फिलिप्पियों 1:15 - काँगड़ी

¹⁵ एह़ सच्च ऐ कि कुच्छ लोक तां जल़ण कने झगड़े दिया बज़ाह ते मसीह दे सुसमाचारे दा प्रचार करदे हन, कने कुच्छ लोक अच्छे नेक इरादे नैं।

फिलिप्पियों 1:15 Cross References

मत्ती 23:5

सैह़ अपणे सारे कम्म लोकां जो दस्सणे तांई करदे हन, सैह़ पवित्रशास्त्रे दे वचन ताबीजां च लिखी नैं अपणे गल़े च कने हत्थां च पांदे हन, कने अपणे कपड़ेयां दे पल्लेयां जो लम्बा करदे हन।

प्रेरितां दे कम्म 10:36

“जेह्ड़ा वचन तिन्हीं इस्राएली लोकां अल्ल घल्लेया, जाह़लू कि तिन्हीं यीशु मसीह दिया बज़ाह ते (जेह्ड़ा सबना दा प्रभु ऐ) सांति दा सुसमाचार सणाया,

प्रेरितां दे कम्म 11:20

अपर तिन्हां च कुच्छ बसुआसी साइप्रस वासी कने कुरेनी थे, जेह्ड़े अन्ताकिया सैहरे च आई करी यूनानी लोकां च भी प्रभु यीशुये दा सुसमाचार सणाणा लग्गे।

प्रेरितां दे कम्म 5:42

सैह़ हर रोज मंदरे च कने घर-घर जाई नैं सिक्षा दैणा लग्गे, कने प्रेरित इसा गल्ला दा सुसमाचार सणाणे ते नीं रुके कि यीशु ई मसीह ऐ।

प्रेरितां दे कम्म 8:35

ताह़लू इसा गल्ला सुणी करी फिलिप्पुसैं ग्लाणा सुरू कित्ता, कने इसी पवित्रशास्त्रे दा सुरू ते तिसियो यीशुये दा सुसमाचार सणाया। ताह़लू खोजा इसा गल्ला जो समझेया, कने तिन्हीं यीशु मसीह पर बसुआस कित्ता।

प्रेरितां दे कम्म 8:5

कने फिलिप्पुस सामरिया प्रदेसे दे इक्की सैहरे च जाई करी लोकां जो मसीह दा प्रचार करणा लग्गा।

प्रेरितां दे कम्म 9:20

कने सैह़ तिसी बग्त दमिश्क सैहरे दे आराधनालयां च यीशुये दा प्रचार करणा लग्गा, कि यीशु ई परमात्मे दा पुत्तर ऐ।

रोमियो 2:8

अपर जेह्ड़े लोक सुवार्थी हन कने सच्च जो नीं मनदे अपर बुरे कम्मां जो करदे हन, तिन्हां पर परमात्मा अपणा गुस्सा कने कोप दस्सगा।

1 कुरिन्थियों 1:23

अपर अहां एह़ प्रचार करदे हन कि मसीह सूल़िया पर टूंगेया गेआ, कने मते यहूदी लोकां जो इसा गल्ला ते दिक्कत थी, कने होरनी जातिआं दे लोकां तांई एह़ मूर्खता दी गल्ल ऐ;

1 कुरिन्थियों 13:3

जे मैं अपणी सारी धन-दौलत गरीबां जो बंड्डी दैं, कने अपणा सरीर भस्म होणे तांई बलिदान करी दैं, कने दूयेयां नैं प्यार नीं रखैं, तां मिन्जो इसते कोई फायदा नीं।

2 कुरिन्थियों 1:19

क्जोकि परमात्मे दा पुत्तर यीशु मसीह जिसदा अहां दे जरिये मतलब मेरे कने सिलवानुस कने तीमुथियुसे दे जरिये तुहां बिच्च भी प्रचार होएया, तिस च “हाँ” कने “ना” दोयो नीं थे, अपर तिस च “हाँ” दी “हाँ” होई ऐ।

2 कुरिन्थियों 11:13

क्जोकि देहय् लोक झूठे प्रेरित, कने छले नैं कम्म करणे आल़े हन, कने मसीह दा प्रेरित होणे दा ढोंग करदे हन।

2 कुरिन्थियों 12:20

क्जोकि मिन्जो डर ऐ, कुत्थी इआं ना होयैं कि मैं आई नैं जिंआं चांह़दा ऐ, तिंआं तुहां जो नीं पां; कने मिन्जो भी जिंआं तुहां नीं चांह़दे तिंआं ई पान; कने तुहां च झगड़ा, जल़ण, गुस्सा, बरोध, नफरत, चुगली, घमंड कने बखेड़े होन।

2 कुरिन्थियों 4:5

क्जोकि अहां अपणे बारे च नीं, अपर यीशु मसीह दे बारे च प्रचार करदे हन, कि सैह़ प्रभु ऐ। कने तिसदे बारे च एह़ ग्लांदे हन, कि तिन्हीं अहां जो तुहां दे सेवक होणे तांई घल्लेया।

गलातियों 2:4

एह़ तिन्हां झूठे भाऊआं दिया बज़ाह ते होएया, जेह्ड़े चोरी छिपे अहां दिया मंडल़िया च आईयो थे, कि तिसा अजादिया दा जेह्ड़ी यीशु मसीह च अहां जो मिलियो ऐ, भेत लेई करी अहां जो दास बणान।

फिलिप्पियों 2:3

अपणे फायदे तांई कने घमंड नैं कुच्छ भी मत करा, अपर दीनता नैं इक्की दूये जो अपणे ते जादा अच्छा समझा।

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।