फिलिप्पियों 3:20 - काँगड़ी

²⁰ अपर अहां दा अपणा देस सुअर्गे पर ऐ; कने अहां इक्क उद्धार करणे आल़ा प्रभु यीशु मसीह दा औत्थू ते ओणे दा इन्तजार करदे हन।

फिलिप्पियों 3:20 Cross References

मत्ती 19:21

यीशु तिस नैं ग्लाणा लग्गा, “जे तू म्हान होणा चांह़दा ऐ; तां जा, अपणा समान बेची नैं गरीबां जो बंडी दे, कने तिज्जो सुअर्गे च धन दौलत मिलगी; कने आई नैं मिन्जो पचांह़ चली पौ।”

लूका 12:21

ऐई हालत तिन्हां माणुआं दी हुंदी ऐ, जेह्ड़े अपणे तांई धन दौलत किठ्ठा करदे हन, अपर सैह़ परमात्मे दिया नजरा च अमीर नीं।”

लूका 14:14

ताह़लू तू धन हुंगा, क्जोकि तिन्हां अल्ल तिज्जो बदला दैणे तांई कुच्छ नीं ऐ, अपर तिज्जो धर्मियां दा जिन्दे होणे पर इसदा प्रतिफल़ मिलगा।”

प्रेरितां दे कम्म 1:11

कने तिन्हां नैं ग्लाणा लग्गे, “हे गलीली माणुओ, तुहां क्जो खड़ोई करी अम्बरे बक्खी दिक्खा दे हन, ऐई यीशु जिसियो परमात्मा तुहां दे सामणै ते सुअर्गे जो चुक्की नैं लेई गेआ ऐ, जिस तरीके नैं तुहां तिसियो सुअर्गे च जांदे दिख्या ऐ, तिस ई तरीके नैं सैह़ भिरी ओंगा।”

1 कुरिन्थियों 1:7

ऐई बज़ाह ऐ कि जाह़लू तुहां अहां दे प्रभु यीशु मसीह दा बापस ओणे दा बेसबरिया नैं इन्तजार करा दे हन, तां हुण तुहां अल्ल सैह़ सारे आत्मिक वरदान हन, जिन्हां दी तुहां जो जरूरत ऐ।

1 कुरिन्थियों 15:48

जेह्ड़े लोक इसा धरतिया दे हन, सैह़ तिस पैहल्ले माणुये साइआं हन जेह्ड़ा आदम था, अपर जेह्ड़े लोक सुअर्गे दे हन सैह़ तिस माणुये साइआं हन जेह्ड़ा सुअर्गे च ऐ सैह़ मसीह ऐ।

2 कुरिन्थियों 4:18

कने अहां तां दिक्खियां चीज्जां जो नीं अपर अणदिखियां चीज्जां जो दिक्खदे रैंह्दे हन। क्जोकि दिक्खियां चीज्जां थोड़े ई दिनां दियां हन, अपर अणदिखियां चीज्जां हमेसा बणी रैंह्दियां हन।

2 कुरिन्थियों 5:8

इसतांई अहां भरोसा रखदे हन, कने मरने दे बाद अहां प्रभु सौगी रैहणा होर भी खरा समझदे हन।

गलातियों 4:26

अपर सुअर्गे दा यरूशलेम अब्राहमे दिया लाड़िया सारा साइआं ऐ, कने सैई ऐ जेह्ड़ी अहां अल्ल हुण इक्क माँऊ साइआं ऐ। क्जोकि सैह़ दासी नीं थी, कने अहां मूसा दिया व्यबस्था जो मन्नणे ते अजाद हन।

इफिसियों 2:19

इसतांई तुहां होरनी जातिआं आल़े लोक परदेसी कने मुसाफिर नीं रैह्, अपर परमात्मे दे लोकां सौगी संगी-वासी कने तुहां तिसदे परवारे दे माणु हन।

इफिसियों 2:6

क्जोकि तिन्हीं अहां दे यीशु मसीह सौगी मेल-जोल दिया बज़ाह ते अहां जो मरेयां ते जिन्दा कित्ता, कने सुअर्गीय जगाह च तिस सौगी बठाया

