फिलिप्पियों 4:14 - काँगड़ी

¹⁴ तमी तुहां खरा कित्ता कि मिन्जो पैसे घल्ली करी मेरिया मुसीबता च मेरे साझी बणैं।

फिलिप्पियों 4:14 Cross References

मत्ती 25:21

तिसदे मालकैं तिस नैं ग्लाया, ‘धन, हे अच्छे कने बसुआसे जोग्गे दास, तू थोड़ी धन दौलता जो सम्भाल़णे च ईमानदार रेह्आ; मैं तिज्जो मतिआं चीज्जां दा अधिकारी बणांगा। अपणे मालके दिया खुसिया च साझीदार बण।’

रोमियो 15:27

तिन्हां खुसिया नैं गरीबां जो दान दित्ता, अपर सैह़ यरूशलेम सैहरे दे रैहणे आल़े लोकां दे कर्जदार भी हन, क्जोकि जे होरनी जातिआं दे लोक तिन्हां दियां आत्मिक आसीषां च साझी होन, तां तिन्हां जो भी ठीक ऐ कि गरीबां जो दान देई नैं तिन्हां दी मदत करन।

गलातियों 6:6

जिन्हां जो परमात्मे दे वचनां दी सिक्षा दित्ती जांदी ऐ, तिन्हां फर्ज बणदा ऐ कि जेह्ड़ा कुच्छ तिन्हां अल्ल ऐ, सैह़ तिन्हां दा सखाणे आल़े जो दैणा चाइदा।

फिलिप्पियों 1:7

ठीक ऐ कि मैं तुहां सारेयां तांई ऐदेया ई बचार करैं, क्जोकि मैं तुहां नैं बड़ा प्यार करदा ऐ, कने जाह़लू मैं जेला च ऐ कने सुसमाचारे दी रक्षा तांई कने सच्च साबित करणे च तुहां सारे मिन्जो सौगी परमात्मे दे अनुग्रह च साझी हन।

फिलिप्पियों 4:18

मिन्जो अल्ल सब कुच्छ ऐ, अपर मता सारा ऐ; जेह्ड़ियां चीज्जां तुहां इपफ्रुदीतुस दे हत्थे ते घल्लियां थियां तिन्हां जो लेई नैं मैं रज्जी गेआ, सैह़ तां सुख आल़ी सुगंधा साइआं, कने अपनाणे जोग्गा बलिदान ऐ, जिन्हां जो याजक परमात्मे जो चढ़ांदे हन, जिसियो परमात्मा अपनांदा कने खुस हुंदा ऐ।

1 तीमुथियुस 6:18

तिन्हां जो खरे कम्म करणे तांई हुक्म दे, तांजे खरे कम्मां च अमीर बणन, कने दान दैणे कने दूयेयां दी मदत करणे जो हमेसा त्यार रैह़न,

इब्रानियों 10:33

कदी-कदी तां इआं होएया, कि तुहां दी सबना सामणै बेइज्जती होई, कने तुहां बड़ियां मुसीबतां झेलियां। कने कई बरी तुहां तिन्हां तांई बड़ी फिकर कित्ती, जिन्हां सौगी एह़ होएया था।

इब्रानियों 10:34

क्जोकि तुहां कैदियां दे दुखे च भी दुखी होये, कने अपणी धन दौलत भी खुसिया नैं लुटणा दित्ती। एह़ जाणी करी कि तुहां अल्ल सुअर्गे च इक्क होर भी खास कने सदा काल तिकर रैहणे आल़ी धन दौलत ऐ।

इब्रानियों 13:16

कने भलाई करणे तांई कने इक्की दूये दी मदत करणे तांई त्यार रेह्आ, क्जोकि परमात्मा ऐदेय बलिदानां ते खुस हुंदा ऐ।

प्रकाशितवाक्य 1:9

मैं यूहन्ना, जेह्ड़ा तुहां दा बसुआसी भाऊ कने यीशुये दे दुख, राज्ज, कने सबरे च तुहां दा साझी ऐ, परमात्मे दे वचन, कने यीशुये दिया गवाही दिया बज़ाह ते मैं पतमुस नांऐ दे टापू च था।