फिलिप्पियों 1:30 - काँगड़ी

³⁰ कने तुहां तिंआं ई दुख झेलणा ऐ, जिंआं तुहां मिन्जो झेलदे दिख्या ऐ, जाह़लू मैं तुहां सौगी फिलिप्पी सैहरे च था, कने हुण भी सुणदे हन कि मैं तिंआं ई दुख झेलदा ऐ।

फिलिप्पियों 1:30 Cross References

यूहन्ना 16:33

मैं एह़ गल्लां तुहां नैं इसतांई ग्लाईयां हन, कि तुहां जो मिन्जो च सांति मिल्ले। अपर हौंसला रखा, क्जोकि मैं इस संसारे दे लोकां पर राज्ज करणे आल़े सैताने जो हराई दित्या ऐ।”

फिलिप्पियों 1:13

ऐत्थु तिकर कि कैसर राजे दे राज्जभवने दी सारिया पलटना च कने बाक्कि सारे लोकां च एह़ प्रगट होई गेआ ऐ कि मैं मसीह दी खातर जेला च कैद ऐ।

कुलुस्सियों 1:29

इसतांई मैं तिसा सामर्थी नैं तन मन लगाई नैं मेहनत करदा ऐ, जेह्ड़ी मिन्जो मसीह दे जरिये मिलदी ऐ, कने जेह्ड़ी मिन्जो च कम्म करदी ऐ।

कुलुस्सियों 2:1

मैं चांह़दा ऐ, कि तुहां जाणी लैन कि तुहां कने तिन्हां तांई जेह्ड़े लौदीकिया सैहरे च हन, कने तिन्हां सारेयां तांई जिन्हां मिन्जो नीं दिख्या, मैं कितणी मेहनत करदा ऐ,

1 थिस्सलुनीकियों 2:2

जिंआं तुहां अप्पु ई जाणदे हन, कि पैहल्ले अहां फिलिप्पी सैहरे च दुख झेलेया कने बुरा बर्ताब होणे दे बाद भी परमात्मैं अहां जो इतणी हिम्मत दित्ती, कि अहां परमात्मे दा सुसमाचार तुहां दे लाक्के च भारी बरोध दे होणे दे बावजूद भी तुहां जो सणाई सकन।

1 तीमुथियुस 6:12

जिंआं इक्क खरा सपाई लड़ाईया च लड़ाई करणा कदी नीं छड्डदा, तिंआं ई तिज्जो भी परमात्मे पर बसुआस करणा कने तिसदे पचांह़ चलणा कदी नीं छड्डणा चाइदा। तांजे तू अपणे इनामे दे रूपे च सदा दी ज़िन्दगिया जो पाई सकैं, जिस तांई तू सद्देया गेआ, जाह़लू तैं मते लोकां सामणै साफ-साफ ग्लाया था, कि तू मसीह पर बसुआस करदा ऐ।

2 तीमुथियुस 4:7

मैं मसीह दी सेवा तांई बड़ी मेहनत कित्ती ऐ, कने अपणिया दौड़ा जो पूरी करी लेआ ऐ, कने मैं आखरी तिकर बसुआसे च पक्का रेह्आ ऐ।

इब्रानियों 12:1

अहां दे चौंन्नी पास्से मते सारे लोकां दियां ज़िन्दगिया दे ऐदेय उदारण हन, जेह्ड़े अहां जो दस्सदे हन कि बसुआस क्या ऐ। इसतांई ओआ, हर इक्क रोकणे आल़ी चीज्ज कने उलझाणे आल़े पापे जो दूर करी नैं, सैह़ दौड़ जिस च अहां जो दौड़णा ऐ अहां सबर रखी नैं दौड़न।

इब्रानियों 12:4

तुहां पापां दे खलाफ लड़दे-लड़दे अह्ल्ली तिकर तिन्हां सौगी ऐदई लड़ाई नीं लड़ी, कि तुहां दा खून बेहया होयैं।

प्रकाशितवाक्य 12:11

“सैह़ मेम्ने दे खूने दिया बज़ाह कने अपणिया गवाहिया दे वचनां दिया बज़ाह ते तिस पर जीत्त हासल कित्ती, क्जोकि तिन्हां अपणे प्राणा जो प्यारा नीं समझेया, ऐत्थु तिकर कि मौत्त भी झेली लेई।