फिलिप्पियों 1:29 - काँगड़ी

²⁹ क्जोकि मसीह दिया बज़ाह ते तुहां पर ऐदेया अनुग्रह होएया कि ना सिर्फ तिस पर बसुआस करा अपर तिस तांई दुख भी झेला,

फिलिप्पियों 1:29 Cross References

मत्ती 16:17

यीशुयैं तिन्हां जो जवाब दित्ता, “हे शमौन, योना दे जागता, तू धन ऐ; क्जोकि मांस कने खून ते नीं, अपर मेरे पितैं जेह्ड़ा सुअर्गे च ऐ, एह़ गल्ल तिज्जो पर प्रगट कित्ती ऐ।

प्रेरितां दे कम्म 13:39

कने जिन्हां गल्लां च तुहां मूसा दिया व्यबस्था दिया बज़ाह ते बेकसूर नीं ठेरी सकदे थे, तिन्हां सारेयां च हर इक्क बसुआस करणे आल़ा यीशु मसीह दे जरिये बेकसूर ठैहरदा ऐ।”

प्रेरितां दे कम्म 14:22

कने हर इक्की सैहरे च चेलेयां दे मना जो मजबूत करदे रैह् कने एह़ सिक्षा दिंदे थे कि बसुआसे च बणी रेह्आ; कने एह़ ग्लांदे थे, “अहां जो मते दुख झेली करी परमात्मे दे राज्जे च प्रवेश करणा पोणा।”

प्रेरितां दे कम्म 14:27

कने अन्ताकिया सैहरे पुज्जी करी तिन्हां कलीसिया किठ्ठी कित्ती कने दस्सेया, कि परमात्मैं तिन्हां सौगी रेई करी कदेय बड़े-बड़े कम्म कित्ते, कने होरनी जाति दे लोकां जो किंआं परमात्मैं यीशु मसीह पर बसुआस करणे जोग्गा बणाया।

प्रेरितां दे कम्म 5:41

प्रेरित इसा गल्ला ते खुस होई करी महासभा दे सामणै ते चली गै, कि अहां यीशुये दे नांऐ तांई बेइज्जत होणे जोग्गे तां ठेहरै हन।

रोमियो 5:3

सिर्फ ऐई नीं, अपर अहां मुसीबतां च भी खुसी मनांदे हन, एह़ जाणी नैं कि मुसीबता ते सबर,

इफिसियों 2:8

क्जोकि परमात्मे तुहां दा अपणे अनुग्रह नैं उद्धार कित्या, जाह़लू तुहां बसुआस करदे थे; कने एह़ तुहां दे पास्से ते नीं अपर परमात्मे दा दान ऐ,

कुलुस्सियों 2:12

जाह़लू तुहां बपतिस्मा लेआ, तां तुहां भी मसीह साइआं दब्बे गै, जिंआं मसीह मरेयां ते जिन्दा होएया, तिंआं तुहां भी नौये सभावे सौगी जिन्दे होये। एह़ इसतांई होएया कि तुहां परमात्मे पर बसुआस कित्ता, जिन्हीं अपणिया सामर्थी दे जरिये मसीह जो मरेयां ते जिन्दा कित्ता।

याकूब 1:2

हे मेरे प्यारे साथी बसुआसियो, जाह़लू तुहां हर किस्मां दियां परीक्षां च पोन, तां इन्हां परीक्षां जो बड़िया खुसिया दी गल्ल समझा।

1 पतरस 4:13

अपर तुहां इस च खुस रेह्आ, कि तुहां यीशु मसीह दे दुखां च साझीदार होएयो हन, तांजे जाह़लू तिसदी महिमा प्रगट होयैं, तां तुहां खुसिया नैं भरोई जान।