फिलिप्पियों 2:6 - काँगड़ी

⁶ हलांकि मसीह साक्षात परमात्मा था भिरी भी तिन्हीं कुसी जो मजबूर नीं कित्ता, कि लोक तिस नैं परमात्मे साइआं बर्ताब करन।

फिलिप्पियों 2:6 Cross References

मत्ती 1:23

“दिक्खा, इक्की कुआरिया कुड़िया गर्भवती होणा कने इक्क जागत जम्मणा, कने तिसदा नां इम्मानुएल रखेया जांगा,” जिसदा मतलब ऐ, परमात्मा अहां सौगी।

यूहन्ना 1:18

परमात्मे जो कदी कुणी नीं दिख्या, सिर्फ तिसदे इकलौते पुत्तरें जेह्ड़ा अप्पु ई परमात्मा ऐ, कने अपणे पिता दिया गोदी च बैठेया ऐ, कने तिन्हीं परमात्मे जो प्रगट कित्ता।

यूहन्ना 10:30

मैं कने पिता इक्को ई हन।”

यूहन्ना 10:33

यहूदियां तिसियो जवाब दित्ता, “खरेयां कम्मां तांई अहां तिज्जो पर पत्थर नीं मारदे अपर परमात्मे दी निंदा करणे दिया बज़ाह ते; कने इसतांई कि तू माणु होई नैं अप्पु जो परमात्मा बणाणे दा दावा करदा ऐ।”

यूहन्ना 10:38

अपर जे मैं करदा ऐ, तां चाहे मेरा बसुआस भी मत करा, अपर तिन्हां कम्मां दा तां बसुआस करा। तांजे तुहां जाणन कने समझी सकन, कि पिता मिन्जो च ऐ कने मैं पिता च ऐ।”

यूहन्ना 14:28

तुहां सुणेया कि मैं तुहां नैं ग्लाया, मैं चली पेआ, कने तुहां अल्ल भिरी बापस ओंगा। जे तुहां मिन्जो नैं प्यार रखेयां हुंदा, तां इसा गल्ला ते खुस हुंदे कि मैं पिता अल्ल चली पेआ, क्जोकि पिता मिन्जो ते बड्डा ऐ।

यूहन्ना 14:9

यीशुयैं तिस नैं ग्लाया, “हे फिलिप्पुस, मैं इतणे दिनां ते तुहां सौगी ऐ, कने क्या तू मिन्जो नीं जाणदा? जिन्हीं मिन्जो दिख्या ऐ तिन्हीं पिता जो दिख्या ऐ। तू क्जो ग्ला दा ऐ कि पिता जो अहां जो दस्स?

यूहन्ना 17:5

हुण हे पिता, तू अप्पु सौगी मेरी महिमा तिसा महिमा नैं कर जेह्ड़ी महिमा संसारे दिया सृष्टिया ते पैहल्ले, तिज्जो सौगी थी।

यूहन्ना 20:28

एह़ सुणी थोमे जवाब दित्ता, “हे मेरे प्रभु हे मेरे परमात्मा।”

यूहन्ना 5:18

यीशु दी इसा गल्ला सुणी करी यहूदी अगुऐ तिस जो मारने दी होर भी जादा कोसस करणा लग्गे, क्जोकि सैह़ ना सिर्फ बिस्रामे आल़े दिने दे नियमे जो तोड़दा था, अपर परमात्मे जो अपणा पिता ग्लाई नैं अप्पु जो परमात्मे बराबर बणांदा था।

यूहन्ना 5:23

कि सारे लोक जिंआं पिता परमात्मे दा आदर करदे हन तिंआं ई पुत्तरे दा भी आदर करन। जेह्ड़ा पुत्तरे दा आदर नीं करदा, सैह़ पिता परमात्मे दा जिन्हीं तिसियो घल्लेया ऐ, आदर नीं करदा।

रोमियो 9:5

अब्राहम, इसहाक कने याकूब भी तिन्हां दे पूर्वज हन, कने माणु होणे दे नाते मसीह भी इस्राएली था। कने सैह़ परमात्मा ऐ जेह्ड़ा सारियां चीज्जां पर राज करदा ऐ, कने हमेसा स्तुति जोग्गा ऐ। आमीन।

2 कुरिन्थियों 4:4

इस संसारे दे ईश्वर सैताने तिन्हां बेबसुआसियां दिया अक्ला जो भ्रष्ट करी दित्या ऐ, जिसा बज़ाह ते सैह़ मसीह दे सुसमाचारे कने तिसदिया चमका जो नीं समझी सकदे। क्जोकि मसीह परमात्मे दा स्वरूप ऐ।

2 कुरिन्थियों 8:9

तुहां अहां दे प्रभु यीशु मसीह दा अनुग्रह जाणदे हन, कि सैह़ अमीर होई नैं भी तुहां तांई कंगाल बणी गेआ, तांजे तिसदे कंगाल होई जाणे ते तुहां अमीर होई जान।

1 तीमुथियुस 1:17

हुण सदा काल तिकर राज्ज करणे आल़ा राजा मतलब सदा जिन्दा रैहणे आल़ा, जिसियो कोई नीं दिक्खी सकदा कने इकलौते परमात्मे दा आदर कने महिमा जुगा-जुग हुंदी रैंह्। आमीन।

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

तीतुस 2:13

कने तिसा खरिया आसा दा मतलब अपणे म्हान परमात्मे कने उद्धार करणे आल़े यीशु मसीह दी महिमा दे प्रगट होणे दा इन्तजार करदे रैह़न।

इब्रानियों 1:3

पुत्तर ई परमात्मे दिया महिमा दी चमक ऐ, कने सैह़ हर किस्मां ते तिस साइआं ऐ। कने सैह़ अपणे सामर्थी दे वचनां ते सारिया सृष्टिया जो मजबूत बणाई रखदा ऐ। सैह़ लोकां दे सारे पापां जो धोई करी सबते ऊची पदविया पर परमात्मे दे सज्जे बक्खे जाई बैठा ऐ।

इब्रानियों 1:6

भिरी परमात्मा अपणे म्हान पुत्तरे जो संसारे च घल्ली नैं ग्लांदा ऐ: “परमात्मे दे सारे सुअर्गदूत तिसदी अराधना करन।”

इब्रानियों 1:8

अपर पुत्तरे दे बारे च ग्लांदा ऐ: “हे परमात्मा, जुगा-जुग तिकर तू राजे साइआं राज्ज करदा रैंह्गा। तू धार्मिकता सौगी अपणे राज्ज पर राज करगा।

इब्रानियों 13:8

यीशु मसीह कल कने अज्ज कने जुगा-जुग कदी नीं बदलदा।

प्रकाशितवाक्य 21:6

भिरी तिन्हीं मिन्जो ग्लाया, “एह़ गल्लां पूरियां होई गियां हन। मैं अलफा कने ओमेगा, मतलब सुरुआत कने अन्त ऐ। मैं प्यासे जो ज़िन्दगिया दे पांणिये दे झरनेयां ते मुफ्ते च पियांगा।