फिलिप्पियों 1:11 - काँगड़ी

¹¹ यीशु मसीह दे जरिये पैदा होणे आल़े धार्मिकता दे कम्मां नैं अपणे आप्पे जो भरी लेआ, जिसते परमात्मे दी महिमा कने स्तुति हुंदी रैंह्।

फिलिप्पियों 1:11 Cross References

मत्ती 5:16

तिंआं ई तुहां दी लौ माणुआं दे सामणै चमकी नैं सैह़ तुहां दे खरे कम्मां जो दिक्खी नैं तुहां दे पिता दी, जेह्ड़ा सुअर्गे च ऐ, तरीफ करन।”

यूहन्ना 15:16

तुहां मिन्जो नीं चुणेया अपर मैं तुहां जो चुणेया ऐ कने तुहां जो नियुक्त कित्या कि तुहां जाई नैं फल़ लेयोन कने तुहां दा फल़ बणी रैंह्, कि तुहां मेरे नांऐ ते जेह्ड़ा कुच्छ पिता ते मंगन, सैह़ तुहां जो दैं।

यूहन्ना 15:2

जेह्ड़ी डाल़ी मिन्जो नैं जुड़ियो ऐ कने फल़दी नीं ऐ, तिसा जो सैह़ बड्डी दिंदा ऐ, कने जेह्ड़ी फल़दी ऐ तिसा जो छांगदा ऐ तांजे होर जादा फल़ें।

यूहन्ना 15:8

मेरे पिता दी महिमा इसी ते हुंदी ऐ, कि तुहां मता सारा फल़ लेई करी ओन, ताह़लू तुहां मेरे चेले हुंगे।

रोमियो 15:28

इसतांई मैं एह़ कम्म पूरा करी नैं यरूशलेम सैहरे जो जांगा, कने जेह्ड़ा दान तिन्हां तांई किठ्ठा कित्या, तिसियो तिन्हां जो देई करी तुहां अल्ल हुंदा-हुंदा स्पेन देसे जो जांगा।

रोमियो 6:22

अपर हुण पापे ते अजाद होई नैं परमात्मे दे दास बणी नैं तुहां जो फायदा होएया जिसते पवित्रता हासल हुंदी ऐ, कने तिसदा नतीजा सदा दी ज़िन्दगी ऐ।

1 कुरिन्थियों 10:31

मेरा ग्लाणे दा मतलब एह़ ऐ, तुहां चाहे खा, चाहे पीआ, चाहे जेह्ड़ा कुच्छ करा, सब कुच्छ परमात्मे दिया महिमा तांई करा।

2 कुरिन्थियों 9:10

एह़ परमात्मा ई ऐ, जेह्ड़ा बाणे आल़े जो बीई कने खाणे तांई रोटी दिंदा ऐ, सैह़ तुहां जो बीई दिंगा, कने तिसियो फल़वन्त करगा, कने तुहां दे धार्मिकता दे फल़ां जो बधांगा।

इफिसियों 1:12

अहां यहूदी लोकां जिन्हां सबते पैहल्लैं मसीह च आस रखी, कने चुणे गै, तांजे अहां परमात्मे दी महिमा तांई स्तुति दी बज़ाह होन।

इफिसियों 1:14

जेह्ड़ा इक्क बयाना ऐ, कने सैह़ जमानत दिंदा ऐ कि परमात्मा अहां जो सैह़ विरासत दिंगा, जिसा जो दैणे दा तिन्हीं अहां नैं वादा कित्या ऐ, कने तिन्हीं अहां जो अपणे लोक होणे तांई खरीदी लेआ, कि तिसदी महिमा तांई स्तुति दी बज़ाह होन।

इफिसियों 2:10

क्जोकि अहां परमात्मे दे बणायो हन, कने यीशु मसीह च तिन्हां खरेयां कम्मां तांई बणायो हन जिन्हां जो परमात्मैं पैहल्ले ते अहां दे करणे तांई त्यार कित्यो।

