फिलिप्पियों 2:5 - काँगड़ी

⁵ जिंआं यीशु मसीह दा सभाव था तिंआं ई तुहां दा सभाव भी इक्की दूये नैं होयैं;

फिलिप्पियों 2:5 Cross References

मत्ती 11:29

मेरा जुंगल़ा अपणे ऊपर चुक्की लेआ, कने मिन्जो ते सीखा; क्जोकि मैं नम्र कने मने च दीन ऐ, कने तुहां अपणे मने च अराम पांगे।

लूका 22:27

क्जोकि बड्डा कुण ऐ, सैह़ जेह्ड़ा खाणा बैठेया ऐ, या सैह़ जेह्ड़ा सेवा करदा ऐ? क्या सैह़ नीं जेह्ड़ा खाणा बैठेया ऐ? अपर मैं तुहां बिच्च दासे साइआं ऐ।

प्रेरितां दे कम्म 10:38

परमात्मैं जिस तरीके नैं यीशु नासरिये जो पवित्र आत्मा कने सामर्थी नैं अभिषेक कित्ता; सैह़ भलाई करदा कने सबना जो जेह्ड़े सैताने दे सतायो हन, खरा करी दिंदा, क्जोकि परमात्मा तिस सौगी था।

प्रेरितां दे कम्म 20:35

मैं तुहां जो सब कुच्छ करी नैं दस्सेया कि इस तरीके नैं मेहनत करदे-करदे कमजोरेयां जो सम्भाल़णा कने प्रभु यीशुये दे वचन याद रखणा जरूरी ऐ, जेह्ड़ा तिन्हीं अप्पु ई ग्लाया ऐ, ‘लैणे ते दैणा खरा ऐ’।”

रोमियो 14:15

जे तेरा बसुआसी भाऊ तेरे खाणे दिया बज़ाह ते उदास हुंदा ऐ, तां भिरी तेरा सभाव प्यारे मताबक नीं रेह्आ। जे तुहां दे खाणे ते तुहां दा भाऊ परमात्मे पर बसुआस करणा छड्डी दैं, तां तिस खाणे जो मत खा। क्जोकि मसीह तुहां दे तिस बसुआसी भाऊये तांई भी मरेया ऐ।

रोमियो 15:3

क्जोकि मसीह अपणे आप्पे जो खुस नीं कित्ता, अपर जिंआं पवित्रशास्त्रे च लिख्या ऐ, “तेरी निंदा करणे आल़ेआं मेरी निंदा कित्ती ऐ।”

रोमियो 15:5

मैं एह़ प्रार्थना करदा ऐ, कि परमात्मा तुहां जो सबर कने हौंसले दा वरदान दैं, तांजे यीशु मसीह दे जरिये अप्पु च मिल्ली जुली नैं रेह्आ।

1 कुरिन्थियों 10:33

जिंआं मैं भी सारियां गल्लां च सबना जो खुस रखदा ऐ, कने मैं अपणिया नीं अपर दूयेयां दिया भलाईया दे बारे च सोचदा ऐ तांजे सैह़ उद्धार पान।

इफिसियों 5:2

कने तुहां इक्की दूये नैं प्यार करा, जिंआं मसीयैं भी तुहां नैं कित्या ऐ, कने अहां दे पापां जो दूर करणे तांई अप्पु जो बलिदान करी दित्ता, कने परमात्मा खुस होएया, क्जोकि एह़ बलिदान तिस तांई मिठ्ठी खुसबुया साइआं होएया।

फिलिप्पियों 1:1

मैं पौलुस कने तीमुथियुस जेह्ड़े यीशु मसीह दे दास हन, अहां दिया तरफा ते एह़ चिठ्ठी परमात्मे सारे पवित्र लोकां दे नां पर, कने स्याणेयां कने सेवकां जो जेह्ड़े यीशु मसीह च होई नैं फिलिप्पी सैहरे च रैंह्दे हन, लिखदा ऐ।

1 पतरस 2:21

कने परमात्मे दी तुहां जो सदणे दी बज़ाह एह़ ऐ, कि तुहां तिस तांई दुख झेलन, मसीह भी जिन्हीं तुहां तांई दुख झेलेया, सैह़ तुहां तांई इक्क उदारण ऐ, इसतांई जेह्ड़ा तिन्हीं कित्ता, तुहां जो भी तिंआं ई करणा चाइदा।

1 पतरस 4:1

इसतांई जिंआं मसीयैं अपणे सरीरे दुख झेलेया, तिंआं ई तुहां जो भी तिसी सभावे सौगी दुख झेलणे तांई त्यार रैहणा चाइदा। क्जोकि जे तुहां मसीह तांई दुख झेलणे जो त्यार हन, तां इसदा मतलब एह़ कि तुहां पाप नीं करणे दा फैसला लेई लेआ ऐ,

1 यूहन्ना 2:6

कने जेह्ड़ा कोई एह़ ग्लांदा ऐ, कि मैं तिस च बणी रैंह्दा ऐ, तां तिसियो चाइदा कि अप्पु भी तिंआं ई जीन जिंआं यीशु मसीह ज़िन्दगी जींदा था।