फिलिप्पियों 1:16 - काँगड़ी

¹⁶ एह़ सैह़ लोक हन, जेह्ड़े सुसमाचार दा प्रचार अच्छे नेक इरादे कने प्यार नैं करदे हन, कि सैह़ जाणदे हन, मैं यीशु मसीह दे सुसमाचारे दा जवाब दैणे तांई जेला च कैद ऐ।

फिलिप्पियों 1:16 Cross References

1 कुरिन्थियों 9:17

क्जोकि जे मैं अपणिया इच्छा ते सुसमाचार प्रचार करदा ऐ, तां मिन्जो तिसदा प्रतिफल़ जरूर मिलदा ऐ, अपर जे मैं बगैर इच्छा ते प्रचार करदा ऐ, तां एह़ सिर्फ जिम्मेवारिया जो पूरा करणा ई होएया ऐ।

2 कुरिन्थियों 2:17

क्जोकि अहां तिन्हां मतेआं साइआं नीं हन, जेह्ड़े परमात्मे दे वचने जो अपणे फायदे तांई प्रचार करदे हन। अपर अहां परमात्मे दे वचने जो सच्चाईया नैं कने मसीह दे हक्के नैं प्रचार करदे हन, एह़ जाणदे होये कि परमात्मा अहां जो दिक्खा दा ऐ।

फिलिप्पियों 1:10

इसतांई कि तुहां इन्हां गल्लां जो परखणे जोग्गे बणी जान, कि कुण देहई गल्ल ग्लाणे तांई ठीक ऐ, कने मसीह दे दुवारी बापस ओणे तिकर पवित्र कने बेकसूर बणी रेह्आ;

फिलिप्पियों 1:12

हे प्यारे साथी बसुआसियो, मैं चांह़दा ऐ, कि तुहां एह़ जाणी लेआ कि मिन्जो पर जेह्ड़ा बितेया ऐ, जिसदिया बज़ाह ते मतेआं लोकां सुसमाचारे पर बसुआस कित्ता।

फिलिप्पियों 1:5

इसतांई कि तुहां पैहल्ले दिन ते लेई नैं अज्जे तिकर प्रभु यीशुये दा सुसमाचार फैलाणे च मिन्जो सौगी साझी रैह् हन।

फिलिप्पियों 1:7

ठीक ऐ कि मैं तुहां सारेयां तांई ऐदेया ई बचार करैं, क्जोकि मैं तुहां नैं बड़ा प्यार करदा ऐ, कने जाह़लू मैं जेला च ऐ कने सुसमाचारे दी रक्षा तांई कने सच्च साबित करणे च तुहां सारे मिन्जो सौगी परमात्मे दे अनुग्रह च साझी हन।

फिलिप्पियों 2:22

अपर तुहां तां तीमुथियुसे दिया काबलियता जो जाणदे हन कि जिंआं पुत्तर बुढ़े सौगी करदा ऐ, तिंआं ई तिन्हीं सुसमाचार फैलाणे च मिन्जो सौगी कड़ी मेहनत कित्ती।

फिलिप्पियों 4:15

हे फिलिप्पी दे लोको, तुहां अप्पु भी जाणदे हन कि सुसमाचार जेह्ड़ा तुहां जो सुरू ते सणाया गेआ, कने जाह़लू मैं मकिदुनिया प्रदेसे ते गेआ, ताह़लू सिर्फ तुहां दिया कलीसिया दे लोकां लैण-दैण च मेरी मदत कित्ती।

फिलिप्पियों 4:3

हे सच्चे साथी, मैं तिज्जो नैं भी विणती करदा ऐ, कि तू तिन्हां जणासां दी इक्क मन रैहणे च मदत कर, क्जोकि तिन्हां मिन्जो सौगी सुसमाचार फैलाणे च, क्लेमेंस कने मेरे होर साथियां सौगी मेहनत कित्ती, तिन्हां सबना दे नां ज़िन्दगिया दिया कताबां च लिख्यो हन।