फिलिप्पियों 2:15 - काँगड़ी

¹⁵ तांजे तुहां बेकसूर कने भोल़े होई नैं टेढे कने बेइमान लोकां दे बिच्च परमात्मे दी बेदाग औलाद बणी रेह्आ, कने जिन्हां बिच्च तुहां ज़िन्दगिया दा वचन लेई करी संसारे च अम्बरे दे तारेयां साइआं चमकदे दुस्सा दे हन।

फिलिप्पियों 2:15 Cross References

मत्ती 10:16

“दिक्खा, मैं तुहां जो भेड्डां साइआं भेड़ियां दे बिच्च घल्लदा ऐ, इसतांई सर्पां साइआं अक्लमंद कने कबूतरां साइआं भोल़े बणा।

मत्ती 17:17

यीशुयैं जवाब दित्ता, “हे बेबसुआसियो कने बेइमान लोको, मैं काह़लू तिकर तुहां सौगी रैंह्गा? काह़लू तिकर तुहां दी झेलगा? इसियो ऐत्थियो मिन्जो अल्ल लेयोआ।”

मत्ती 5:45

तांजे तुहां अपणे सुअर्गीय पिता दे बच्चे बणगे जेह्ड़ा कि सुअर्गे च ऐ, क्जोकि तिसदा सूरज खरे कने बुरे लोकां पर सीरदा ऐ, कने इआं ई बरखा भी धर्मी कने अधर्मी लोकां पर बरदी ऐ।

मत्ती 5:48

इसतांई चाइदा कि तुहां हमेसा सैई करा जेह्ड़ा भला ऐ, जिंआं तुहां दा सुअर्गीय पिता भला ऐ।

लूका 1:6

जकरियाह कने इलीशिबा परमात्मे सामणै बड़े धर्मी थे, कने परमात्मे दे सारे हुक्मां कने विधिया पर सिध्धे मने नैं चलणे आल़े थे।

लूका 6:35

अपर अपणे दुश्मणा नैं भी प्यार रखा, कने भलाई करा कने भिरी पाणे दी उम्मीद नीं रखी करी उधार देआ। कने तुहां तांई बड़ा बड्डा प्रतिफल़ हुंगा, कने तुहां परम प्रधान परमात्मे दे बच्चे हुंगे, क्जोकि सैह़ तिन्हां बुरे माणुआं पर दयाबान ऐ, जेह्ड़े धन्यावाद नीं करदे।

यूहन्ना 5:35

यूहन्ना तां बल़दे कने चमकदे दीय्ये साइआं था, कने तुहां जो थोड़ी देर तिकर तिसदी जोतिया च मग्न होणा खरा लग्गा।

प्रेरितां दे कम्म 2:40

पतरस होर भी मतिआं गल्लां ते गवाही देई करी समझाया कि अप्पु जो इन्हां टेढ़े लोकां ते बचा।

प्रेरितां दे कम्म 20:30

ऐत्थु तिकर तुहां च भी ऐदेय-ऐदेय माणु उठी खड़ोंगे, जेह्ड़े चेलेयां जो अपणे पचांह़ लगाणे तांई तिन्हां जो गलत सिक्षा दिंगे।

रोमियो 16:19

तुहां दे हुक्म मन्नणे दी चर्चा सारेयां लोकां च फैली गेई ऐ, इसतांई मैं तुहां दे बारे च खुसी मनांदा ऐ। अपर मैं एह़ चांह़दा ऐ, कि तुहां भलाईया तांई अक्लमंद पर बुराईया तांई भोल़े बणी रेह्आ।

1 कुरिन्थियों 1:8

परमात्मा तुहां जो आखरी तिकर बसुआसे च मजबूत भी करगा कि जाह़लू अहां दा प्रभु यीशु मसीह इस संसारे दुवारी बापस औयें तां तुहां बेकसूर पाये जान।

2 कुरिन्थियों 6:17

इसतांई प्रभु पवित्रशास्त्रे च ग्लांदा ऐ, “तिन्हां लोकां ते लग्ग होई जा, जेह्ड़े परमात्मे जो नीं मनदे; कने बुरिआं चीज्जां ते दूर रेह्आ, तां मैं तुहां जो अपनांगा।

इफिसियों 5:27

कने तिसियो इक्क ऐदई तेजस्वी कलीसिया बणाई नैं अप्पु अल्ल लेई औयें, जिसा च ना कलंक, ना झुर्री, ना कोई ऐदई चीज्ज होयैं, अपर सैह़ पवित्र कने बेकसूर होयैं।

फिलिप्पियों 1:10

इसतांई कि तुहां इन्हां गल्लां जो परखणे जोग्गे बणी जान, कि कुण देहई गल्ल ग्लाणे तांई ठीक ऐ, कने मसीह दे दुवारी बापस ओणे तिकर पवित्र कने बेकसूर बणी रेह्आ;

फिलिप्पियों 3:6

जोशे दे बारे च जे ग्लान, तां कलीसिया जो सताणे आल़ा। कने यहूदी व्यबस्था जो मन्नणे दी गल्ल ग्लान, तां मैं धर्मी माणु था, क्जोकि मैं तिसा व्यबस्था दा पालण करदा था।

