फिलिप्पियों 1:27 - काँगड़ी

²⁷ सिर्फ इतणा करा, कि तुहां दा चाल-चलण मसीह दे सुसमाचारे मताबक होयैं, कि चां मैं आई नैं तुहां जो दिक्खैं, चां ना भी औयें, तुहां दे बारे च ऐई सुणैं कि तुहां इक्को ई इरादे च मजबूत रेह्आ, कने इक्क मन होई नैं सुसमाचार दे बसुआसे तांई मेहनत करदे रैंह्दे हन,

फिलिप्पियों 1:27 Cross References

मत्ती 12:25

यीशुयैं तिन्हां दे मने दी गल्ल जाणी करी तिन्हां नैं ग्लाया, जिस राजे दे राज्जे च बैर पेई जां, तां सैह़ उजड़ी जांदा ऐ; कने कोई सैहर या परवार जिस च बैर हुंदा ऐ, तां तिस सैहरे दे या परवारे दे माणु किंआं बणी करी रेई सकदे हन।

प्रेरितां दे कम्म 2:46

सैह़ रोज इक्क मन होई करी मंदरे च किठ्ठे हुंदे थे, कने घर-घर रोटी तोड़दे कने खुसी कने मने दी सिधाई सौगी खाणा खांदे थे,

प्रेरितां दे कम्म 24:24

कुच्छ दिनां बाद फेलिक्स हाकम अपणिया लाड़िया द्रुसिल्ला जो, जेह्ड़ी यहूदनी थी, सौगी लेई करी कैसरिया सैहरे च आई रेह्आ कने पौलुसे जो सदवाई करी तिसियो बसुआसे दे बारे च जेह्ड़ा प्रभु यीशु मसीह पर ऐ, तिसते सुणेया।

प्रेरितां दे कम्म 4:32

बसुआस करणे आल़ेआं दी मंडल़ी इक्क चित कने इक्क मन दी थी, ऐत्थु तिकर कि कोई भी अपणिया जायदाता जो अपणी नीं ग्लांदा था, अपर सारा कुच्छ साझी था।

रोमियो 1:16

क्जोकि मैं पूरे मने नैं यीशु मसीह दे सुसमाचारे पर भरोसा रखदा ऐ। एह़ तिन्हां सबना दे उद्धारे तांई परमात्मे दी सामर्थ ऐ, जेह्ड़े इस च बसुआस करदे हन। सबना ते पैहल्ले यहूदी लोकां तांई भिरी होरनी जातिआं दे लोकां तांई भी।

रोमियो 1:5

मसीह दे जरिये मिन्जो अनुग्रह कने प्रेरित दी सेवकाई मिल्ली कि तिसदे नांऐ दिया बज़ाह ते सारी जातिआं दे लोक मसीह पर बसुआस करी नैं तिसदी मनन,

रोमियो 1:9

परमात्मा जिसदी सेवा मैं अपणे पूरे मने नैं तिसदे पुत्तरे दे सुसमाचार दे बारे च करदा ऐ, सैई मेरा गवाह ऐ, कि मैं तुहां लोकां जो अपणिया प्रार्थना च लगातार याद करदा रैंह्दा ऐ,

रोमियो 10:8

अपर सैह़ क्या ग्लांदी ऐ? एह़ कि “तुहां इस वचने जो अपणे मुँऐ नैं मन्नी करी अपणे मने च ग्रहण करी सकदे हन।” एह़ सैई बसुआसे दा वचन ऐ, जेह्ड़ा अहां प्रचार करदे हन।

रोमियो 15:16

कि मैं होरनी जातिआं दे लोकां तांई यीशु मसीह दा सेवक बणी नैं इक्क याजकें साइआं परमात्मे दे सुसमाचारे दी सेवा करैं। तां होरनी जातिआं दे लोकां जो पवित्र आत्मा दे जरिये पवित्र कित्ते जाणे ते बाद, परमात्मे सौगी मिल्लांदा ऐ, जिसते सैह़ खुस हुंदा ऐ।

रोमियो 15:29

कने मैं जाणदा ऐ, कि जाह़लू मैं तुहां अल्ल ओंगा, तां मसीह दी कीमती आसीषां जो तुहां सौगी बंडगा।

1 कुरिन्थियों 1:10

हे प्यारे साथी बसुआसियो, मैं तुहां नैं अहां दे प्रभु यीशु मसीह दे नांऐ नैं विणती करदा ऐ कि तुहां सारे इक्की दूये नैं सेहमत होआ, तांजे तुहां च बैर नीं पोयैं, अपर अपणे मकसदां कने इरादेयां च इक्क मन होई नैं मिल्ली करी रेह्आ।

