फिलिप्पियों 3:1 - काँगड़ी

¹ इसतांई हे प्यारे साथी बसुआसियो, प्रभु च खुस रेह्आ! सैई गल्लां तुहां जो बार-बार लिखणे च मिन्जो तां कोई तकलीफ नीं हुंदी, अपर एह़ गल्लां तुहां जो झूठी सिक्षा ते बचादियां हन।

फिलिप्पियों 3:1 Cross References

मत्ती 5:12

ताह़लू खुस कने मग्न होनेयों क्जोकि तुहां तांई सुअर्गे च इक्क बड़ा बड्डा इनाम रखेया ऐ। इसतांई कि तिन्हां लोकां भविष्यवक्तां जो जेह्ड़े तुहां ते पैहल्ले थे इसी तरीके नैं सताया था।”

लूका 1:47

कने मैं, मेरा उद्धार करणे आल़े परमात्मे च खुस ऐ,

रोमियो 5:11

कने सिर्फ ऐई नीं, अपर हुण अहां दे प्रभु यीशु मसीह दे जरिये परमात्मे सौगी अहां दा मेल-जोल होई गेआ ऐ, इसतांई परमात्मे च खुस हुंदे हन।

2 कुरिन्थियों 13:11

कने हे प्यारे साथी बसुआसियो, मैं इन्हां सब्दां सौगी चिठ्ठी बंद करदा ऐ। खुस रेह्आ, सिद्ध बणदे जा, इक्की दूये जो हौंसला दिंदे रेह्आ, इक्क मन रेह्आ, मिल्ली जुली नैं रेह्आ। ताह़लू प्यार कने सांति दा परमात्मा तुहां सौगी रैंह्गा।

इफिसियों 6:10

आखरी च प्रभु दिया सामर्थी दे जरिये आत्मिकता च मजबूत बणां।

फिलिप्पियों 3:3

क्जोकि परमात्मे दे सच्चे लोक अहां ई हन, जेह्ड़े परमात्मे दिया आत्मा च होई नैं अराधना करदे हन, कने यीशु मसीह पर घमंड करदे हन, कने सरीरे दे कम्मां पर भरोसा नीं रखदे।

फिलिप्पियों 4:4

प्रभु च सदा खुस रेह्आ। मैं भिरी ग्लांदा ऐ, खुस रेह्आ।

फिलिप्पियों 4:8

इसतांई आखर च हे प्यारे साथी बसुआसियो, तुहां अपणा ध्यान तिन्हां गल्लां पर लग्गा, जेह्ड़ियां-जेह्ड़ियां गल्लां सच्च हन, कने जेह्ड़ियां-जेह्ड़ियां गल्लां इज्जता आल़िआं हन, कने जेह्ड़ियां-जेह्ड़ियां गल्लां खरियां हन, कने जेह्ड़ियां-जेह्ड़ियां गल्लां पवित्र हन, कने जेह्ड़ियां-जेह्ड़ियां गल्लां छैल़ हन, कने जेह्ड़ियां-जेह्ड़ियां मने भाणे आल़िआं हन। कने तुहां दा मन तिन्हां गल्लां पर लग्गी रैंह्, जेह्ड़ियां उत्तम कने तरीफां दियां गल्लां हन।

1 थिस्सलुनीकियों 4:1

आखरी च हे प्यारे साथी बसुआसियो, अहां तुहां नैं विणती करदे हन, कने तुहां जो प्रभु यीशु च समझांदे हन, कि तुहां प्रभु दे नांऐ च इस तरीके नैं ज़िन्दगी जीआ, जेह्ड़ी परमात्मे जो खुस करदी ऐ। कने जिंआं अहां तुहां जो सखाया भी ऐ। तुहां पैहल्ले ते ई इआं करदे आएयो हन, कने तिंआं ई होर भी बधदे जा।

1 थिस्सलुनीकियों 5:16

सदा खुस रेह्आ।

याकूब 1:2

हे मेरे प्यारे साथी बसुआसियो, जाह़लू तुहां हर किस्मां दियां परीक्षां च पोन, तां इन्हां परीक्षां जो बड़िया खुसिया दी गल्ल समझा।

1 पतरस 3:8

आखर च मैं तुहां सबना जो एह़ ग्लाणा चांह़दा ऐ, कि तुहां सारे इक्क मन होई नैं रेह्आ, कने इक्की दूये पर दया करा, इक्की दूये नैं प्यार रखा, भलाई करा कने नम्र बणा।

1 पतरस 4:13

अपर तुहां इस च खुस रेह्आ, कि तुहां यीशु मसीह दे दुखां च साझीदार होएयो हन, तांजे जाह़लू तिसदी महिमा प्रगट होयैं, तां तुहां खुसिया नैं भरोई जान।

2 पतरस 3:1

हे मेरे प्यारे साथी बसुआसियो, हुण मैं तुहां जो एह़ दूई चिठ्ठी लिखा दा ऐ, कने दून्नी चिठ्ठियां च मैं तुहां जो तिन्हां गल्लां दी जेह्ड़ियां तुहां पैहल्ले ते सिखियां हन, याद करवाणे दी कोसस करी नैं हौंसला दिंदा ऐ, तांजे तुहां तिन्हां गल्लां दे बारे च खरे कित्ते सोचन,