फिलिप्पियों 2:12 - काँगड़ी

¹² इसतांई हे प्यारे साथी बसुआसियो, जिस तरीके नैं तुहां सदा ते हुक्म मनदे आएयो हन, तिंआं ई हुण भी ना सिर्फ मिन्जो सौगी रैंह्दे होये अपर खास करी नैं हुण मेरे दूर रैहणे पर भी डरदे कने कम्मदे होये, लगातार खरे कम्म करदे रेह्आ, जेह्ड़े तुहां दे उद्धारे ते ओंदे हन।

फिलिप्पियों 2:12 Cross References

मत्ती 11:12

यूहन्ना बपतिस्मा दैणे आल़े दे बग्ते ते लेई करी हुण तिकर सुअर्गे दा राज्ज पूरिया सक्तिया नैं फैलदा रेह्आ ऐ, कने जेह्ड़े अत्याचारी लोक हन, सैह़ इसदा नास करा दे हन।

मत्ती 11:29

मेरा जुंगल़ा अपणे ऊपर चुक्की लेआ, कने मिन्जो ते सीखा; क्जोकि मैं नम्र कने मने च दीन ऐ, कने तुहां अपणे मने च अराम पांगे।

प्रेरितां दे कम्म 16:29

ताह़लू तिन्हीं दीय्या मंगवाया कने झट अंदर गेआ, कने कम्मदा-कम्मदा पौलुसे कने सीलासे दे पैरां पेई गेआ;

प्रेरितां दे कम्म 9:6

अपर हुण उठी करी सैहरे जो जा, कने जेह्ड़ा मैं चांह़दा ऐ तू करैं, सैह़ तिज्जो नैं दस्सेया जांगा।”

रोमियो 2:7

जेह्ड़े लोक खरे कम्मां च मजबूत रेई नैं महिमा, कने आदर, कने सदा दी ज़िन्दगिया दिया तोपा च हन, तिन्हां जो परमात्मा सदा दी ज़िन्दगी दिंगा;

1 कुरिन्थियों 15:58

इसतांई हे मेरे प्यारे साथी बसुआसियो, अपणे बसुआसे मजबूत च बणी रेह्आ, कने प्रभु दे कम्मां च हमेसा बधदे जा, क्जोकि एह़ जाणदे हन कि जेह्ड़ा कुच्छ तुहां प्रभु तांई करदे हन तिसदा इनाम तुहां जो जरूर मिलगा।

1 कुरिन्थियों 2:3

जाह़लू मैं तुहां अल्ल था, तां मैं कमजोर था, कने डरे दे मारे बड़ा भरी कम्मदा था।

1 कुरिन्थियों 4:14

मैं तुहां जो सर्मिंदा करणे तांई एह़ गल्लां नीं लिखा दा ऐ, अपर मेरा मकसद एह़ ऐ, कि तुहां जो सिक्षा दैं, क्जोकि तुहां मेरे बच्चेयां साइआं हन, जिन्हां नैं मैं प्यार रखदा ऐ।

2 कुरिन्थियों 7:15

तीतुस जाह़लू एह़ याद करदा ऐ कि तुहां सबना कुस तरांह तिसदे हुक्म मन्ने कने डरे दे मारे कम्मदे होये तुहां किंआं तिसियो अपनाया तां तुहां तांई तिसदा प्यार होर भी बधदा जांदा ऐ।

इफिसियों 6:5

हे दासो, जेह्ड़े संसारे मताबक तुहां दे मालक हन, तुहां साफ मने नैं कने इज्जता नैं तिन्हां दी मन्ना, जिंआं तुहां यीशु मसीह जो मनदे हन।

फिलिप्पियों 1:27

सिर्फ इतणा करा, कि तुहां दा चाल-चलण मसीह दे सुसमाचारे मताबक होयैं, कि चां मैं आई नैं तुहां जो दिक्खैं, चां ना भी औयें, तुहां दे बारे च ऐई सुणैं कि तुहां इक्को ई इरादे च मजबूत रेह्आ, कने इक्क मन होई नैं सुसमाचार दे बसुआसे तांई मेहनत करदे रैंह्दे हन,

फिलिप्पियों 1:29

क्जोकि मसीह दिया बज़ाह ते तुहां पर ऐदेया अनुग्रह होएया कि ना सिर्फ तिस पर बसुआस करा अपर तिस तांई दुख भी झेला,

