फिलिप्पियों 4:19 - काँगड़ी

¹⁹ मेरा परमात्मा भी अपणी तिसा धन-दौलता मताबक जेह्ड़ी महिमा सौगी यीशु मसीह च ऐ, तुहां दी हर इक्क जरूरता जो पूरी करगा।

फिलिप्पियों 4:19 Cross References

मत्ती 6:32

क्जोकि होरनी जातिआं दे लोक इन्हां सारियां चीज्जां दी फिकर करदे रैंह्दे हन, अपर तुहां फिकर मत करा, क्जोकि तुहां दा सुअर्गीय पिता जाणदा ऐ, कि तुहां जो इन्हां सारिया चीज्जां दी जरूरत ऐ।

यूहन्ना 20:17

यीशुयैं तिसा नैं ग्लाया, “मिन्जो मत छु, क्जोकि मैं अह्ल्ली तिकर पिता अल्ल ऊपर नीं गेआ, अपर मेरे भाऊआं अल्ल जाई नैं तिन्हां नैं ग्लाई दे, कि मैं अपणे पिता कने तुहां दे पिता, कने अपणे परमात्मे कने तुहां दे परमात्मे अल्ल ई ऊपरेयो चलेया ऐ।

यूहन्ना 20:27

ताह़लू तिन्हीं थोमे नैं ग्लाया, “अपणी उंगलिया नैं मेरे हत्थां जो छुई नैं दिक्ख कने अपणा हत्थ गांह करी नैं मेरिया बक्खिया च पा, कने बेबसुआसी नीं पर बसुआसी बण।”

रोमियो 1:8

पैहल्ले मैं तुहां सारेयां तांई यीशु मसीह दे जरिये अपणे परमात्मे दा धन्यावाद करदा ऐ, क्जोकि तुहां दे बसुआसे दी चर्चा सारे संसारे दे लोकां च होआ दी ऐ।

रोमियो 11:33

आहा! परमात्मे दा अनुग्रह कने बुद्धि कने ज्ञान सच्ची च बड़े म्हान हन। कोई तिसदे बचारां जो दस्सी नीं सकदा; कने तिसदे रस्तेयां जो समझी सकदा ऐ।

रोमियो 2:4

क्या तू परमात्मे दी भलाई, कने सबर, कने दया जो तुच्छ जाणदा ऐ? क्या एह़ नीं समझदा कि परमात्मे दी भलाई तिज्जो पापां ते मन बदलणे दे बारे च सखांदी ऐ?

रोमियो 8:18

मैं जाणदा ऐ, कि इस बग्ते दे दुख कने मुसीबत परमात्मे दिया महिमा दे सामणै कुच्छ भी नीं हन, जेह्ड़ी अहां पर प्रगट होणे आल़ी ऐ।

रोमियो 9:23

तिन्हीं ऐदेया इसतांई कित्ता कि दया दे तिन्हां भाडेयां पर अपणी महिमा दी सान प्रगट करणा चांह़दा था, जिन्हां जो तिन्हीं पैहल्ले ते ई तिसा महिमा तांई त्यार कित्या था।

2 कुरिन्थियों 12:21

कने कुत्थी इआं ना होयैं कि जाह़लू मैं बापस औयें तां मेरा परमात्मा तुहां सामणै मिन्जो सर्मिंदा नीं करी दैं, कने मिन्जो मतेआं तांई भिरी सोक करणा पोयैं, जिन्हां पैहल्ले पाप कित्या था कने गंदे कम्म, ब्यभिचार कने लुचपण ते, जेह्ड़ा तिन्हां कित्ते, मन नीं बदलेया।

2 कुरिन्थियों 4:17

अहां दा अज्जे दा दुख छोटा कने जादा बग्ते तिकर रैहणे आल़ा नीं ऐ। क्जोकि तिसदा नतीजा सदा दी महिमा ऐ, कने सैह़ तिन्हां सारियां गल्लां ते जेह्ड़ियां अहां सोची सकदे हन, बड़ियां म्हान हन।

इफिसियों 1:18

मैं प्रार्थना करदा ऐ, कि परमात्मा तुहां दे मनां जो खोलें, तांजे तुहां तिसदी सदणे दिया आसा जो समझी सकन। जिसते तुहां जाणगे, कि सैह़ आसीषां कितणियां म्हान कने महिमा आल़िआं हन, जिन्हां दा परमात्मे अपणे लोकां सौगी वादा कित्या ऐ,