फिलिप्पियों 1:10

इसतांई कि तुहां इन्हां गल्लां जो परखणे जोग्गे बणी जान, कि कुण देहई गल्ल ग्लाणे तांई ठीक ऐ, कने मसीह दे दुवारी बापस ओणे तिकर पवित्र कने बेकसूर बणी रेह्आ;

फिलिप्पियों 1:27

सिर्फ इतणा करा, कि तुहां दा चाल-चलण मसीह दे सुसमाचारे मताबक होयैं, कि चां मैं आई नैं तुहां जो दिक्खैं, चां ना भी औयें, तुहां दे बारे च ऐई सुणैं कि तुहां इक्को ई इरादे च मजबूत रेह्आ, कने इक्क मन होई नैं सुसमाचार दे बसुआसे तांई मेहनत करदे रैंह्दे हन,

कुलुस्सियों 1:5

तुहां एह़ इसतांई करदे हन, क्जोकि बसुआस कने प्यारे दी बुनियाद सैह़ आसा ऐ, जेह्ड़ी तुहां तांई सुअर्गे च रखियो ऐ, जिसदे बारे च तुहां पैहल्ले ते ई तिस सुसमाचारे दे सच्चे वचने च सुणी चुकेयो हन,

1 थिस्सलुनीकियों 1:10

कने हुण तुहां तिसदे पुत्तरे दा सुअर्गे ते बापस ओणे दा इन्तजार करदे रेह्आ जिसियो परमात्मे मरेयां ते जिन्दा कित्या, मतलब यीशु मसीह जो, जेह्ड़ा अहां जो ओणे आल़े कोपे ते बचांदा ऐ।

1 थिस्सलुनीकियों 4:16

क्जोकि प्रभु यीशु अप्पु ई सुअर्गे ते ओंगा; कने तिस बग्त ललकार, कने प्रधान सुअर्गदूते दी उआज़ सुम्मगी, कने परमात्मे दी तुरही बजगी। कने जेह्ड़े बसुआसी मसीह च इस संसारे जो छड्डी करी चली गियो हन, सैह़ पैहल्लैं जिन्दे हुंगे।

2 तीमुथियुस 4:8

प्रभु मिन्जो इक्क मुकट दिंगा, जेह्ड़ा धार्मिकता दा मुकट ऐ। सैह़ सच्चा न्याय करणे आल़ा अपणे बापस ओणे आल़े दिन च मिन्जो तिस इनामे जो दिंगा। सैह़ मिन्जो नीं अपर तिन्हां सबना जो भी जेह्ड़े तिसदे बापस ओणे दे इन्तजारे च हन।

तीतुस 2:13

कने तिसा खरिया आसा दा मतलब अपणे म्हान परमात्मे कने उद्धार करणे आल़े यीशु मसीह दी महिमा दे प्रगट होणे दा इन्तजार करदे रैह़न।

इब्रानियों 12:22

तुहां लोक सिय्योने दे प्हाड़े दे बक्खे पुज्जे हन, जेह्ड़ा जिन्दे परमात्मे दा सैहर ऐ। एह़ सैह़ सुअर्गीय यरूशलेम ऐ, जित्थु लखां सुअर्गदूत खुसिया दा त्योहार मनांदे हन।

इब्रानियों 9:28

तिंआं ई मसीह भी मतेआं लोकां दे पापां जो अपणे ऊपर लेई नैं इक्क बरी बलिदान होएया। कने जेह्ड़े लोक तिसदा इन्तजार करदे हन, तिन्हां दे पापां तांई सैह़ दूई बरी मरने तांई नीं आया, अपर तिन्हां दे उद्धारे तांई प्रगट होई जांगा।

प्रकाशितवाक्य 1:7

दिक्खा, सैह़ बदल़ां सौगी ओणे आल़ा ऐ, कने हर कोई तिसियो दिक्खगा, अपर जिन्हां तिसियो सूल़िया पर मारेया था सैह़ भी तिसियो दिक्खगे, कने धरतिया दे सारे लोक तिसदिया बज़ाह ते जोरे नैं रोंगे। हाँ, एह़ जरूर हुंगा! आमीन।