फिलिप्पियों 1:20 - काँगड़ी

²⁰ मैं तां बड़ी इच्छा कने आसा रखदा ऐ, कि मैं कुसा भी गल्ला च बेइज्जत ना होयैं, अपर जिंआं मैं पूरिया हिम्मता दिया बज़ाह ते मसीह दी बड़ेयाई मेरे सरीरे दे जरिये सदा हुंदी रेई ऐ, तिंआं ई हुण भी होयैं, चां मैं जिन्दा रैंह् या मरी जां।

फिलिप्पियों 1:20 Cross References

यूहन्ना 21:19

तिन्हीं इन्हां गल्लां ते इसारा कित्ता कि पतरस कदेई मौत्ती ते परमात्मे दी महिमा करगा। कने ताह़लू तिन्हीं तिस नैं ग्लाया, “मेरे पचांह़ चली पौ।”

प्रेरितां दे कम्म 20:24

अपर मैं अपणेयां प्राणा जो कुच्छ नीं समझदा कि तिन्हां जो प्यारा जाणे, अपर एह़ कि मैं अपणिया दौड़ा जो कने सेवा जो पूरिया करैं, जेह्ड़ी मैं परमात्मे दे अनुग्रह दे सुसमाचार पर गवाही दैणे तांई प्रभु यीशु मसीह ते पाई ऐ।

प्रेरितां दे कम्म 21:13

अपर पौलुसैं जवाब दित्ता, “तुहां क्या करदे हन, कि रौई-रौई करी मेरे मने तोड़दे हन? मैं तां प्रभु यीशुये दे नांऐ तांई यरूशलेम सैहरे च सिर्फ ना बन्धे जाणे तांई अपर मरने तांई भी त्यार ऐ।”

प्रेरितां दे कम्म 4:31

जाह़लू सैह़ प्रार्थना करी बैठे, तां सैह़ जगाह जित्थु सैह़ कठ्ठरोयो थे हिल्ली गेई कने सैह़ सारे पवित्र आत्मा नैं भरोई गै, कने परमात्मे दा वचन हिम्मता सौगी सणांदे रैह्।

रोमियो 12:1

इसतांई हे प्यारे साथी बसुआसियो, मैं तुहां नैं परमात्मे दी दया याद दिलाई नैं विणती करदा ऐ, कि अपणे आप्पे जो जिन्दा, कने पवित्र, कने परमात्मे जो खरा लगणे आल़ा बलिदान चढ़ा। परमात्मे दी भक्ति करणे दा ऐई सच्चा तरीका ऐ ।

रोमियो 5:5

कने बसुआसे ते सर्म नीं हुंदी, क्जोकि पवित्र आत्मा जेह्ड़ा परमात्मे अहां जो दित्या ऐ तिसदे जरिये परमात्मे दा प्यार अहां दे मने च पाया ऐ।

रोमियो 6:13

कने ना अपणे सरीरे दे अंगा जो बुरे कम्मां दे हत्थयार होणे तांई पाप जो सौंपा, अपर अप्पु जो मरेयां ते जिन्दा होएया जाणी नैं अपणी ज़िन्दगी परमात्मे जो देआ, कने अपणे सरीरे दे अंगा जो धार्मिकता दे हत्थयार होणे तांई पूरी ज़िन्दगी परमात्मे जो देई देआ।

रोमियो 6:19

मैं तुहां दे सरीरे दी कमजोरिया दिया बज़ाह ते माणुआं दे नजरिये नैं ग्लांदा ऐ। जिंआं तुहां अपणे सरीरे दे अंगा जो बुरे कम्मां कने बुराईया दे दास बणाई नैं दित्या था, तिंआं ई हुण अपणे सरीरे दे अंगा जो पवित्रता तांई धार्मिकता दे दास बणाई नैं देई देआ।

रोमियो 8:19

क्जोकि सारी सृष्टि बड़ी आस लगाई नैं तिस बग्ते दा इन्तजार करा दी ऐ, कि काह़लू परमात्मा अपणे बच्चेयां जो प्रगट करगा।

रोमियो 9:33

जिंआं पवित्रशास्त्रे च लिख्या ऐ, “दिक्खा, मैं यरूशलेम सैहरे च इक्क ठोकर लगणे दा पत्थर कने चट्टान रखगा, तिन्हां नैं लोक ठोकर खाई नैं पेई जांगे, कने जेह्ड़ा तिस पर बसुआस करगा, सैह़ कदी सर्मिंदा नीं हुंगा।”

1 कुरिन्थियों 15:31

हे मेरे प्यारे साथी बसुआसियो, हर दिन मैं मौत्ती दा सामणा करदा ऐ, कने जेह्ड़ा मैं ग्लादा ऐ, सैह़ बिलकुल सच्च ऐ, कने एह़ भी सच्च ऐ कि अहां दे प्रभु यीशु मसीह च तुहां दे बसुआसे दिया बज़ाह ते मैं बड़ा भरी खुस ऐ।

