां जो दिक्खैं, चां ना भी औयें, तुहां दे बारे च ऐई सुणैं कि तुहां इक्को ई इरादे च मजबूत रेह्आ, कने इक्क मन होई नैं सुसमाचार दे बसुआसे तांई मेहनत करदे रैंह्दे हन,

फिलिप्पियों 1:5

इसतांई कि तुहां पैहल्ले दिन ते लेई नैं अज्जे तिकर प्रभु यीशुये दा सुसमाचार फैलाणे च मिन्जो सौगी साझी रैह् हन।

फिलिप्पियों 1:7

ठीक ऐ कि मैं तुहां सारेयां तांई ऐदेया ई बचार करैं, क्जोकि मैं तुहां नैं बड़ा प्यार करदा ऐ, कने जाह़लू मैं जेला च ऐ कने सुसमाचारे दी रक्षा तांई कने सच्च साबित करणे च तुहां सारे मिन्जो सौगी परमात्मे दे अनुग्रह च साझी हन।

फिलिप्पियों 4:2

मैं यूओदिया कने सुन्तुखे जो भी हौंसला दिंदा ऐ, कि सैह़ प्रभु च इक्क मन रैह़न।

कुलुस्सियों 1:7

तिसदी सिक्षा तुहां अहां दे प्यारे साथी इपफ्रासे ते सिखियो ऐ, जेह्ड़ा अहां सौगी मसीह च बसुआसे जोग्गा सेवक ऐ।

प्रकाशितवाक्य 13:8

संसारे दे लोक तिस जंगली जानवरे दी पूजा करगे। सैह़ सारे लोक जिन्हां दे नां सृष्टिया दे सुरू होणे ते ई तिस मेम्ने दिया ज़िन्दगिया दिया कताबा च लिखे नीं गै, जिसदा बलिदान कित्या था।

प्रकाशितवाक्य 17:8

जेह्ड़ा जंगली जानवर तैं दिख्या ऐ, सैह़ पैहल्लैं तां था पर हुण नीं ऐ, कने अथाह कुंडे ते निकल़ी करी विनाशे च पोंगा; कने संसारे दे लोक जिन्हां दे नां सृष्टिया दे सुरू होणे दे बग्ते ते तिसा ज़िन्दगिया दिया कताबा च लिखे नीं गै, इस जंगली जानवरे दी एह़ हालत दिक्खी करी कि पैहल्ले था कने हुण नीं ऐ कने भिरी आई जांगा, हरान हुंगे।

प्रकाशितवाक्य 20:12

भिरी मैं छोटे बड्डे सारे मरेयां जो सिंहासणे सामणै खड़ोत्यो दिख्या, कने कताबां खोलियां गियां; कने भिरी इक्क होर कताब खोली, मतलब ज़िन्दगिया दी कताब कने जिंआं तिन्हां कताबां च लिख्या था, तिंआं ई तिन्हां दे कम्मां मताबक मरेयां दा न्याय कित्ता गेआ।

प्रकाशितवाक्य 20:15

कने जिस कुसी दा नां ज़िन्दगिया दिया कताबा च लिख्या नीं मिल्ला, सैह़ अग्गी दिया झीला च पाई दित्ता गेआ।

प्रकाशितवाक्य 21:27

कने तिस कोई अपवित्र चीज्ज, कने घृणित कम्म करणे आल़ा, कने झूठियां गल्लां बणाणे आल़ा, कुसी भी तरीके नैं दाखल नीं हुंगा; अपर सिर्फ सैई लोक जिन्हां दे नां मेम्ने दिया ज़िन्दगिया दिया कताबा च लिख्यो हन।

प्रकाशितवाक्य 3:5

जेह्ड़ा बुरिआं ताकतां जो हराई दिंदा ऐ, तिसियो इस तरीके नैं पवित्र ज़िन्दगी दित्ती जांगी, कने मैं तिसदा नां तिसा ज़िन्दगिया दिया कताबा च कुस भी तरीके नैं नीं कटगा; अपर तिसियो मैं अपणे पिता कने तिसदे सुअर्गदूतां दे सामणै अपनाई लैंगा।