1 थिस्सलुनीकियों 5:23

परमात्मा जेह्ड़ा सांति दिंदा ऐ, सैई तुहां जो पूरे तरीके नैं पवित्र करगा। कने तुहां दिया आत्मा, प्राण, कने सरीर अहां दे प्रभु यीशु मसीह दे बापस ओणे तिकर पूरी रीतिया नैं बेकसूर कने सम्भाल़ी नैं रखगा।

1 तीमुथियुस 3:10

जाह़लू सेवकां जो चुणेया जांदा ऐ तां सैह़ पैहल्लैं परखे जान, कने जे बेकसूर निकल़न तां सेवक दा कम्म करन।

1 तीमुथियुस 3:2

इसतांई एह़ जरूरी ऐ कि कलीसिया दा अगुआ बेकसूर, कने इक्की लाड़िया दा लाड़ा, हर हालता च अपणे आप्पे जो काबू करणे आल़ा, सांत सभावे आल़ा, इज्जतदार, परोणेयां दी आदर-खातर करणे आल़ा, कने परमात्मे दे वचने जो खरे तरीके नैं सखाणे आल़ा होयैं।

1 तीमुथियुस 5:14

इसतांई मैं सलाह दिंदा ऐ, कि जुआन बिधवां ब्याह करन; कने बच्चे जम्मन कने घरबार सम्भाल़न, कने कुसी भी दुश्मणे जो बदनाम करणे दा मौका ना दैन।

1 तीमुथियुस 5:20

पाप करणे आल़ेआं जो सारेयां सामणै झिड़क, तांजे होर लोक भी डरन।

1 तीमुथियुस 5:7

इन्हां गल्लां दा भी बसुआसियां जो हुक्म देआ कर तांजे सैह़ बेकसूर रैह़न।

तीतुस 1:6

अगुआ बेकसूर कने इक्की लाड़िया दा लाड़ा होणा चाइदा, जिसदे बाल-बच्चे बसुआसी होन, कने जिस पर लुचपण कने मनमर्जी दा दोस नीं लगेया होयैं।

तीतुस 2:10

चोरी चलाकी नीं करन, अपर हर तरीके नैं पूरे ईमानदार निकल़न, कि सैह़ सारियां गल्लां च अहां दे उद्धार करणे आल़े परमात्मे दी सिक्षा च सोभा बधान।

तीतुस 2:15

इसतांई तीतुस तू पूरे हक्के नैं क्रेते दे बसुआसियां जो इन्हां गल्लां जो ग्ला, कने समझा कने सखांदा रैह्। इआं करणे दा मेरे पास्से ते पूरा हक्क ऐ, कोई भी तिज्जो नजर अंदाज नीं करैं।

इब्रानियों 7:26

ऐदेया ई महायाजक अहां दियां जरूरतां जो पूरा करी सकदा ऐ, जेह्ड़ा पवित्र, बेकसूर, कने साफ मने दा, कने पापियां ते लग्ग, कने सुअर्गे ते भी जादा म्हान कित्या होयैं।

1 पतरस 2:12

जेह्ड़े लोक परमात्मे पर बसुआस नीं करदे, सैह़ तुहां जो एह़ ग्लाई नैं बदनाम करी सकदे हन, कि तुहां गलत करा दे हन, अपर तुहां ऐदई ज़िन्दगी जीआ, जिसते सैह़ तुहां च खरियां गल्लां दिक्खन, कने जाह़लू प्रभु यीशु मसीह इस संसारे च बापस ओंगा, तां सैह़ ताह़लू परमात्मे जो महिमा दैन।

1 पतरस 2:9

अपर तुहां इन्हां साइआं नीं हन, क्जोकि तुहां इक्क चुणेया वंश, साही परवार, याजकां दा समाज, पवित्र लोक, कने परमात्मे दे खास लोक हन, क्जोकि तिन्हीं तुहां जो नेहरे ते सद्दी करी जोतिया च लंदेया ऐ, तांजे तुहां परमात्मे दे म्हान कम्मां जो दस्सी सकन।

2 पतरस 3:14

इसतांई, हे मेरे प्यारे साथी बसुआसियो, जाह़लू कि तुहां तिस न्याय आल़े दिने दी आस रखदे हन, तां कोसस करा कि तुहां सांतिया नैं तिस सामणै बेदाग कने बेकसूर ठैह़रन,

प्रकाशितवाक्य 2:5

इसतांई याद कर कि तू कुत्थू ते थल्लैं पेआ ऐ, कने मने जो बदल कने पैहल्ले साइआं कम्म कर। जे तू मने नीं बदलगा तां मैं तिज्जो अल्ल आई करी तेरे दीपदान जो तिसदिया जगाह ते हटाई दिंगा।

प्रकाशितवाक्य 3:9

इसतांई सैह़ लोक जेह्ड़े सैताने दिया सभा दे हन, सैह़ एह़ दावा करदे हन कि सैह़ परमात्मे दे चुणेयो लोक हन, अपर सच्चाई ऐ कि सैह़ झूठ ग्लांदे हन, इसतांई मैं इआं करगा कि सैह़ आई करी तिज्जो प्रणांम करगे, कने एह़ जाणी लैंगे कि मैं तिज्जो नैं प्यार कित्ता ऐ।