फिलिप्पियों 1:5

इसतांई कि तुहां पैहल्ले दिन ते लेई नैं अज्जे तिकर प्रभु यीशुये दा सुसमाचार फैलाणे च मिन्जो सौगी साझी रैह् हन।

फिलिप्पियों 1:6

मिन्जो इसा गल्ला दा भरोसा ऐ कि परमात्मा जिन्हीं तुहां च खरा कम्म सुरू कित्ता ऐ, सैई तिस कम्मे जो जाह़लू यीशु मसीह भिरी बापस ओंगा, तिस दिने तिकर पूरा करगा।

फिलिप्पियों 2:19

मिन्जो प्रभु यीशु च आसा ऐ कि मैं तीमुथियुसे जो तुहां अल्ल तौल़ी घल्लगा, तांजे तुहां दी हालत सुणी नैं मेरा हौंसला बधें।

फिलिप्पियों 4:1

हे प्यारे साथी बसुआसियो, मैं तुहां नैं बड़ा प्यार करदा ऐ, कने तुहां नैं मिलणा चांह़दा ऐ, जेह्ड़े मेरी खुसी कने इनाम हन। इसतांई हे प्यारे साथी बसुआसियो, प्रभु दे बसुआसे च मजबूत बणी रेह्आ।

फिलिप्पियों 4:15

हे फिलिप्पी दे लोको, तुहां अप्पु भी जाणदे हन कि सुसमाचार जेह्ड़ा तुहां जो सुरू ते सणाया गेआ, कने जाह़लू मैं मकिदुनिया प्रदेसे ते गेआ, ताह़लू सिर्फ तुहां दिया कलीसिया दे लोकां लैण-दैण च मेरी मदत कित्ती।

1 थिस्सलुनीकियों 1:3

अहां हमेसा ई पिता परमात्मे दे सामणै तुहां दे बसुआसे दे कम्म, कने प्यारे दी मेहनत, कने अहां दे प्रभु यीशु मसीह च तुहां दी आसा दा सबर याद करदे हन।

2 तीमुथियुस 2:10

ऐई बज़ाह ऐ, कि मैं तिन्हां लोकां दे फायदे तांई दुख झेला दा ऐ जिन्हां जो परमात्मे चुणेया ऐ, तांजे सैह़ भी प्रभु यीशु मसीह पर बसुआस करन, कने उद्धार कने तिसा महिमा जो हासल करन जेह्ड़ी सदा तांई ऐ।

इब्रानियों 12:1

अहां दे चौंन्नी पास्से मते सारे लोकां दियां ज़िन्दगिया दे ऐदेय उदारण हन, जेह्ड़े अहां जो दस्सदे हन कि बसुआस क्या ऐ। इसतांई ओआ, हर इक्क रोकणे आल़ी चीज्ज कने उलझाणे आल़े पापे जो दूर करी नैं, सैह़ दौड़ जिस च अहां जो दौड़णा ऐ अहां सबर रखी नैं दौड़न।

इब्रानियों 4:1

परमात्मे दे अरामे दिया जगाह च दाखल करणे दा वादा अह्ल्ली तिकर ऐ। तां चौकन्ने रैह़न कि तुहां लोकां च कोई भी अयोग्य ना ठेहरैं, कि तिस च जाणे ते वंचित नीं रेई जां।

इब्रानियों 4:11

अहां भी तिस अरामे दिया जगाह च दाखल होणे दी कोसस करन, इआं ना होयैं कि कोई माणु तिन्हां साइआं हुक्म नीं मन्नी करी दाखल नीं होई पां।

इब्रानियों 5:9

कने सिद्ध बणी करी, अपणे सारे हुक्म मन्नणे आल़ेआं तांई सदा काल दे उद्धारे दी बज़ाह होई गेआ,

1 पतरस 2:11

हे प्यारे साथी बसुआसियो, मैं तुहां नैं विणती करदा ऐ कि तुहां अपणे आप्पे जो परदेसी कने मुसाफिर जाणी करी तिन्हां संसारे दियां बुरिआं इच्छां ते बची रेह्आ, क्जोकि सैह़ तुहां दे खलाफ लड़ाई करदियां हन।

2 पतरस 3:18

अपर तुहां अहां दे प्रभु, कने उद्धार करणे आल़े यीशु मसीह दे अनुग्रह कने ज्ञाने च बधदे जा। तिसदी महिमा हुण भी होयैं, कने जुगा-जुग हुंदी रैंह्। आमीन।