फिलिप्पियों 2:16 - काँगड़ी

¹⁶ तांजे मसीह दे बापस ओणे दे दिन मिन्जो घमंड करणे दी बज़ाह होयैं, कने ना मेरी नठ्ठ-भज्ज कने ना मेरी कड़ी मेहनत करणा बेकार होई।

फिलिप्पियों 2:16 Cross References

मत्ती 10:27

जेह्ड़ा मैं तुहां नैं नेहरे च ग्लांदा ऐ, तिसियो तुहां लौई च ग्ला, कने जेह्ड़ा तुहां कंन्न लगाई नैं सुणदे हन, तिसियो छत्ती पर चढ़ी नैं प्रचार करा।

लूका 12:8

“मैं तुहां नैं ग्लांदा ऐ जेह्ड़ा कोई माणुआं सामणै मिन्जो अपनाई लैंगा तिसियो मैं माणुये दा पुत्तर भी परमात्मे दे सुअर्गदूतां सामणै अपनाई लैंगा।

यूहन्ना 6:63

परमात्मे दा आत्मा ई ऐ, जेह्ड़ा सदा दी ज़िन्दगी दैणे आल़ा ऐ, अपर सरीर नीं देई सकदा; जेह्ड़े वचन मैं तुहां नैं ग्लाये सैह़ आत्मिक भी हन, कने सदा दी ज़िन्दगी भी दिंदे हन।

यूहन्ना 6:68

शमौन पतरसैं तिस जो जवाब दित्ता, “हे प्रभु अहां कुस अल्ल जान? तेरियां गल्लां तां सदा दी ज़िन्दगी दिंदियां हन।

प्रेरितां दे कम्म 13:26

“हे भाऊओ, तुहां जेह्ड़े अब्राहमे दी औलाद हन; कने तुहां लोक जेह्ड़े परमात्मे ते डरदे हन, तुहां अल्ल परमात्मे यीशु मसीह दे बारे च एह़ संदेस घल्लेया ऐ, जेह्ड़ा लोकां जो पापां ते छुटकारा दिंदा ऐ।

1 कुरिन्थियों 1:8

परमात्मा तुहां जो आखरी तिकर बसुआसे च मजबूत भी करगा कि जाह़लू अहां दा प्रभु यीशु मसीह इस संसारे दुवारी बापस औयें तां तुहां बेकसूर पाये जान।

1 कुरिन्थियों 9:26

जिंआं इक्क दौड़ा च दौड़णे आल़ा अपणिया दिसा च दौड़ा दा ऐ, तिंआं ई मैं भी अपणिया मसीह ज़िन्दगिया जो मसीह दी दिसा च जीआ दा ऐ। जिंआं इक्क पैहलवाण अपणे मुक्के पर काबू रखदा ऐ, तिंआं ई मैं भी अपणिया मसीह ज़िन्दगिया जो मसीह च काबू रखदा ऐ।

2 कुरिन्थियों 1:14

जिंआं तुहां च कितणेयां मन्नी लेआ कि अहां तुहां दे घमंडे दी बज़ाह हन। तिंआं ई तुहां भी प्रभु यीशुये दे बापस ओणे दे दिन अहां तांई घमंड करणे दी बज़ाह बणगे।

गलातियों 2:2

मैं तित्थु तां गेआ क्जोकि परमात्मैं मिन्जो जाणे तांई ग्लाया; कने जाह़लू मैं तित्थु था तां मैं पड़दे नैं अगुआं नैं मिल्ली करी तिन्हां जो सैह़ सुसमाचार सणाया जेह्ड़ा मैं होरनी जातिआं दे लोकां जो सणांदा था, तांजे इआं ना होयैं कि जेह्ड़ा मैं करा दा था या जेह्ड़ा हुण करदा ऐ सैह़ बेकार होई जां।

गलातियों 4:11

जेह्ड़ा तुहां करा दे हन, मैं तिसते बड़ा परेसान ऐ, कुत्थी इआं ना होयैं कि जेह्ड़ी मेहनत मैं तुहां तांई कित्ती ऐ सैह़ बेकार ना होई जां।

फिलिप्पियों 1:10

इसतांई कि तुहां इन्हां गल्लां जो परखणे जोग्गे बणी जान, कि कुण देहई गल्ल ग्लाणे तांई ठीक ऐ, कने मसीह दे दुवारी बापस ओणे तिकर पवित्र कने बेकसूर बणी रेह्आ;

फिलिप्पियों 1:6

मिन्जो इसा गल्ला दा भरोसा ऐ कि परमात्मा जिन्हीं तुहां च खरा कम्म सुरू कित्ता ऐ, सैई तिस कम्मे जो जाह़लू यीशु मसीह भिरी बापस ओंगा, तिस दिने तिकर पूरा करगा।

1 थिस्सलुनीकियों 2:19

अहां दिया आसा, खुसिया कने बड़ेयाई दा मुकट कुण ऐ? क्या अहां दे प्रभु यीशुये दे सामणै तिसदे ओणे दे बग्त तुहां नीं हुंगे?

1 थिस्सलुनीकियों 3:5

इसा बज़ाह ते जाह़लू मिन्जो ते होर बरदासत नीं होएया, तां तुहां दे बसुआसे दा हाल जाणने तांई मैं तीमुथियुसे जो तुहां अल्ल घल्लेया, कि कुत्थी इआं ना होयैं, कि परीक्षा करणे आल़े सैताने तुहां दी परीक्षा कित्ती होयैं, कने अहां दी मेहनत बेकार होई गेई ऐ।

इब्रानियों 4:12

क्जोकि परमात्मे दा वचन जिन्दा कने असरदार ऐ, कने सैह़ हर इक्क दूँ धारां आल़िआ तलवारा ते भी बड़ा पैना ऐ। कने प्राणा, आत्मा जो, कने गठ्ठी-गठ्ठी कने गूदे-गूदे जो लग्ग करी नैं आर पार बिन्नदा ऐ; कने मने दियां इच्छां कने बचारां जो जांचदा ऐ।

1 पतरस 1:23

तुहां एह़ ज़िन्दगी परमात्मे दे पास्से ते नौई हासल कित्तियो ऐ, क्जोकि तुहां जो एह़ ज़िन्दगी तिसा चीज्जा दे जरिये हासल नीं कित्ती, जेह्ड़ी नास होई जांदी ऐ, अपर तिसा चीज्जा जरिये जेह्ड़ी सदा बणी रैंह्दी ऐ, कने सैह़ चीज्ज परमात्मे दा जिन्दा कने हमेसा रैहणे आल़ा वचन ऐ।

1 यूहन्ना 1:1

अहां इक्क ऐदेय माणुये दे बारे च लिखा दे हन, जेह्ड़ा ज़िन्दगिया दा वचन ऐ। सैह़ सृष्टिया दे पैहल्ले ते ई था, तिसियो अहां सुणेया, कने अपणियां अखीं नैं कने ध्याने दिख्या, ऐत्थु तिकर अहां तिसियो अपणे हत्थां नैं भी छुता।

प्रकाशितवाक्य 22:17

परमात्मे दी आत्मा कने मेम्ने दी दुलहन दोयो ग्लादियां हन, “आ।” कने सुणने आल़ा भी ग्लां, “आ।” जेह्ड़ा प्यासा होयैं सैह़ औयें, कने जेह्ड़ा कोई चां सैह़ ज़िन्दगिया दा पाणी मुफ्ते च लैं।