फिलिप्पियों 2:13 - काँगड़ी

¹³ क्जोकि परमात्मा ई ऐ, जेह्ड़ा अपणिया आत्मा दे जरिये तुहां दे मने च तिसदी भली इच्छा कने खरे कम्मां जो करणे दी हिम्मत दिंदा ऐ।

फिलिप्पियों 2:13 Cross References

लूका 12:32

“हे भेड्डां साइआं झुंड, मत डर; क्जोकि तुहां दे पिता परमात्मे तुहां जो राज्ज दैणे दी दया कित्ती ऐ।

लूका 2:14

“सुअर्गे च परमात्मे दी महिमा होयैं कने धरतिया च तिन्हां लोकां जो सांति मिल्ले जिन्हां ते सैह़ खुस ऐ।”

यूहन्ना 3:27

यूहन्ने जवाब दित्ता, जाह़लू तिकर माणुये जो सुअर्गे ते नीं मिल्लैं, ताह़लू तिकर सैह़ कुच्छ नीं पाई सकदा।

यूहन्ना 6:45

भविष्यवक्तां दे लेखां च एह़ लिख्या ऐ; ‘सैह़ सारे परमात्मे दे पास्से ते सखाऐयो हुंगे।’ जिन्हीं कुणी भी पिता ते सुणेया कने सिखया ऐ, सैह़ मिन्जो अल्ल ओंदा ऐ।

यूहन्ना 6:65

कने यीशुयैं ग्लाया, “इसतांई मैं तुहां नैं ग्लाया था कि कोई मिन्जो अल्ल ताह़लू तिकर नीं आई सकदा, जाह़लू तिकर तिसियो पिता दे पास्से ते एह़ वरदान नीं दित्ता जां।”

प्रेरितां दे कम्म 11:21

प्रभु दी सामर्थ तिन्हां पर थी, कने बड़े भरी होरनी जाति दे लोकां बसुआस करी नैं प्रभु यीशुये दे पास्से फिरे।

रोमियो 12:3

क्जोकि मैं तिस अनुग्रह दिया बज़ाह ते जेह्ड़ा मिन्जो मिल्लेया ऐ, तुहां च हर इक्की नैं ग्लांदा ऐ, कि जिंआं समझणा चाइदा तिसते बधी नैं कोई भी अपणे आप्पे जो नीं समझैं; अपर जिंआं परमात्मैं हर इक्की जो बसुआसे दे नतीजे दे मताबक बंडी दित्ता ऐ, तिंआं ई समझदारिया सौगी अपणे आप्पे जो समझन।

रोमियो 9:11

कने अह्ल्ली तिकर तिन्हां दे दून्नी जागतां दा जन्म भी नीं होएया था, कने तिन्हां तिस बग्त तिकर कोई बुरा या खरा कम्म नीं कित्या था, जाह़लू रिबका नैं एह़ ग्लाया गेआ, “कि जेठा जागत लोक्के जागते दा दास बणगा।” एह़ इसतांई होएया कि परमात्मे दा मकसद तिन्हां दे चुणी लैणे दे मताबक बणी रेह्आ। जेह्ड़ा माणुआं दे कम्मां दिया बज़ाह ते नीं, अपर सदणे आल़े दे फैसले दिया बज़ाह ते ऐ।

रोमियो 9:16

कने एह़ ना तां चाहणे आल़े दी, ना दौड़णे आल़े दी, अपर दया करणे आल़े परमात्मे दी इच्छा ऐ।

1 कुरिन्थियों 12:6

कने कम्म करणे दे तरीके भी मते हन, अपर परमात्मा इक्क ई ऐ, जेह्ड़ा सारेयां लोकां च तिन्हां दा असर पैदा करदा ऐ।

