फिलिप्पियों 1:6 - काँगड़ी

⁶ मिन्जो इसा गल्ला दा भरोसा ऐ कि परमात्मा जिन्हीं तुहां च खरा कम्म सुरू कित्ता ऐ, सैई तिस कम्मे जो जाह़लू यीशु मसीह भिरी बापस ओंगा, तिस दिने तिकर पूरा करगा।

फिलिप्पियों 1:6 Cross References

यूहन्ना 6:29

यीशुयैं तिन्हां जो जवाब दित्ता, “परमात्मे दा कम्म एह़ ऐ, कि जिसियो तिन्हीं घल्लेया ऐ, तुहां तिस पर बसुआस करा।”

प्रेरितां दे कम्म 11:18

एह़ सुणी करी यहूदी बसुआसी चुप रैह्, कने परमात्मे दी तरीफ करणा लग्गे, “ताह़लू तां परमात्मैं होरनी जातिआं जो भी सदा दी ज़िन्दगी तांई पापां ते मन बदलणे दा कने यीशु मसीह पर बसुआस करणे दा दान दित्ता ऐ।”

प्रेरितां दे कम्म 16:14

लुदिया नांऐ दी इक्क थुआतीरा सैहरे दी बैजनी कपड़ेयां बेचणे आल़ी इक्क जणांस जेह्ड़ी परमात्मे दी भक्तणी थी। परमात्मे तिसादा मन खोलेया कि सैह़ पौलुसैं दियां गल्लां पर मन लगां।

1 कुरिन्थियों 1:8

परमात्मा तुहां जो आखरी तिकर बसुआसे च मजबूत भी करगा कि जाह़लू अहां दा प्रभु यीशु मसीह इस संसारे दुवारी बापस औयें तां तुहां बेकसूर पाये जान।

2 कुरिन्थियों 1:15

इसी भरोसे नैं मैं चांह़दा था कि पैहल्ले तुहां अल्ल औयें तांजे इस तरीके नैं मेरे तुहां अल्ल दो बरी ओणे नैं तुहां जो दुगणी आसीष मिल्लैं।

2 कुरिन्थियों 2:3

मैं तुहां जो इसी मकसद नैं चिठ्ठी लिखा दा था कि जाह़लू मैं तित्थु औयें तां सैई लोक मेरे दुखे दी बज़ाह ना होई जान। जिन्हां ते मिन्जो खुसी मिलदी ऐ, कने मिन्जो भरोसा ऐ कि मेरी खुसी तुहां सबना दी खुसी ऐ।

2 कुरिन्थियों 7:16

मैं खुस ऐ, क्जोकि मिन्जो हर गल्ला च तुहां पर पूरा भरोसा ऐ।

2 कुरिन्थियों 9:4

इआं नीं होणा चाइदा कि जे कोई मिन्जो सौगी मकिदुनिया प्रदेसे ते कुच्छ बसुआसी आये, कने तुहां जो दाने सौगी त्यार नीं दिक्खन, तां होई सकदा ऐ, कि इस भरोसे दिया बज़ाह ते अहां दी बेइज्जती होयैं, अपर तुहां दी इसते भी जादा बेइज्जती हुंगी।

गलातियों 5:10

मैं प्रभु पर तुहां दे बारे च भरोसा रखदा ऐ, कि तुहां दूये लोकां दियां सिक्षां पर नीं चलगे, अपर मेरियां सिक्षां पर चलगे। क्जोकि जेह्ड़ा तुहां जो परेसान करदा ऐ, सैह़ कोई भी क्जो नीं होयैं, परमात्मे ते सज़ा पांगा।

इफिसियों 4:12

जिसते परमात्मे दे लोक पक्के होई नैं सेवा दे कम्मां तांई त्यार होई जान, जिसते कि मसीह दा सरीर जेह्ड़ा कलीसिया ऐ, मजबूतिया नैं बधदी जां,

फिलिप्पियों 1:10

इसतांई कि तुहां इन्हां गल्लां जो परखणे जोग्गे बणी जान, कि कुण देहई गल्ल ग्लाणे तांई ठीक ऐ, कने मसीह दे दुवारी बापस ओणे तिकर पवित्र कने बेकसूर बणी रेह्आ;

फिलिप्पियों 1:29

क्जोकि मसीह दिया बज़ाह ते तुहां पर ऐदेया अनुग्रह होएया कि ना सिर्फ तिस पर बसुआस करा अपर तिस तांई दुख भी झेला,

