फिलिप्पियों 1:21 - काँगड़ी

²¹ क्जोकि मेरा जिन्दा रैहणा मसीह तांई ऐ, कने मेरा मरी जाणा भी फायदा ऐ, क्जोकि मैं मरने ते बाद भी मसीह सौगी रैंह्गा।

फिलिप्पियों 1:21 Cross References

1 कुरिन्थियों 1:30

अपर परमात्मे दे पास्से ते तुहां यीशु मसीह च हन, जेह्ड़े परमात्मे दे पास्से ते अहां तांई ज्ञान, मतलब धार्मिकता, पवित्रता कने छुटकारा दैणे आल़ा बणेया;

1 कुरिन्थियों 3:22

खास करी नैं चाये मैं पौलुस, अपुल्लोस, पतरस, इस संसारे दियां चीज्जां, संसार, चांये तुहां मरन चाये जीन, चाये वर्तमान, चाये भविष्य, तुहां जो एह़ सारियां चीज्जां परमात्मैं तुहां दिया भलाईया तांई दित्तियां हन,

2 कुरिन्थियों 5:1

अहां दे सरीर इसा धरतिया पर अहां दे घरां साइआं हन, जिन्हां च अहां रैंह्दे हन। जाह़लू अहां मरन तां परमात्मे दी तरफा ते सुअर्गे पर इक्क देहया घर मिलगा जेह्ड़ा हत्थां नैं बणेया घर नीं, अपर सदा काल तिकर बणी रैंह्दा ऐ।

2 कुरिन्थियों 5:6

इसतांई अहां हमेसा भरोसा रखदे हन, कने एह़ जाणदे हन, कि जाह़लू तिकर अहां सरीरे च रैंह्दे हन ताह़लू तिकर प्रभु ते दूर हन।

2 कुरिन्थियों 5:8

इसतांई अहां भरोसा रखदे हन, कने मरने दे बाद अहां प्रभु सौगी रैहणा होर भी खरा समझदे हन।

गलातियों 2:20

जाह़लू मसीह सूल़िया पर मरेया, तां मैं भी मरी गेआ, कने हुण जेह्ड़ा मिन्जो च जिन्दा ऐ, सैह़ मैं नीं अपर मसीह ऐ; कने हुण जिंआं मैं जीआ दा ऐ तां सिर्फ तिस बसुआसे दे जरिये जेह्ड़ा परमात्मे दे पुत्तरे पर ऐ, जिन्हीं मिन्जो नैं प्यार कित्ता कने मिन्जो तांई अपणे आप्पे जो देई दित्ता।

गलातियों 6:14

जित्थु तिकर मेरा सवाल ऐ, अहां दे प्रभु यीशु मसीह दी सूल़िया पर मौत्ती जो छड्डी करी मैं होर कुसी चीज्जा पर घमंड नीं करणा चांह़दा। हुण संसारे दियां चीज्जां दा मिन्जो पर कोई हक्क नीं ऐ, कने मेरे अंदर एह़ इच्छा नीं रेई, कि इन्हां संसारिक चीज्जां दी होर गुलामी करैं।

फिलिप्पियों 1:20

मैं तां बड़ी इच्छा कने आसा रखदा ऐ, कि मैं कुसा भी गल्ला च बेइज्जत ना होयैं, अपर जिंआं मैं पूरिया हिम्मता दिया बज़ाह ते मसीह दी बड़ेयाई मेरे सरीरे दे जरिये सदा हुंदी रेई ऐ, तिंआं ई हुण भी होयैं, चां मैं जिन्दा रैंह् या मरी जां।

फिलिप्पियों 1:22

अपर जे सरीरे च जिन्दा रैहणा ई मेरे कम्मे तांई फायदेमंद ऐ तां मैं नीं जाणदा ऐ, कि कुसियो चुणैं?

फिलिप्पियों 1:23

क्जोकि इन्हां दून्नी च इक्की जो चुणना मिन्जो तांई बड़ा औखा ऐ। जी तां चांह़दा ऐ, कि मसीह अल्ल जाई करी रैंह्, क्जोकि एह़ मिन्जो तांई बड़ा खरा ऐ,

फिलिप्पियों 2:21

क्जोकि सारे अपणे मतलबे दिया तोपा च रैंह्दे हन, ना कि यीशु मसीह दी।

कुलुस्सियों 3:4

जाह़लू मसीह, जेह्ड़ा तुहां जो नौई ज़िन्दगी दिंदा ऐ, जाह़लू इस संसारे च दुवारी बापस ओंगा, ताह़लू तुहां भी ओंगे, कने तिसदी महिमा च हिस्सेदार बणगे।

प्रकाशितवाक्य 14:13

कने भिरी मैं सुअर्गे ते एह़ उआज़ सुणी, “लिख: धन हन सैह़ मरेयो लोक, हुण ते जिन्हां दी मौत्त प्रभु च हुंगी।” आत्मा ग्लांदा ऐ, “हाँ, सैह़ अपणिया सारी मेहनता नैं अराम पांगे, क्जोकि तिन्हां दे खरे कम्म तिन्हां सौगी हन।”