फिलिप्पियों 2:10 - काँगड़ी

¹⁰ कि जेह्ड़े सुअर्ग च कने धरतिया पर कने जेह्ड़े धरतिया थल्लै हन, सैह़ सारे यीशुये दे नांऐ च तिसियो आदर दैणे तांई घुटने टेकन,

फिलिप्पियों 2:10 Cross References

मत्ती 12:40

जिंआं योना त्रै दिन कने त्रै रात पांणिये च बड्डिया मच्छिया दे पेट च रेह्आ तिंआं ई मैं माणुये दा पुत्तर त्रै दिन कने त्रै रात धरतिया दे अंदर रैंह्गा।

मत्ती 27:29

कने कन्डेयां दा मुकट बणाई नैं तिसदे सिरे पर रखी दित्ता, तिसदे सज्जे हत्थ च कनेड़े दा डंडा दित्ता कने तिसदे गांह गोड्डेयां भार बेई नैं तिसदा मजाक करी नैं ग्लाणा लग्गे, “हे यहूदियां दे राजा, नमस्कार।”

मत्ती 28:18

यीशुयैं तिन्हां अल्ल आई नैं ग्लाया, “सुअर्ग कने धरतिया दा सारा हक्क मिन्जो दित्या ऐ।

रोमियो 11:4

अपर परमात्मे एलिय्याह भविष्यवक्ता जो ग्लाया, “मैं अपणे तांई सत हज़ार मरद रखी छड्डेयो हन, जिन्हां झूठे बाअल देवते दी भक्ति नीं कित्ती।”

इफिसियों 1:10

जाह़लू इस मकसदे जो पूरा करणे दा बग्त ओंगा, तां परमात्मा सारियां चीज्जां जेह्ड़ियां सुअर्गे च कने धरतिया पर हन, मसीह दे बसे च करगा, तांजे मसीह तिन्हां ऊपर राज्ज करैं।

इफिसियों 3:14

मैं इसा बज़ाह ते तिस पिता परमात्मे दे सामणै गोड्डे टेकदा कने प्रार्थना करदा ऐ,

इफिसियों 4:9

एह़ पवित्रशास्त्रे च लिख्या ऐ, कि “सैह़ ऊपर गेआ,” इसदा मतलब एह़ कि मसीह धरतिया दे अंदर बड़िया डुगिया जगाह च था।

इब्रानियों 1:6

भिरी परमात्मा अपणे म्हान पुत्तरे जो संसारे च घल्ली नैं ग्लांदा ऐ: “परमात्मे दे सारे सुअर्गदूत तिसदी अराधना करन।”

प्रकाशितवाक्य 20:13

समुंदरे तिन्हां मरेयां जो देई दित्ता, कने मौत्त कने अधोलोकैं तिन्हां मरेयां जो जेह्ड़े तिन्हां च थे देई दित्ता; कने तिन्हां च हर इक्की दे कम्मां मताबक तिन्हां दा न्याय कित्ता।

प्रकाशितवाक्य 4:10

ताह़लू सैह़ चौबी स्याणे सिंहासणे पर बैठणे आल़े सामणै गोड्डेयां दे भार बेई नैं तिसियो प्रणांम करगे, जेह्ड़ा जुगा-जुग तिकर जिन्दा ऐ; कने सैह़ अपणे-अपणे मुकटां जो सिंहासणे सामणै रखी करी एह़ ग्लांगे, कि

प्रकाशितवाक्य 5:3

अपर ना सुअर्गे च, ना धरतिया पर, ना धरतिया दे थल्लैं कोई भी तिसा कताबा जो खोलणे आल़ा या तिसा जो पढ़णे जोग्गा था।