फिलिप्पियों 2:25 - काँगड़ी

²⁵ अपर मैं इपफ्रुदीतुसे जो तुहां अल्ल बापस घल्लणा जरूरी समझेया। जेह्ड़ा मेरा बसुआसी भाऊ, कने मिन्जो सौगी कम्म करणे आल़ा, संगी सपाई, कने तुहां दा संदेस पजाणे आल़ा, कने जरूरी गल्लां च मेरी सेवा टहल करणे आल़ा ऐ।

फिलिप्पियों 2:25 Cross References

यूहन्ना 13:16

मैं तुहां नैं सच्च-सच्च ग्लांदा ऐ, दास अपणे मालके ते बड्डा नीं, कने नीं घल्लेया होएया अपणे घल्लणे आल़े ते।

यूहन्ना 17:18

जिंआं तैं मिन्जो संसारे च घल्लेया, तिंआं ई मैं भी तिन्हां जो संसारे च घल्लेया;

रोमियो 16:3

बैहण प्रिसका कने अक्विला भाऊये जो जेह्ड़े यीशु मसीह च मिन्जो सौगी कम्म करदे हन, तिन्हां जो मेरा नमस्कार।

रोमियो 16:9

उरबानुसे जो, जेह्ड़ा मसीह च अहां सौगी कम्म करदा ऐ, कने मेरे प्यारे इस्तखुस जो भी मेरा नमस्कार।

1 कुरिन्थियों 3:9

क्जोकि अहां परमात्मे तांई कम्म करणे आल़े तिसदे साथी हन; तुहां इक्की खेते साइआं हन, जेह्ड़ा परमात्मे दा ऐ, कने मैं तुहां दी इक्क ऐदेय घरे साइआं तुलणा करा दा ऐ, जिसियो परमात्मा बणांदा ऐ।

2 कुरिन्थियों 2:13

मैं अपणे बसुआसी भाऊ तीतुसे जो तित्थु नीं दिख्या तां मेरे मने जो चैन नीं मिल्ला। इसतांई मैं त्रोआस सैहरे दे बसुआसियां ते विदा होई नैं मकिदुनिया प्रदेसे जो बापस आई गेआ।

फिलिप्पियों 2:26

क्जोकि तिसदा मन तुहां सारेयां च लगेया था, कने सैह़ बचैन रैंह्दा था क्जोकि तुहां तिसदिया बमारिया दा हाल सुणेया था।

फिलिप्पियों 4:18

मिन्जो अल्ल सब कुच्छ ऐ, अपर मता सारा ऐ; जेह्ड़ियां चीज्जां तुहां इपफ्रुदीतुस दे हत्थे ते घल्लियां थियां तिन्हां जो लेई नैं मैं रज्जी गेआ, सैह़ तां सुख आल़ी सुगंधा साइआं, कने अपनाणे जोग्गा बलिदान ऐ, जिन्हां जो याजक परमात्मे जो चढ़ांदे हन, जिसियो परमात्मा अपनांदा कने खुस हुंदा ऐ।

फिलिप्पियों 4:3

हे सच्चे साथी, मैं तिज्जो नैं भी विणती करदा ऐ, कि तू तिन्हां जणासां दी इक्क मन रैहणे च मदत कर, क्जोकि तिन्हां मिन्जो सौगी सुसमाचार फैलाणे च, क्लेमेंस कने मेरे होर साथियां सौगी मेहनत कित्ती, तिन्हां सबना दे नां ज़िन्दगिया दिया कताबां च लिख्यो हन।

कुलुस्सियों 1:7

तिसदी सिक्षा तुहां अहां दे प्यारे साथी इपफ्रासे ते सिखियो ऐ, जेह्ड़ा अहां सौगी मसीह च बसुआसे जोग्गा सेवक ऐ।

कुलुस्सियों 4:11

कने यीशु जिसियो लोक यूस्तुस ग्लांदे हन, तुहां जो नमस्कार ग्लांदे हन। यहूदी बसुआसी लोकां च सिर्फ ऐई त्रै माणु परमात्मे दे राज्जे तांई मेरे साथी हन, जेह्ड़े मिन्जो हिम्मत दिंदे हन।

1 थिस्सलुनीकियों 3:2

कने अहां तीमुथियुसे जो, जेह्ड़ा मसीह दे सुसमाचारे च अहां दा बसुआसी भाऊ कने परमात्मे दा सेवक ऐ, इसतांई तिसियो तुहां अल्ल घल्लेया ऐ, कि सैह़ तुहां जो बसुआसे च मजबूत करैं; तांजे तुहां दा बसुआस यीशु मसीह च लगातार बणी रैंह्।

फिलेमोन 1:24

कने मरकुस कने अरिस्तर्खुस कने देमास कने लूका जेह्ड़े मेरे साथी हन, इन्हां दे पास्से ते तिज्जो नमस्कार।

इब्रानियों 3:1

इसतांई हे प्यारे साथी बसुआसियो, तुहां परमात्मे नैं मिलणे तांई सद्देयो गै हन, यीशु पर ध्यान देआ, जेह्ड़ा अहां तांई परमात्मे दा संदेस लेई करी ओणे आल़ा दूत कने महायाजक ऐ।