फिलिप्पियों 2:7 - काँगड़ी

⁷ अपर अपणे आप्पे जो देहया जीरो करी दित्ता, कने दासे दा रूप धारण कित्ता, कने सैह़ माणुये साइआं बणी गेआ।

फिलिप्पियों 2:7 Cross References

मत्ती 12:18

“दिक्खा, एह़ मेरा सेवक ऐ, जिसियो मैं चुणेया ऐ; मेरा प्यारा, जिसते मेरा मन खुस ऐ, मैं अपणा पवित्र आत्मा तिसियो दिंगा, कने सैह़ होरनी जातिआं दे लोकां जो न्याय दा समाचार दिंगा।

मत्ती 20:28

जिंआं कि मैं माणुये दा पुत्तर इसतांई नीं आया कि अपणी सेवा करवां, अपर इसतांई आया कि अप्पु सेवा करैं, कने मतेआं जो छड्डाणे तांई अपणे प्राण दैं।”

मरकुस 9:12

यीशुयैं तिन्हां जो जवाब दित्ता, “एलिय्याह दा पैहल्ले औणां सच्च-बिच्च जरूरी ऐ, क्जोकि मिन्जो तांई लोकां दे मनां जो त्यार करैं, कने माणुये दे पुत्तरे दे बारे च भी पवित्रशास्त्रे च एह़ क्जो लिख्या ऐ कि सैह़ बड़े दुख झेलगा, कने सैह़ नीच गिणेयां जांगा?

लूका 22:27

क्जोकि बड्डा कुण ऐ, सैह़ जेह्ड़ा खाणा बैठेया ऐ, या सैह़ जेह्ड़ा सेवा करदा ऐ? क्या सैह़ नीं जेह्ड़ा खाणा बैठेया ऐ? अपर मैं तुहां बिच्च दासे साइआं ऐ।

यूहन्ना 1:14

कने वचन माणु बणी करी आया; कने अनुग्रह कने सच्चाईया नैं पूरा भरोई नैं अहां दे बिच्च डेरा कित्ता। कने अहां तिसदी देहई महिमा दिक्खी, जिंआं पिता दे इकलौते पुत्तरे दी महिमा।

रोमियो 1:3

अपणे पुत्तर अहां दे प्रभु यीशु मसीह दे बारे च वादा कित्या था। सैह़ सरीरे मताबक तां दाऊद राजे दे वंशे ते पैदा होएया।

रोमियो 15:3

क्जोकि मसीह अपणे आप्पे जो खुस नीं कित्ता, अपर जिंआं पवित्रशास्त्रे च लिख्या ऐ, “तेरी निंदा करणे आल़ेआं मेरी निंदा कित्ती ऐ।”

रोमियो 15:8

इसतांई मैं ग्लांदा ऐ, मसीह यहूदियां दा दास एह़ दस्सणे तांई बणेया, कि परमात्मा वादेयां जो पूरा करणे च सच्चा ऐ, जेह्ड़े तिन्हां दे पूर्वजां नैं कित्यो थे,

रोमियो 8:3

क्जोकि जेह्ड़े कम्म मूसा दिया व्यबस्था अहां दे पापी सभावे दिया बज़ाह ते कमजोर होई नैं नीं करी सकी। सैह़ कम्म परमात्मैं करी दित्ते हन, मतलब जिन्हीं अहां दे पापां दी माफी तांई अपणे पुत्तरे जो बलिदान होणे तांई घल्लेया, कने जिन्हीं अहां पापी माणुआं साइआं सरीर धारण कित्ता, कने परमात्मैं मसीह दे सरीरे च पापे जो सज़ा दा हुक्म दित्ता।

2 कुरिन्थियों 13:4

सैह़ कमजोरियां दिया बज़ाह ते सूल़िया पर टूंगेया तां गेआ, भिरी भी परमात्मे दी सामर्थी नैं जिन्दा ऐ। अहां भी तिस च कमजोर हन, अपर परमात्मे दिया सामर्थी नैं जेह्ड़ी तुहां तांई ऐ, तिस सौगी जींगे।

2 कुरिन्थियों 8:9

तुहां अहां दे प्रभु यीशु मसीह दा अनुग्रह जाणदे हन, कि सैह़ अमीर होई नैं भी तुहां तांई कंगाल बणी गेआ, तांजे तिसदे कंगाल होई जाणे ते तुहां अमीर होई जान।

गलातियों 4:4

अपर जाह़लू ठीक बग्त आया जिसदी योजना परमात्मैं बणाईयो थी, तां परमात्मैं अपणा इकलौता पुत्तर घल्लेया, जिन्हीं माणुये दे रूपे च जन्म लेआ, कने सैह़ इक्क यहूदी परवारे च पैदा होएया कने तिन्हीं मूसा दिया व्यबस्था दा पालण कित्ता,

फिलिप्पियों 2:6

हलांकि मसीह साक्षात परमात्मा था भिरी भी तिन्हीं कुसी जो मजबूर नीं कित्ता, कि लोक तिस नैं परमात्मे साइआं बर्ताब करन।

इब्रानियों 12:2

अहां बसुआसे दे कम्म करणे आल़े कने सिद्ध करणे आल़े यीशुये दे पास्से दिक्खदे रैह़न। यीशु तिसा खुसिया जो जेह्ड़ी तिसदे गांह रखियो थी, सर्मा दी कुच्छ फिकर नीं करदे, सूल़िया दा दुख झेलेया कने सुअर्गे च परमात्मे दे सिंहासणे दी सज्जे बक्खे जाई बैठेया।

इब्रानियों 13:3

कैदियां दा भी इन्हीं साह्भें हाल चाल पुछदे रेह्आ, कि समझा तुहां भी तिन्हां सौगी कैद हन। कने जेह्ड़े लोक दुखी कित्ते जांदे हन, तिन्हां दा भी एह़ समझी करी हाल चाल पुछा करा, जिंआं कि तुहां तिन्हां दे दुखे च साझी हन।

इब्रानियों 4:15

क्जोकि अहां दा ऐदेया महायाजक ऐ जेह्ड़ा अहां दियां कमजोरियां च अहां पर दया करी सकदा ऐ। अपर सैह़ सारियां गल्लां च अहां साइआं परखेया तां गेआ, भिरी भी पापी नीं निकल़ेया।