1 कुरिन्थियों 15:58

इसतांई हे मेरे प्यारे साथी बसुआसियो, अपणे बसुआसे मजबूत च बणी रेह्आ, कने प्रभु दे कम्मां च हमेसा बधदे जा, क्जोकि एह़ जाणदे हन कि जेह्ड़ा कुच्छ तुहां प्रभु तांई करदे हन तिसदा इनाम तुहां जो जरूर मिलगा।

2 कुरिन्थियों 13:11

कने हे प्यारे साथी बसुआसियो, मैं इन्हां सब्दां सौगी चिठ्ठी बंद करदा ऐ। खुस रेह्आ, सिद्ध बणदे जा, इक्की दूये जो हौंसला दिंदे रेह्आ, इक्क मन रेह्आ, मिल्ली जुली नैं रेह्आ। ताह़लू प्यार कने सांति दा परमात्मा तुहां सौगी रैंह्गा।

2 कुरिन्थियों 4:4

इस संसारे दे ईश्वर सैताने तिन्हां बेबसुआसियां दिया अक्ला जो भ्रष्ट करी दित्या ऐ, जिसा बज़ाह ते सैह़ मसीह दे सुसमाचारे कने तिसदिया चमका जो नीं समझी सकदे। क्जोकि मसीह परमात्मे दा स्वरूप ऐ।

2 कुरिन्थियों 9:13

क्जोकि इसा सेवा दा सबूत मन्नी करी सैह़ परमात्मे दी महिमा जो प्रगट करदे हन, कि तुहां यीशु मसीह दे सुसमाचारे जो मन्नी नैं तिसदे अधीन रैंह्दे हन, कने जरूरतमंद बसुआसियां दी मदत करणे च दिलेरी दस्सदे रैंह्दे हन।

गलातियों 1:7

अपर सैह़ दूआ सुसमाचार ऐ ई नीं। अपर गल्ल एह़ ऐ कि कितणे ऐदेय हन जेह्ड़े तुहां जो डराई दिंदे हन, कने मसीह दे सुसमाचारे जो बिगाड़णा चांह़दे हन।

इफिसियों 1:13

कने तिस च तुहां पर भी, जाह़लू तुहां सच्च दा वचन सुणेया जेह्ड़ा तुहां दे उद्धारे दा सुसमाचार ऐ कने जिस पर तुहां बसुआस कित्ता, परमात्मे तुहां जो वादे दी पवित्र आत्मा एह़ दस्सणे तांई दित्ता, कि तुहां तिसदे हन।

इफिसियों 1:15

इसा बज़ाह ते, जाह़लू ते मैं प्रभु यीशु पर तुहां दे बसुआसे कने परमात्मे दे सारे लोकां तांई तुहां दे प्यारे दे बारे च समाचार सुणी नैं,

इफिसियों 4:1

इसतांई मैं जेह्ड़ा प्रभु च कैदी ऐ तुहां नैं विणती करदा ऐ, कि जिसा बुलाहटा नैं तुहां सद्देयो थे, तिसा मताबक ज़िन्दगी जीआ,

फिलिप्पियों 1:5

इसतांई कि तुहां पैहल्ले दिन ते लेई नैं अज्जे तिकर प्रभु यीशुये दा सुसमाचार फैलाणे च मिन्जो सौगी साझी रैह् हन।

फिलिप्पियों 2:12

इसतांई हे प्यारे साथी बसुआसियो, जिस तरीके नैं तुहां सदा ते हुक्म मनदे आएयो हन, तिंआं ई हुण भी ना सिर्फ मिन्जो सौगी रैंह्दे होये अपर खास करी नैं हुण मेरे दूर रैहणे पर भी डरदे कने कम्मदे होये, लगातार खरे कम्म करदे रेह्आ, जेह्ड़े तुहां दे उद्धारे ते ओंदे हन।

फिलिप्पियों 2:24

कने मिन्जो प्रभु च भरोसा ऐ कि मैं अप्पु भी तौल़ी ओंगा।

फिलिप्पियों 3:18

क्जोकि मते लोक बुरिआं चालां चलदे हन, जिन्हां दी चर्चा मैं तुहां नैं बार-बार कित्ती ऐ, कने हुण भी रोई-रोई करी ग्लांदा ऐ, कि सैह़ अपणे चाल-चलण ते मसीह दी कुर्बानी दे बैरी हन।

फिलिप्पियों 3:20

अपर अहां दा अपणा देस सुअर्गे पर ऐ; कने अहां इक्क उद्धार करणे आल़ा प्रभु यीशु मसीह दा औत्थू ते ओणे दा इन्तजार करदे हन।

फिलिप्पियों 4:1

हे प्यारे साथी बसुआसियो, मैं तुहां नैं बड़ा प्यार करदा ऐ, कने तुहां नैं मिलणा चांह़दा ऐ, जेह्ड़े मेरी खुसी कने इनाम हन। इसतांई हे प्यारे साथी बसुआसियो, प्रभु दे बसुआसे च मजबूत बणी रेह्आ।

