फिलिप्पियों 3:10 - काँगड़ी

¹⁰ मैं एह़ चांह़दा ऐ कि मसीह जो जाणी लैं। कने तिसदे दुवारी जिन्दे होणे दिया सामर्थी जो मसूस करी सकैं, कने तिसदे दुख झेलणे च साझी होई नैं, कने मौत्ती च तिस साइआं बणी जां।

फिलिप्पियों 3:10 Cross References

मत्ती 20:23

यीशु तिन्हां नैं ग्लाणा लग्गा, “तुहां मिन्जो सौगी बराबर दुख तां झेलगे, अपर अपणे सज्जे कने अपणे खब्बे कुसी जो बठाणा मेरा कम्म नीं, अपर जिन्हां तांई मेरे पिता दे पास्से ते त्यार कित्या, तिन्हां तांई ऐ।”

यूहन्ना 10:18

कोई मेरे प्राणा जो मिन्जो ते लेई नीं सकदा, अपर मैं तिन्हां जो अपणिया मर्जिया ते दिंदा ऐ। मिन्जो अपणे प्राण दैणे दा भी हक्क ऐ, कने तिन्हां जो भिरी लेई लैणे दा भी हक्क ऐ, क्जोकि एह़ हुक्म मिन्जो मेरे पिता ते मिल्लेया ऐ।”

यूहन्ना 17:3

कने सदा दी ज़िन्दगी एह़ ऐ कि सैह़ तिज्जो इकमात्र सच्चे परमात्मे जो कने यीशु मसीह जो, जिसियो तैं घल्लेया ऐ, जाणन।

रोमियो 8:17

कने जे अहां औलाद हन, तां वारस भी, अपर परमात्मे दे वारस कने मसीह दे संगी वारस हन, जाह़लू अहां तिस सौगी दुख झेलन तां तिस सौगी महिमा भी पान।

रोमियो 8:29

क्जोकि जिन्हां जो तिन्हीं पैहल्ले ते चुणी लेआ ऐ, तिन्हां दे बारे च ऐदेया इरादा भी करी लेआ ऐ कि तिसदे पुत्तर यीशु मसीह साइआं होन, तांजे यीशु मसीह सारे बसुआसियां च जेठा पुत्तर बणी सकैं।

रोमियो 8:36

जिंआं पवित्रशास्त्रे च लिख्या ऐ, “तिज्जो तांई अहां हर दिन मौत्ती दे खतरे च रैंह्दे हन; अहां बल़ि होणे आल़िआं भेड्डां साइआं गिणेयो हन।”

2 कुरिन्थियों 1:10

तिन्हीं अहां जो मौत्ती दे देहय् बड्डे खतरे ते बचाया, कने बचांदा भी ऐ। कने तिस पर अहां दा एह़ बसुआस ऐ, कि सैह़ गांह भी बचांदा रैंह्गा।

2 कुरिन्थियों 1:5

क्जोकि जिंआं मसीह दे मते दुखां च साझी हुंदे हन, तिंआं ई अहां सांति च भी मसीह दे जरिये जादा साझी हुंदे हन।

2 कुरिन्थियों 13:4

सैह़ कमजोरियां दिया बज़ाह ते सूल़िया पर टूंगेया तां गेआ, भिरी भी परमात्मे दी सामर्थी नैं जिन्दा ऐ। अहां भी तिस च कमजोर हन, अपर परमात्मे दिया सामर्थी नैं जेह्ड़ी तुहां तांई ऐ, तिस सौगी जींगे।

गलातियों 2:20

जाह़लू मसीह सूल़िया पर मरेया, तां मैं भी मरी गेआ, कने हुण जेह्ड़ा मिन्जो च जिन्दा ऐ, सैह़ मैं नीं अपर मसीह ऐ; कने हुण जिंआं मैं जीआ दा ऐ तां सिर्फ तिस बसुआसे दे जरिये जेह्ड़ा परमात्मे दे पुत्तरे पर ऐ, जिन्हीं मिन्जो नैं प्यार कित्ता कने मिन्जो तांई अपणे आप्पे जो देई दित्ता।