इफिसियों 1:7

मसीयैं अहां दे छुटकारे तांई अपणा खून बहाई नैं अपणी ज़िन्दगी बलिदान करी दित्ती, जिसदा मतलब एह़ ऐ, कि हुण अहां दे पाप ते माफ होई गियो हन। कने परमात्मे दा अनुग्रह कितणा म्हान ऐ, जेह्ड़ा तिन्हीं अहां जो बड़ा भरी दित्या ऐ।

इफिसियों 2:7

कि सैह़ अपणिया तिसा दया नैं जेह्ड़ी यीशु मसीह च अहां पर ऐ, ओणे आल़े बग्ते च इस संसारे दे लोकां जो दस्सी सकैं कि तिसदा अनुग्रह कितणा म्हान ऐ।

इफिसियों 3:16

मैं प्रार्थना करदा ऐ, कि सैह़ अपणिया महिमा दे तिन्हां खजानेयां ते तुहां जो एह़ दान दैं जिसदी कोई सीमा नीं ऐ। तिसदी आत्मा तुहां जो सामर्थ दैं कने तुहां दा अंदरूनी माणु ताकतवर हुंदा जा।

इफिसियों 3:8

मिन्जो पर जेह्ड़ा सारे परमात्मे दे लोकां च लोक्के ते भी लोक्का ऐ, परमात्मे दा एह़ अनुग्रह मिन्जो पर होएया, मैं होरनी जातिआं जो सैह़ सुसमाचार सणा, कि यीशु मसीह ऐदिआं आसीषां दा जरिया ऐ, जिन्हां दी कोई सीमा नीं ऐ,

फिलिप्पियों 4:7

ताह़लू परमात्मे दी सांति, जेह्ड़ी माणुये दिया समझा ते बाहर ऐ, तुहां दे दिलां कने सोच बचारां जो यीशु मसीह च सम्भाल़ी रखगी।

कुलुस्सियों 1:27

परमात्मैं एह़ फैसला लेआ कि तिसदे लोक इस सानदार कने महिमा आल़े रहस्य जो जाणी सकन, जेह्ड़ा सारे लोकां तांई तिस अल्ल ऐ। एह़ रहस्य मसीह अप्पु ई ऐ जेह्ड़ा तुहां च रैंह्दा ऐ, सिर्फ सैई महिमा तांई अहां दी उम्मीद ऐ।

कुलुस्सियों 3:16

हर बग्त तुहां मसीह दे वचने दे बारे च सोचदे रेह्आ, तांजे जेह्ड़ा कुच्छ करदे कने सोचदे हन, तिसियो काबू च रखा। कने बड़ी समझदारिया नैं इक्की दूये जो सखा कने सलाह देआ, कने अपणे-अपणे मने च धन्यावाद करी नैं परमात्मे तांई भजन कने स्तुति गीत कने आत्मिक गीत गा।

1 थिस्सलुनीकियों 2:12

कि तुहां दे चाल-चलण ते परमात्मे जो आदर मिल्लैं, जेह्ड़ा तुहां जो अपणे राज्जे च कने महिमा च सददा ऐ।

1 तीमुथियुस 6:17

इस संसारे दे अमीरां माणुआं जो हुक्म दे कि सैह़ घमंडी ना होन कने सैह़ धन-दौलता पर आस ना रखन, जेह्ड़ी कुच्छ बग्ते तांई ऐ, अपर सैह़ परमात्मे पर आस रखन, जेह्ड़ा अहां दे सुखे तांई सब कुच्छ इमानदारिया नैं अहां जो दिंदा ऐ।

फिलेमोन 1:4

मैं सदा परमात्मे दा धन्यावाद करदा ऐ, कने अपणिया प्रार्थना च भी तिज्जो याद करदा ऐ,

1 पतरस 5:1

मैं कुच्छ होर भी तुहां स्याणेयां जो ग्लाणा चांह़दा ऐ, क्जोकि मैं भी तुहां साइआं इक्क स्याणा ऐ मसीह दे दुखां जो जेह्ड़े तिन्हीं बड़ी पैहल्ले झेलेयो थे, तिन्हां जो मैं अप्पु ई दिख्या ऐ, कने मैं भी तिसदिया तिसा महिमा च साझीदार होई नैं इक्क स्याणे साइआं तिन्हां जो समझांगा, जाह़लू सैह़ इस संसारे च बापस ओंगा।

1 पतरस 5:10

अपर हुण परमात्मा जेह्ड़ा सारे अनुग्रह दा दाता ऐ, जिन्हीं तुहां जो यीशु मसीह च अपणी सदा दी महिमा तांई सद्देया, तुहां दे थोड़े बग्ते तिकर दुख झेलणे ते बाद परमात्मा अप्पु ई तुहां जो सिद्ध कने मजबूत कने ताकतवर बणांगा।