इफिसियों 5:9

क्जोकि जे इक्क माणुये जोतिया च ऐ, तां तिसदा बर्ताब कने चाल-चलण खरा धर्मी कने भरोसे जोग्गा ऐ।

फिलिप्पियों 4:17

मैं एह़ नीं ग्लांदा ऐ, कि मेरी मदत पैसेयां नैं करा, अपर मैं ऐदेया फल़ चांह़दा ऐ, जेह्ड़ा तुहां दे फायदे तांई बधदा जां।

कुलुस्सियों 1:10

इस तरीके नैं तुहां प्रभु दे मताबक ज़िन्दगी जी करी सारियां गल्लां च तिसियो खुस करगे। कने हर किस्मां दे खरे कम्म करदे रैंह्गे कने परमात्मे दे ज्ञाने च फल़दे कने बधदे जांगे।

कुलुस्सियों 1:6

जेह्ड़ा तुहां अल्ल पुज्जा ऐ। एह़ सुसमाचार सारे संसारे च फैला दा ऐ, कने मते सारे लोक बसुआसे च ओआ दे हन। जिस दिने ते तुहां इसियो सुणेया तधैड़ी ते तुहां भी परमात्मे दे अनुग्रह जो समझे।

2 थिस्सलुनीकियों 1:12

इस तरीके नैं अहां दे प्रभु यीशु मसीह दा नां तुहां दे जरिये महिमा पां। कने तुहां तिसदे जरिये आदर पांगे। एह़ सब कुच्छ अहां दे परमात्मे कने यीशु मसीह दे अनुग्रह ते हुंगा।

तीतुस 3:14

कने अहां दे लोक भी जरूरतां जो पूरियां करणे तांई खरेयां कम्मां च लग्गी रैहणा सीखन, तांजे कुच्छ कम्माई सकन।

इब्रानियों 12:11

जाह़लू झिड़कां पोंदियां हन, ताह़लू झिड़कां खरियां नीं लगदियां हन, अपर मने च दुख हुंदा ऐ। अपर जेह्ड़ा झिड़कां दे जरिये सिक्षा पांदा ऐ, बादे च तिन्हां जो सांतिया नैं धार्मिकता दा इनाम मिलदा ऐ।

1 पतरस 2:12

जेह्ड़े लोक परमात्मे पर बसुआस नीं करदे, सैह़ तुहां जो एह़ ग्लाई नैं बदनाम करी सकदे हन, कि तुहां गलत करा दे हन, अपर तुहां ऐदई ज़िन्दगी जीआ, जिसते सैह़ तुहां च खरियां गल्लां दिक्खन, कने जाह़लू प्रभु यीशु मसीह इस संसारे च बापस ओंगा, तां सैह़ ताह़लू परमात्मे जो महिमा दैन।

1 पतरस 2:5

तुहां भी जिन्दे पत्थरां साइआं हन, जिन्हां दा आत्मिक घर बणाणे तांई इस्तेमाल होआ दा ऐ। तुहां पवित्र याजकां दा समाज भी हन, कने प्रभु यीशु मसीह दिया मदता नैं ऐदेय बलिदान चढ़ांगे, जेह्ड़े परमात्मे जो खुस करदे हन।

1 पतरस 2:9

अपर तुहां इन्हां साइआं नीं हन, क्जोकि तुहां इक्क चुणेया वंश, साही परवार, याजकां दा समाज, पवित्र लोक, कने परमात्मे दे खास लोक हन, क्जोकि तिन्हीं तुहां जो नेहरे ते सद्दी करी जोतिया च लंदेया ऐ, तांजे तुहां परमात्मे दे म्हान कम्मां जो दस्सी सकन।

1 पतरस 4:14

भिरी जे यीशु मसीह दे नांऐ तांई तुहां दी निंदा कित्ती जांदी ऐ तां परमात्मा तुहां ते खुस हुंदा ऐ, क्जोकि तिसदी महिमा नैं भरोईयो आत्मा तुहां च रैंह्दी ऐ।