गलातियों 6:17

गांह जो कोई मिन्जो दुख ना दैं, क्जोकि जेह्ड़े नसाण मेरे सरीरे च हन, सैह़ एह़ दस्सदे हन कि मैं यीशु मसीह दा प्रेरित ऐ।

इफिसियों 4:13

एह़ लगातार हुंदा रैंह्गा, कि जाह़लू तिकर अहां सारे अहां दे बसुआसे कने परमात्मे दे पुत्तरे दे ज्ञाने दे जरिये इक्क मन नीं होई जान। तां अहां मसीह साइआं सिद्ध बणगे कने पूरे तरीके नैं तिस साइआं हुंगे।

फिलिप्पियों 3:8

अपर तिसते भी बधी करी मैं अपणे प्रभु यीशु मसीह जो जाणने दी जरूरता दे सामणै सारियां गल्लां जो बेकार समझदा ऐ। जिसदिया बज़ाह ते मैं सारियां चीज्जां दा नकसान झेलेया, कने तिन्हां जो कूड़ा समझदा ऐ, जिसते मैं मसीह जो जाणी सकैं।

कुलुस्सियों 1:24

हुण मैं तिन्हां दुखा दिया बज़ाह ते जेह्ड़े तुहां तांई झेला दा ऐ, खुसी मनांदा ऐ। कने मैं तिसदे सरीरे, मतलब कलीसिया तांई अपणे सरीरे च कने मसीह दे दुखां च बाक्कि रेई गेई कमियां जो पूरा करदे-करदे अपणी जिम्मेवारी निभा दा ऐ।

कुलुस्सियों 2:13

तुहां जाह़लू अपणे अपराधां कने बगैर खतणे ते मतलब बपतिस्मे ते पैहल्ले तुहां दा खरा सभाव मरेया था, परमात्मे तुहां दे सारे अपराधां जो माफ करदे होये तुहां जो मसीह सौगी जिन्दा करी दित्या ऐ।

कुलुस्सियों 3:1

इसतांई जाह़लू तुहां मसीह सौगी मरेयां ते जिन्दे कित्ते गै, तां तिन्हां चीज्जां दी इच्छा करदे रेह्आ, जेह्ड़ियां परमात्मे तुहां तांई सुअर्गे च रखियां हन, जित्थु मसीह अज्ज भी ऐ, कने परमात्मे दे सज्जे बक्खे बैठेया ऐ।

1 पतरस 1:3

अहां परमात्मे दा धन्यावाद करदे हन, जेह्ड़ा अहां दे प्रभु यीशु मसीह दा पिता ऐ, जिन्हीं अपणी बड़ी दया नैं अहां जो नौई ज़िन्दगी दित्ती, क्जोकि परमात्मे यीशु मसीह जो मरेयां ते जिन्दा कित्ता, कने तिन्हीं अहां जो निडर होई नैं जीणे दे काबल बणाया, सैह़ एह़ कि अहां नैं तिन्हीं जिन्हां चीज्जां जो दैणे दा वादा कित्या ऐ, तिन्हां जो हासल करणे तांई अहां पूरी आस रखी सकन,

2 पतरस 1:13

कने मैं अप्पु तांई एह़ ठीक समझदा ऐ, कि जाह़लू तिकर मैं इस संसारे च ऐ, ताह़लू तिकर तुहां जो इन्हां गल्लां दी याद करांदा रैंह्।

1 यूहन्ना 2:3

जे अहां परमात्मे दे हुक्मां जो मनगे, तां इसते अहां जो पता लग्गी जांगा कि अहां तिसियो जाणदे हन।

1 यूहन्ना 2:5

अपर जेह्ड़ा कोई परमात्मे दे वचनां जो मनदा ऐ, तिस च सच्च-बिच्च परमात्मे दा प्यार प्रगट होएया ऐ। इसते अहां जाणदे हन, कि अहां तिस च हन।

प्रकाशितवाक्य 1:18

कने मैं सैह़ ऐ जेह्ड़ा हमेसा जिन्दा ऐ, इक्क बग्त था जाह़लू मैं मरी गेआ था, अपर हुण मैं जिन्दा ऐ कने हमेसा जिन्दा रैंह्गा; कने मौत्त कने अधोलोक दी चाबियां मिन्जो अल्ल ई हन।