1 कुरिन्थियों 6:20

क्जोकि परमात्मे यीशु मसीह दे बलिदाने दे जरिये इक्क बड्डा मुल्ल देई नैं खरीदी लेआ ऐ, इसतांई अपणे सरीरे दे जरिये परमात्मे दी महिमा करा।

1 कुरिन्थियों 7:34

ब्याईया कने कुआरिया च भी फर्क ऐ, कुआरी कुड़ी परमात्मे दी सेवा करणे दे बारे च फिकर करदी रैंह्दी ऐ कि सैह़ अपणे मने कने सरीरे जो प्रभु तांई लग्ग करणा चांह़दी ऐ अपर ब्याईयो संसारे दियां चीज्जां दी फिकर करदी रैंह्दी ऐ कि किंआं अपणे लाड़े जो खुस रखैं।

2 कुरिन्थियों 10:8

क्जोकि जे मैं तिस हक्के दे बारे च होर भी घमंड दस्सें, जेह्ड़ा प्रभुयैं तुहां दे बसुआसे जो नास करणे तांई नीं अपर बधणे तांई अहां जो दित्या ऐ, तां सर्मिंदा नीं हुंगा।

2 कुरिन्थियों 3:12

इसी आसा दिया बज़ाह ते अहां हिम्मता नैं ग्लांदे हन।

2 कुरिन्थियों 4:10

अहां हमेसा अपणे सरीरे च तिन्हां गल्लां जो मसूस करदे हन, जाह़लू यीशु मसीह तिसा दर्दनाक मौत्ती ते गुजरेया, जेह्ड़ी तिन्हीं झेली, तांजे लोक अहां दे कम्मां च यीशु मसीह दिया ज़िन्दगिया जो दिक्खन।

2 कुरिन्थियों 5:15

क्जोकि मसीह सारे लोकां तांई मरेया, कि जेह्ड़े लोक जिन्दे हन, सैह़ गांह बासती अपणे तांई नीं जीन, अपर तिस तांई जेह्ड़ा तिन्हां तांई मरेया कने भिरी जिन्दा होई गेआ।

2 कुरिन्थियों 7:14

क्जोकि जे मैं तिसदे सामणै तुहां दे बारे च कुच्छ घमंड दस्सेया, तां सर्मिंदा नीं होएया, अपर जिंआं अहां तुहां नैं सारियां गल्लां सच्च-सच्च ग्लाई दित्तियां थियां, तिंआं ई अहां दा घमंड दस्सणा तीतुसे सामणै भी सच्च निकल़ेया।

2 कुरिन्थियों 7:4

मैं तुहां नैं पूरे भरोसे नैं ग्लांदा ऐ, मिन्जो तुहां पर बड़ा घमंड ऐ; कने मिन्जो हौंसला मिलदा ऐ। जिसते कि मैं अपणिया सारी मुसीबता च भी खुसिया नैं भरोई रैंह्दा ऐ।

फिलिप्पियों 1:14

कने प्रभु च जेह्ड़े बसुआसी भाऊ हन, तिन्हां च होर सारे मेरे जेला च कैद होणे दिया बज़ाह ते, मजबूत बसुआसे नैं परमात्मे दा वचन बेझिझक सणाणे दी होर भी हिम्मत करदे हन।

फिलिप्पियों 2:17

तुहां दा मसीह च बसुआस कने तुहां दी सेवा परमात्मे तांई चढ़ाईया बल़िया साइआं ऐ। जे सैह़ मिन्जो मारी भी दैन, तमी मैं खुस ऐ, कने तुहां सबना सौगी खुसी मनांदा ऐ।

कुलुस्सियों 1:24

हुण मैं तिन्हां दुखा दिया बज़ाह ते जेह्ड़े तुहां तांई झेला दा ऐ, खुसी मनांदा ऐ। कने मैं तिसदे सरीरे, मतलब कलीसिया तांई अपणे सरीरे च कने मसीह दे दुखां च बाक्कि रेई गेई कमियां जो पूरा करदे-करदे अपणी जिम्मेवारी निभा दा ऐ।

1 थिस्सलुनीकियों 5:23

परमात्मा जेह्ड़ा सांति दिंदा ऐ, सैई तुहां जो पूरे तरीके नैं पवित्र करगा। कने तुहां दिया आत्मा, प्राण, कने सरीर अहां दे प्रभु यीशु मसीह दे बापस ओणे तिकर पूरी रीतिया नैं बेकसूर कने सम्भाल़ी नैं रखगा।

1 पतरस 4:16

अपर जे मसीह होणे दिया बज़ाह ते दुख झेलन, तां सर्मिंदा मत होएया, अपर इसा गल्ला तांई परमात्मे दी स्तुति करा।

1 यूहन्ना 2:28

इसतांई हे बच्चो, तिस च बणी रेह्आ; कि जाह़लू सैह़ दुवारी ओंगा तां अहां जो हिम्मत मिलगी, कने यीशु मसीह दे ओणे पर तिस सामणै सर्मिंदा ना होन।