फिलिप्पियों 2:29 - काँगड़ी

²⁹ इसतांई तुहां प्रभु च तिस नैं बड़िया खुसिया नैं मिलणा, कने तुहां जो तिसदा कने जेह्ड़े तिस साइआं हन आदर करणा चाइदा,

फिलिप्पियों 2:29 Cross References

लूका 9:5

जेह्ड़ा कोई तुहां दा आदर नीं करगा, तिस ग्रांऐ ते बाहर निकल़दे ई अपणे पैरां दिया धूड़ी झाड़ी देआ, कि एह़ तिस सैहरे दे लोकां जो दस्सगा कि परमात्मा तिन्हां दा न्याय करगा।”

यूहन्ना 13:20

मैं तुहां नैं सच्च-सच्च ग्लांदा ऐ, कि जेह्ड़ा मेरे घल्लणे आल़े जो अपनांदा ऐ, सैह़ मिन्जो अपनांदा ऐ; कने जेह्ड़ा मिन्जो अपनांदा ऐ, सैह़ मेरे घल्लणे आल़े जो अपनांदा ऐ।

प्रेरितां दे कम्म 2:46

सैह़ रोज इक्क मन होई करी मंदरे च किठ्ठे हुंदे थे, कने घर-घर रोटी तोड़दे कने खुसी कने मने दी सिधाई सौगी खाणा खांदे थे,

प्रेरितां दे कम्म 28:10

तिन्हां अहां दा बड़ी आदर खातर कित्ती, कने जाह़लू अहां चलणा लग्गे, तां तिन्हां जेह्ड़ा कुच्छ अहां तांई जरूरी था, समुंदरी जाह्जे पर रखी दित्ता।

प्रेरितां दे कम्म 8:8

कने तिस सैहरे दे मते लोकां च बड़ी खुसी छाई गेई।

रोमियो 10:15

कने जे घल्ले नीं जान, तां किंआं प्रचार करन? जिंआं पवित्रशास्त्रे च लिख्या ऐ, “कितणे छैल़ हन तिन्हां लोकां दे पैर जेह्ड़े खरियां गल्लां दा सुसमाचार लेई नैं ओंदे हन।”

रोमियो 16:2

कने तुहां बसुआसी लोकां जो चाइदा, कि तिसादा प्रभु च सुआगत करा; कने जिसा कुसी गल्ला च तिसा जो तुहां ते जरूरत ऐ, तिसा दी मदत करा। क्जोकि तिन्नै मतेआं दी कने मेरी भी बड़ी मदत कित्तियो ऐ।

1 कुरिन्थियों 16:10

जे तीमुथियुस आई जां, तां तिसदी खरे कित्ते आदर-खातर करनेयों। क्जोकि सैह़ मिन्जो साइआं प्रभु दे कम्म करदा ऐ।

1 कुरिन्थियों 16:18

तिन्हां मेरे कने तुहां दे मनां जो बड़ा हौंसला दित्ता ऐ, इसतांई तुहां जो ऐदेयां लोकां दी इज्जत करणी चाइदी।

2 कुरिन्थियों 10:18

क्जोकि जेह्ड़ा अपणी बड़ेयाई करदा ऐ, सैह़ नीं, अपर जिसदी बड़ेयाई प्रभु करदा ऐ, सैई ग्रहण कित्ता जांदा ऐ।

2 कुरिन्थियों 7:2

अहां जो अपणे मने च जगाह देआ। अहां ना कुसी नैं बुराई कित्ती, ना कुसी जो बिगाड़ेया, कने ना कुसी जो ठगेया।

फिलिप्पियों 2:28

इसतांई मैं तिसियो घल्लणे दी होर भी कोसस कित्ती कि तुहां तिस नैं मिल्ली नैं खुस होई जा कने मेरी फिकर भी कम होई जां।

कुलुस्सियों 4:10

अरिस्तर्खुस, जेह्ड़ा मिन्जो सौगी कैदी ऐ, कने यूहन्ना मरकुस जेह्ड़ा बरनबासे दा भाऊ लगदा ऐ, (मैं जाणदा ऐ कि मरकुसे दे बारे च तुहां जो पैहल्ले ते दस्सी दित्या था कि जे सैह़ तुहां अल्ल औयें, तां तिस नैं ठीक ढंगे नैं बर्ताब करणा।)

1 थिस्सलुनीकियों 5:12

हे प्यारे साथी बसुआसियो, अहां तुहां नैं विणती करदे हन, कि जेह्ड़े तुहां च मेहनत करदे हन, कने प्रभु च जेह्ड़े तुहां दे अगुऐ हन, कने सिक्षा दिंदे हन, तिन्हां दी मन्ना कने आदर करा।

1 तीमुथियुस 5:17

जेह्ड़े स्याणे कलीसिया दे कम्मां जो ठीक ढंगे नैं करदे हन, खास करी नैं सैह़ जेह्ड़े वचन सणाणे कने सखाणे च मेहनत करदे हन, सैह़ दो गुणा आदर करणे जोग्गे समझे जान।

इब्रानियों 13:17

अपणे अगुआं दा हुक्म मन्ना कने तिन्हां दे अधीन रेह्आ, क्जोकि सैह़ तुहां जो दिक्खा दे हन, कि तुहां अपणे रस्ते ते भटकी नीं जान। क्जोकि तिन्हां जो अपणिया सेवा दा लेखा जोखा परमात्मे जो दैणा पोणा ऐ। तुहां तिन्हां दे हुक्मां जो मन्ना, तांजे सैह़ अपणे कम्मां दे खुस होई जान, ना कि उदास, एह़ तुहां तांई भी फायदेमंद होई जांगा।

3 यूहन्ना 1:10

इसतांई जाह़लू मैं ओंगा, तां तिसदे कम्मां दी जेह्ड़ा सैह़ करा दा ऐ, याद करांगा, कि सैह़ अहां दे बारे च बुरिआं-बुरिआं गल्लां बकदा ऐ। कने इस पर भी तसल्ली नीं करी नैं अप्पु ई बसुआसी भाऊआं जो नीं अपनांदा। कने जेह्ड़े बसुआसी भाऊ बाहरे ते ओंदे हन, तिन्हां जो कलीसिया दे लोक अपनाणा चांह़दे हन, अपर सैह़ मना करदा ऐ कने कलीसिया ते कड्डी दिंदा ऐ।