फिलिप्पियों 2:12

इसतांई हे प्यारे साथी बसुआसियो, जिस तरीके नैं तुहां सदा ते हुक्म मनदे आएयो हन, तिंआं ई हुण भी ना सिर्फ मिन्जो सौगी रैंह्दे होये अपर खास करी नैं हुण मेरे दूर रैहणे पर भी डरदे कने कम्मदे होये, लगातार खरे कम्म करदे रेह्आ, जेह्ड़े तुहां दे उद्धारे ते ओंदे हन।

फिलिप्पियों 2:13

क्जोकि परमात्मा ई ऐ, जेह्ड़ा अपणिया आत्मा दे जरिये तुहां दे मने च तिसदी भली इच्छा कने खरे कम्मां जो करणे दी हिम्मत दिंदा ऐ।

फिलिप्पियों 2:16

तांजे मसीह दे बापस ओणे दे दिन मिन्जो घमंड करणे दी बज़ाह होयैं, कने ना मेरी नठ्ठ-भज्ज कने ना मेरी कड़ी मेहनत करणा बेकार होई।

कुलुस्सियों 2:12

जाह़लू तुहां बपतिस्मा लेआ, तां तुहां भी मसीह साइआं दब्बे गै, जिंआं मसीह मरेयां ते जिन्दा होएया, तिंआं तुहां भी नौये सभावे सौगी जिन्दे होये। एह़ इसतांई होएया कि तुहां परमात्मे पर बसुआस कित्ता, जिन्हीं अपणिया सामर्थी दे जरिये मसीह जो मरेयां ते जिन्दा कित्ता।

1 थिस्सलुनीकियों 1:3

अहां हमेसा ई पिता परमात्मे दे सामणै तुहां दे बसुआसे दे कम्म, कने प्यारे दी मेहनत, कने अहां दे प्रभु यीशु मसीह च तुहां दी आसा दा सबर याद करदे हन।

2 थिस्सलुनीकियों 1:11

इसतांई अहां लगातार तुहां तांई प्रार्थना भी करदे हन, कि अहां दा परमात्मा तुहां जो इस जोग्गा बणा, जिसियो करणे तांई तिन्हीं तुहां जो सद्देया ऐ, कने भलाई दी हर इक्क इच्छा कने बसुआसे दे हर इक्की कम्मे जो सामर्थी सौगी पूरा करैं,

2 थिस्सलुनीकियों 3:4

कने अहां जो प्रभु च तुहां पर भरोसा ऐ कि जेह्ड़े हुक्म अहां तुहां जो दिंदे हन, तिन्हां जो तुहां मनदे हन, कने मनदे भी रैंह्गे।

फिलेमोन 1:21

मैं तेरे आज्ञाकारी होणे दा भरोसा रखी नैं तिज्जो लिखदा ऐ, कने एह़ जाणदा ऐ कि जेह्ड़ा कुच्छ भी मैं ग्लांदा ऐ, तू तिसते भी जादा बधी नैं करगा।

इब्रानियों 10:35

इसतांई जाह़लू तुहां जो सतांगे, तां अपणी हिम्मता मत छड्डदे, क्जोकि इसदा इनाम बड्डा ऐ।

इब्रानियों 12:2

अहां बसुआसे दे कम्म करणे आल़े कने सिद्ध करणे आल़े यीशुये दे पास्से दिक्खदे रैह़न। यीशु तिसा खुसिया जो जेह्ड़ी तिसदे गांह रखियो थी, सर्मा दी कुच्छ फिकर नीं करदे, सूल़िया दा दुख झेलेया कने सुअर्गे च परमात्मे दे सिंहासणे दी सज्जे बक्खे जाई बैठेया।

1 पतरस 5:10

अपर हुण परमात्मा जेह्ड़ा सारे अनुग्रह दा दाता ऐ, जिन्हीं तुहां जो यीशु मसीह च अपणी सदा दी महिमा तांई सद्देया, तुहां दे थोड़े बग्ते तिकर दुख झेलणे ते बाद परमात्मा अप्पु ई तुहां जो सिद्ध कने मजबूत कने ताकतवर बणांगा।

2 पतरस 3:10

अपर मसीह जरूर बापस ओंगा, कने तिसदा औणां चोरे साइआं हुंगा, तिस बग्त अम्बरे च जोरे दी गड़ाकेयां दी उआज़ हुंगी, कने अम्बर गायब होई जांगा। अम्बरे दियां सारियां चीज्जां नास होई जांगियां। तिस दिन परमात्मा न्याय करणे तांई तिन्हां सारे कम्मां जो प्रगट करगा, जेह्ड़े लोकां इसा धरतिया पर कित्यो हन।