कुलुस्सियों 1:10

इस तरीके नैं तुहां प्रभु दे मताबक ज़िन्दगी जी करी सारियां गल्लां च तिसियो खुस करगे। कने हर किस्मां दे खरे कम्म करदे रैंह्गे कने परमात्मे दे ज्ञाने च फल़दे कने बधदे जांगे।

कुलुस्सियों 1:4

क्जोकि अहां सुणेया ऐ, कि यीशु मसीह पर तुहां दा बसुआस ऐ, कने सारे परमात्मे दे लोकां नैं तुहां प्यार रखदे हन।

1 थिस्सलुनीकियों 3:6

अपर हुण तीमुथियुसें, जेह्ड़ा तुहां अल्ले ते अहां दे ऐत्थु आई करी, तुहां दा बसुआस कने प्यारे दा सुसमाचार सणाया। कने इसा गल्ला जो भी सणाया, कि तुहां सदा प्यारे नैं अहां जो याद करदे हन, कने अहां दे दिक्खणे दी इच्छा रखदे हन, जिंआं अहां भी तुहां जो दिक्खणे दी इच्छा रखदे हन।

1 थिस्सलुनीकियों 4:1

आखरी च हे प्यारे साथी बसुआसियो, अहां तुहां नैं विणती करदे हन, कने तुहां जो प्रभु यीशु च समझांदे हन, कि तुहां प्रभु दे नांऐ च इस तरीके नैं ज़िन्दगी जीआ, जेह्ड़ी परमात्मे जो खुस करदी ऐ। कने जिंआं अहां तुहां जो सखाया भी ऐ। तुहां पैहल्ले ते ई इआं करदे आएयो हन, कने तिंआं ई होर भी बधदे जा।

1 तीमुथियुस 1:11

एह़ सुसमाचार दी सिक्षा परमधन्य परमात्मे दे पास्से ते ऐ, जेह्ड़ी लोकां जो सणाणे तांई परमात्मे मिन्जो दित्तियो ऐ।

1 तीमुथियुस 1:19

तुहां यीशु मसीह च अपणे बसुआसे जो बणाई कने अपणिया अन्तर आत्मा जो साफ रखा। कुच्छ लोकां तां अपणिया साफ अन्तर आत्मा जो छड्डी दित्या ऐ, जिसदिया बज़ाह ते यीशु मसीह च तिन्हां दा बसुआस मुक्की गेआ ऐ।

2 तीमुथियुस 4:7

मैं मसीह दी सेवा तांई बड़ी मेहनत कित्ती ऐ, कने अपणिया दौड़ा जो पूरी करी लेआ ऐ, कने मैं आखरी तिकर बसुआसे च पक्का रेह्आ ऐ।

तीतुस 2:10

चोरी चलाकी नीं करन, अपर हर तरीके नैं पूरे ईमानदार निकल़न, कि सैह़ सारियां गल्लां च अहां दे उद्धार करणे आल़े परमात्मे दी सिक्षा च सोभा बधान।

फिलेमोन 1:5

क्जोकि मैं तेरे तिस प्यारे कने बसुआसे दी चर्चा सुणी करी, जेह्ड़ी प्रभु यीशु मसीह पर कने सारे परमात्मे दे लोकां सौगी ऐ।

याकूब 3:18

कने जेह्ड़े लोक मेल-जोल करवाणे आल़े हन, सैह़ सांति दा बीई बांगे, कने धार्मिकता दी फसल बडगे।

2 पतरस 3:11

क्जोकि परमात्मा जरूर इन्हां सारियां चीज्जां जो नास करगा, ठीक तिंआं ई जिंआं मैं दस्सेया ऐ, तां तुहां जो अपणा चाल-चलण सैदेया रखणा चाइदा, जेह्ड़ा परमात्मे जो खुस करदा ऐ।

2 पतरस 3:14

इसतांई, हे मेरे प्यारे साथी बसुआसियो, जाह़लू कि तुहां तिस न्याय आल़े दिने दी आस रखदे हन, तां कोसस करा कि तुहां सांतिया नैं तिस सामणै बेदाग कने बेकसूर ठैह़रन,

यहूदा 1:3

हे मेरे प्यारे साथी बसुआसियो, हलांकि मैं परमात्मे दे उद्धारे दे बारे च बड़ी मेहनत करी नैं तुहां जो लिखा दा था, जिस च अहां सारे साझी हन, मैं तुहां जो एह़ लिखणे तांई मजबूर होएया, कि तुहां जो सच्चाईया दी लड़ाई लड़णे तांई हौंसला देई सकैं। परमात्मैं अपणे लोकां जो एह़ सच्चाई इक्क ई बरी देई दित्तियो, जेह्ड़ी कदी नीं बदलदी।