फिलिप्पियों 1:5 - काँगड़ी

⁵ इसतांई कि तुहां पैहल्ले दिन ते लेई नैं अज्जे तिकर प्रभु यीशुये दा सुसमाचार फैलाणे च मिन्जो सौगी साझी रैह् हन।

फिलिप्पियों 1:5 Cross References

प्रेरितां दे कम्म 2:42

कने सैह़ सारे प्रेरितां ते सिक्षा पाणे, कने संगति रखणे च, कने रोटी तोड़णे च, कने प्रार्थना करणे च लगातार लग्गी रैह़न।

रोमियो 11:17

इस्राएल देसे दे लोक जैतूने दे इक्की रूखे दियां डाल़िआं साइआं हन। कने पूर्वज अब्राहम, इसहाक कने याकूब तिस रूखे दियां जड़ां साइआं हन। कने होरनी जातिआं दे लोक जंगली डाल़िआं साइआं हन। जेह्ड़ियां छागियां डाल़िआं च पियुन्द करी नैं तिस रूखे पर लगाईयां हन, हुण तिन्हां जंगली डाल़िआं जो खुराक तिसा जड़ा ते मिलदी ऐ।

रोमियो 12:13

परमात्मे दे लोकां जो जेह्ड़ा कुच्छ जरूरी ऐ, तिस च तिन्हां दी मदत करा; कने परोणेयां दी आदर खातर करदे रेह्आ।

रोमियो 15:26

क्जोकि मकिदुनिया कने अखाया प्रदेसे दे लोकां जो एह़ करणा खरा लग्गा, कि यरूशलेम सैहरे दे बसुआसियां च गरीबां तांई कुच्छ दान दैन।

1 कुरिन्थियों 1:9

परमात्मा एह़ करगा, क्जोकि जेह्ड़ा सैह़ ग्लांदा ऐ, तिसियो करणे च ईमानदार ऐ, कने तिन्हीं तुहां जो अपणे पुत्तर अहां दे प्रभु यीशु मसीह दिया संगतिया च सद्देया ऐ।

2 कुरिन्थियों 8:1

हुण हे प्यारे साथी बसुआसियो, अहां तुहां जो परमात्मे दे तिस अनुग्रह दा समाचार दिंदे हन, जेह्ड़ा मकिदुनिया प्रदेसे दी कलीसियां दे बसुआसियां पर होएया ऐ।

इफिसियों 3:6

मतलब एह़ कि यीशु मसीह च सुसमाचारे दे जरिये होरनी जातिआं दे लोक सैई आसीषां हासल करदे हन, कने तिसी सरीरे दे हिस्से कने तिस वादे दे जेह्ड़ा परमात्मे यहूदी लोकां सौगी कित्या था साझी हन।

फिलिप्पियों 1:12

हे प्यारे साथी बसुआसियो, मैं चांह़दा ऐ, कि तुहां एह़ जाणी लेआ कि मिन्जो पर जेह्ड़ा बितेया ऐ, जिसदिया बज़ाह ते मतेआं लोकां सुसमाचारे पर बसुआस कित्ता।

फिलिप्पियों 1:16

एह़ सैह़ लोक हन, जेह्ड़े सुसमाचार दा प्रचार अच्छे नेक इरादे कने प्यार नैं करदे हन, कि सैह़ जाणदे हन, मैं यीशु मसीह दे सुसमाचारे दा जवाब दैणे तांई जेला च कैद ऐ।

फिलिप्पियों 1:27

सिर्फ इतणा करा, कि तुहां दा चाल-चलण मसीह दे सुसमाचारे मताबक होयैं, कि चां मैं आई नैं तुहां जो दिक्खैं, चां ना भी औयें, तुहां दे बारे च ऐई सुणैं कि तुहां इक्को ई इरादे च मजबूत रेह्आ, कने इक्क मन होई नैं सुसमाचार दे बसुआसे तांई मेहनत करदे रैंह्दे हन,

फिलिप्पियों 1:7

ठीक ऐ कि मैं तुहां सारेयां तांई ऐदेया ई बचार करैं, क्जोकि मैं तुहां नैं बड़ा प्यार करदा ऐ, कने जाह़लू मैं जेला च ऐ कने सुसमाचारे दी रक्षा तांई कने सच्च साबित करणे च तुहां सारे मिन्जो सौगी परमात्मे दे अनुग्रह च साझी हन।

फिलिप्पियों 2:12

इसतांई हे प्यारे साथी बसुआसियो, जिस तरीके नैं तुहां सदा ते हुक्म मनदे आएयो हन, तिंआं ई हुण भी ना सिर्फ मिन्जो सौगी रैंह्दे होये अपर खास करी नैं हुण मेरे दूर रैहणे पर भी डरदे कने कम्मदे होये, लगातार खरे कम्म करदे रेह्आ, जेह्ड़े तुहां दे उद्धारे ते ओंदे हन।

फिलिप्पियों 2:22

अपर तुहां तां तीमुथियुसे दिया काबलियता जो जाणदे हन कि जिंआं पुत्तर बुढ़े सौगी करदा ऐ, तिंआं ई तिन्हीं सुसमाचार फैलाणे च मिन्जो सौगी कड़ी मेहनत कित्ती।

फिलिप्पियों 4:3

हे सच्चे साथी, मैं तिज्जो नैं भी विणती करदा ऐ, कि तू तिन्हां जणासां दी इक्क मन रैहणे च मदत कर, क्जोकि तिन्हां मिन्जो सौगी सुसमाचार फैलाणे च, क्लेमेंस कने मेरे होर साथियां सौगी मेहनत कित्ती, तिन्हां सबना दे नां ज़िन्दगिया दिया कताबां च लिख्यो हन।

फिलेमोन 1:17

जे तू मिन्जो अपणा साथी समझदा ऐ, तां तिसियो इस तरीके नैं अपनाआ जिंआं मिन्जो अपनाया।

इब्रानियों 3:14

जे अहां अपणे पैहल्ले भरोसे जो अन्त तिकर मजबूत बणाई रखदे हन, तां अहां मसीह दे हिस्सेदार बणी जांदे हन।

2 पतरस 1:1

मैं शमौन पतरस जेह्ड़ा यीशु मसीह दा दास कने प्रेरित ऐ। मैं एह़ चिठ्ठी तिन्हां लोकां दे नांऐ पर लिखा दा ऐ, जिन्हां अहां दे परमात्मे कने उद्धार करणे आल़े यीशु मसीह दी धार्मिकता दे जरिये अहां साइआं कीमती बसुआस हासल कित्या ऐ।

1 यूहन्ना 1:3

जेह्ड़ा कुच्छ अहां दिख्या कने सुणेया ऐ तिसदा समाचार तुहां जो भी दिंदे हन, तांजे तुहां भी अहां सौगी संगति रखन; कने अहां दी एह़ संगति पिता सौगी कने तिसदे पुत्तर यीशु मसीह सौगी ऐ।

1 यूहन्ना 1:7

अपर जिंआं परमात्मा जोतिया च ऐ, तिंआं ई अहां भी जोतिया च चलण, तां इक्की दूये नैं संगति रखदे हन, कने तिसदे पुत्तर यीशु मसीह दा खून अहां जो सारे पापां ते सुद्ध करदा ऐ।