फिलिप्पियों 2:8 - काँगड़ी

⁸ कने माणुये दे रूपे च प्रगट होई नैं अपणे आप्पे जो दीन कित्ता, कने मौत्ती तिकर आज्ञाकारी बणी गेआ ऐत्थु तिकर कि सूल़िया दी दर्दनाक मौत्त भी झेली लेई।

फिलिप्पियों 2:8 Cross References

मत्ती 17:2

तित्थु तिन्हां सामणै तिसदा रूप बदली गेआ, कने तिसदा मुँ सूरजे साइआं चमकेया कने तिसदे कपड़े जोतिया साइआं चिट्टे होई गै।

मत्ती 26:39

भिरी सैह़ थोड़ा होर गांह जाई नैं मुँऐ दे भार पेई नैं एह़ प्रार्थना कित्ती, “हे मेरे पिता, जे होई सकैं तां एह़ दुखे दा बग्त मिन्जो ते दूर होई जां, भिरी भी जिंआं मैं चांह़दा तिंआं नीं, अपर जिंआं तू चांह़दा ऐ तिंआं ई होयैं।”

मत्ती 26:42

भिरी तिन्हीं दूई बरी जाई नैं एह़ प्रार्थना कित्ती, “हे मेरे पिता, जे एह़ दुखे दा बग्त मेरे झेलणे बगैर नीं हटी सकदा तां तेरी इच्छा पूरी होयैं।”

लूका 9:29

जाह़लू यीशु प्रार्थना करा दा ई था, तां तिसदे चेहरे दा रूप बदली गेआ, कने तिसदे कपड़े चिट्टे होई नैं चमकणा लग्गे।

यूहन्ना 10:18

कोई मेरे प्राणा जो मिन्जो ते लेई नीं सकदा, अपर मैं तिन्हां जो अपणिया मर्जिया ते दिंदा ऐ। मिन्जो अपणे प्राण दैणे दा भी हक्क ऐ, कने तिन्हां जो भिरी लेई लैणे दा भी हक्क ऐ, क्जोकि एह़ हुक्म मिन्जो मेरे पिता ते मिल्लेया ऐ।”

यूहन्ना 14:31

अपर एह़ इसतांई होणा लगेया ऐ कि संसारे जो पता लग्गी जां कि मैं पिता नैं प्यार रखदा ऐ, कने जिंआं पितैं मिन्जो हुक्म दित्या मैं तिंआं ई करदा। उठा, ऐत्थु ते चली पोंदे।

यूहन्ना 15:10

जे तुहां मेरे हुक्मां जो मनगे, तां मेरे प्यारे च बणी रैंह्गे; जिंआं कि मैं अपणे पिता दे हुक्मां जो मन्नेया ऐ, कने तिसदे प्यारे च बणी रैंह्दा ऐ।

यूहन्ना 4:34

यीशुयैं तिन्हां नैं ग्लाया, “मेरा खाणा एह़ ऐ कि अपणे घल्लणे आल़े दी इच्छा दे मताबक चल्लैं कने तिसदा कम्म पूरा करैं।

प्रेरितां दे कम्म 8:33

तिसदी दीनता च तिसदा न्याय नीं होई सकेया। कने तिस बग्ते दे लोकां दे बारे च कुण दस्सगा, क्जोकि धरतिया ते तिसदे प्राण चुक्की लियो हन।”

रोमियो 5:19

क्जोकि जिंआं इक्की माणुये दे हुक्म ना मन्नणे ते मते सारे लोक पापी बणे, तिंआं ई इक्की माणुये दे हुक्म मन्नणे ते मते सारे लोक धर्मी बणगे।

2 कुरिन्थियों 8:9

तुहां अहां दे प्रभु यीशु मसीह दा अनुग्रह जाणदे हन, कि सैह़ अमीर होई नैं भी तुहां तांई कंगाल बणी गेआ, तांजे तिसदे कंगाल होई जाणे ते तुहां अमीर होई जान।

गलातियों 3:13

मसीह जेह्ड़ा सूल़िया पर मरने दिया बज़ाह ते अहां तांई श्रापित होएया, कने तिन्हीं अहां जो खरीदी करी मूसा दिया व्यबस्था दे श्राफे ते बचाया, क्जोकि पवित्रशास्त्रे च एह़ लिख्या ऐ, “जेह्ड़ा कोई सूल़िया पर टुंगी करी मारेया जांदा ऐ सैह़ श्रापित ऐ।”

तीतुस 2:14

जेह्ड़ा अप्पु अहां तांई सूल़िया पर चढ़ी गिया, कि अहां जो हर किस्मा दिया बुराईया ते छड्डाई लैं, कने पापां ते सुद्ध करी नैं अप्पु तांई इक्क ऐदई प्रजा बणां जेह्ड़ी खरे कम्मां तांई पूरे जोशे नैं हमेसा त्यार रैंह्।

इब्रानियों 12:2

अहां बसुआसे दे कम्म करणे आल़े कने सिद्ध करणे आल़े यीशुये दे पास्से दिक्खदे रैह़न। यीशु तिसा खुसिया जो जेह्ड़ी तिसदे गांह रखियो थी, सर्मा दी कुच्छ फिकर नीं करदे, सूल़िया दा दुख झेलेया कने सुअर्गे च परमात्मे दे सिंहासणे दी सज्जे बक्खे जाई बैठेया।

इब्रानियों 12:4

तुहां पापां दे खलाफ लड़दे-लड़दे अह्ल्ली तिकर तिन्हां सौगी ऐदई लड़ाई नीं लड़ी, कि तुहां दा खून बेहया होयैं।

1 पतरस 2:24

मसीयैं सूल़िया पर अप्पु ई अपणे सरीरे च अहां दे पाप लेई लै, तांजे अहां पापां तांई मरी नैं धार्मिकता तांई ज़िन्दगी जीन, कने तिसदे ई जख्मां दे जरिये अहां खरे होये।

1 पतरस 3:18

मैं एह़ ग्लांदा ऐ, कि यीशु मसीयैं भी अहां दे पापां तांई दुख झेलेया कने मारा गेआ, सैह़ सिर्फ इक्क बरी ई मरेया, कने एह़ दुवारी भिरी करणे दी जरूरत नीं ऐ। सैह़ धर्मी माणु था जेह्ड़ा पापी लोकां तांई मरेया, तांजे तिन्हां जो परमात्मे नेड़े लेई औयें तिन्हां तिसदे सरीरे जो मारेया अपर सैह़ पवित्र आत्मा दिया सामर्थी दे जरिये दुवारी भिरी जिन्दा होई गेआ।