1 कुरिन्थियों 15:10

अपर मैं जेह्ड़ा कुच्छ भी ऐ, परमात्मे दे अनुग्रह नैं ऐ। तिसदा अनुग्रह जेह्ड़ा मिन्जो पर होएया, सैह़ बेकार नीं गेआ; अपर मैं तिन्हां दूये प्रेरितां ते भी बधी करी मेहनत कित्ती, तमी एह़ मेरे पास्से ते नीं होएया अपर परमात्मे दे अनुग्रह नैं जेह्ड़ा मिन्जो पर होएया था।

2 कुरिन्थियों 3:5

अहां एह़ नीं ग्लांदे कि अहां अल्ल अपणे आप्पे च कुच्छ करणे दा हुनर ऐ, अपर अहां दा हुनर तां परमात्मे दिया तरफा ते ऐ।

इफिसियों 1:11

इसते अलावा क्जोकि अहां मसीह सौगी इक्क हन, अहां जो परमात्मे दे पास्से ते विरासत मिलियो ऐ। क्जोकि तिन्हीं अहां जो पैहल्ले ते चुणी लेआ ऐ, कने तिसदिया मर्जिया मताबक ई सारियां चीज्जां कम्म करदियां हन।

इफिसियों 1:5

क्जोकि परमात्मे अहां नैं प्यार कित्ता, कने एह़ फैसला कित्ता, कि सैह़ अहां जो यीशु मसीह दे जरिये अपणे बच्चेयां साइआं गोद लैं।

इफिसियों 1:9

क्जोकि तिन्हीं अपणिया इच्छा दा भेत अहां पर अपणे खरे मकसदे मताबक प्रगट कित्ता, जिसदी नीई तिन्हीं अप्पु ई मसीह च रखी।

इफिसियों 2:8

क्जोकि परमात्मे तुहां दा अपणे अनुग्रह नैं उद्धार कित्या, जाह़लू तुहां बसुआस करदे थे; कने एह़ तुहां दे पास्से ते नीं अपर परमात्मे दा दान ऐ,

2 थिस्सलुनीकियों 1:11

इसतांई अहां लगातार तुहां तांई प्रार्थना भी करदे हन, कि अहां दा परमात्मा तुहां जो इस जोग्गा बणा, जिसियो करणे तांई तिन्हीं तुहां जो सद्देया ऐ, कने भलाई दी हर इक्क इच्छा कने बसुआसे दे हर इक्की कम्मे जो सामर्थी सौगी पूरा करैं,

2 तीमुथियुस 1:9

जिन्हीं अहां दा उद्धार कित्ता कने पवित्र ज़िन्दगी जीणे तांई अहां जो सद्देया। अहां दे खरेया कम्मां दिया बज़ाह ते तिन्हीं अहां जो नीं सद्देया, अपर अपणे मकसदे कने तिस अनुग्रह मताबक सद्देया ऐ, जिसदी योजना परमात्मे पैहल्ले ते ई यीशु मसीह जो इस संसारे च घल्लणे दे जरिये बणाईयो थी,

इब्रानियों 13:21

परमात्मा तुहां जो हर इक्क खरिया गल्ला च सिद्ध करैं, जिसते तुहां तिसदी इच्छा पूरी करन, कने जेह्ड़ा कुच्छ तिसियो खरा लगदा ऐ, तिसियो यीशु मसीह दे जरिये अहां च पूरा करैं। जिसदी महिमा जुगा-जुग हुंदी रैंह्। आमीन।

1 पतरस 1:3

अहां परमात्मे दा धन्यावाद करदे हन, जेह्ड़ा अहां दे प्रभु यीशु मसीह दा पिता ऐ, जिन्हीं अपणी बड़ी दया नैं अहां जो नौई ज़िन्दगी दित्ती, क्जोकि परमात्मे यीशु मसीह जो मरेयां ते जिन्दा कित्ता, कने तिन्हीं अहां जो निडर होई नैं जीणे दे काबल बणाया, सैह़ एह़ कि अहां नैं तिन्हीं जिन्हां चीज्जां जो दैणे दा वादा कित्या ऐ, तिन्हां जो हासल करणे तांई अहां पूरी आस रखी सकन,