फिलिप्पियों 1:1 - काँगड़ी

¹ मैं पौलुस कने तीमुथियुस जेह्ड़े यीशु मसीह दे दास हन, अहां दिया तरफा ते एह़ चिठ्ठी परमात्मे सारे पवित्र लोकां दे नां पर, कने स्याणेयां कने सेवकां जो जेह्ड़े यीशु मसीह च होई नैं फिलिप्पी सैहरे च रैंह्दे हन, लिखदा ऐ।

फिलिप्पियों 1:1 Cross References

मरकुस 13:34

एह़ बग्त तिस माणुये साइआं ऐ, जेह्ड़ा परदेस जांदे बग्त अपणा घरबार छड्डी जां, कने अपणे दासां जो हक्क दे, कने हर इक्क जो तिसदा कम्म दस्सी दैं, कने चौंकीदारे जो जागदे रैहणे दा हुक्म दैं।

यूहन्ना 12:26

जे कोई मेरी सेवा करणा चां, तां सैह़ मेरा चेला बणैं; कने जित्थु मैं ऐ, तित्थु मेरा चेला भी हुंगा। जे कोई मेरी सेवा करैं, तां पिता तिसदा आदर करगा।

प्रेरितां दे कम्म 1:20

पतरसैं एह़ भी ग्लाया, कि दाऊदैं अपणी भजन संहिता दिया कताबा च लिख्या ऐ, ‘तिसदा घर उजड़ी जां, कने तिस च कोई ना बसें’ कने दाऊदैं एह़ भी ग्लाया, कने ‘तिसदी पदवी कोई दूआ लेई लैं।’

प्रेरितां दे कम्म 20:28

इसतांई अपणी कने अपणे पूरे झुंडे दी चौकसी रखा जिस च पवित्र आत्मा तुहां जो अधिकारी बणाया ऐ, कि तुहां परमात्मे दिया कलीसिया दी रखवाल़ी करन, जिसियो तिन्हीं अपणे खूने नैं खरीदी लेआ ऐ।

प्रेरितां दे कम्म 9:13

हनन्याह जवाब दित्ता, “हे प्रभु मैं इस माणुये दे बारे च मतेआं ते सुणेया ऐ कि इन्हीं यरूशलेम सैहरे च तेरे पवित्र लोकां सौगी बड़ा बुरा कित्या ऐ।

रोमियो 1:1

मैं पौलुस इसा चिठ्ठिया लिखा दा ऐ, जेह्ड़ा यीशु मसीह दा दास ऐ, कने प्रेरित होणे तांई परमात्मे दे जरिये चुणेया ऐ, कने तिस सुसमाचारे दा प्रचार करणे तांई लग्ग कित्या ऐ, जेह्ड़ा परमात्मे दे पास्से ते ऐ।

रोमियो 1:7

एह़ चिठ्ठी रोम सैहरे दे तिन्हां सारेयां दे नां पर ऐ, जेह्ड़े परमात्मे दे प्यारे हन, कने पवित्र लोक होणे तांई सद्देयो हन, मैं प्रार्थना करदा ऐ, कि अहां दे पिता परमात्मा कने प्रभु यीशु मसीह दे पास्से ते तुहां जो अनुग्रह कने सांति मिलदी रैंह्।

1 कुरिन्थियों 16:10

जे तीमुथियुस आई जां, तां तिसदी खरे कित्ते आदर-खातर करनेयों। क्जोकि सैह़ मिन्जो साइआं प्रभु दे कम्म करदा ऐ।

2 कुरिन्थियों 1:1

एह़ चिठ्ठी पौलुस कने अहां दे भाऊ तीमुथियुसे दे पास्से ते ऐ। मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ। मैं एह़ चिठ्ठी परमात्मे दी तिसा कलीसिया दे नांऐ पर लिखा दा ऐ, जेह्ड़ी कुरिन्थुस सैहरे च ऐ, कने परमात्मे दे सारे पवित्र लोकां दे नांऐ पर जेह्ड़े अखाया प्रदेसे च रैंह्दे हन:

गलातियों 1:10

हुण मैं माणुआं जो नीं अपर परमात्मे जो खुस करणे दी कोसस करदा ऐ, मैं माणुआं जो खुस करणे दी कोसस नीं करदा ऐ। जे मैं हुण तिकर माणुआं जो खुस करा दा हुंदा, तां मसीह दा दास नीं हुंदा।

गलातियों 3:26

क्जोकि तुहां सारे तिस बसुआसे दिया बज़ाह ते जेह्ड़ा यीशु मसीह पर ऐ, परमात्मे दी औलाद हन।

गलातियों 3:28

मसीह च हुण यहूदी कने यूनानी लोकां च कोई फर्क नीं; कने ना कोई दास च ना कोई अजाद च; ना कोई मर्दे च ना कोई जणासा च, क्जोकि तुहां सारे यीशु मसीह च इक्क हन।

इफिसियों 1:1

मैं पौलुस जेह्ड़ा परमात्मे दिया इच्छा ते यीशु मसीह दा इक्क प्रेरित ऐ, मैं एह़ चिठ्ठी इफिसुस सैहरे च रैहणे आल़े पवित्र कने यीशु च बसुआस करणे आल़े लोकां दे नांऐ पर लिखदा ऐ।

इफिसियों 1:15

इसा बज़ाह ते, जाह़लू ते मैं प्रभु यीशु पर तुहां दे बसुआसे कने परमात्मे दे सारे लोकां तांई तुहां दे प्यारे दे बारे च समाचार सुणी नैं,

इफिसियों 6:24

जेह्ड़े अहां दे प्रभु यीशु मसीह नैं सच्चा प्यार रखदे हन, तिन्हां सबना पर अनुग्रह हुंदा रैंह्।

फिलिप्पियों 2:19

मिन्जो प्रभु यीशु च आसा ऐ कि मैं तीमुथियुसे जो तुहां अल्ल तौल़ी घल्लगा, तांजे तुहां दी हालत सुणी नैं मेरा हौंसला बधें।

फिलिप्पियों 2:5

जिंआं यीशु मसीह दा सभाव था तिंआं ई तुहां दा सभाव भी इक्की दूये नैं होयैं;

फिलिप्पियों 3:12

एह़ मतलब नीं कि मैं इन्हां सारी चीज्जां जो पैहल्ले ते पाई चुकेया ऐ, या सिद्ध होई चुकेया ऐ। अपर मैं तिसा चीज्जा जो पाणे तांई गांह बधदा जा दा ऐ, तांजे मैं सिद्ध होई जां। जिस तांई यीशु मसीयैं मिन्जो चुणेया था,

फिलिप्पियों 3:3

क्जोकि परमात्मे दे सच्चे लोक अहां ई हन, जेह्ड़े परमात्मे दिया आत्मा च होई नैं अराधना करदे हन, कने यीशु मसीह पर घमंड करदे हन, कने सरीरे दे कम्मां पर भरोसा नीं रखदे।

फिलिप्पियों 3:8

अपर तिसते भी बधी करी मैं अपणे प्रभु यीशु मसीह जो जाणने दी जरूरता दे सामणै सारियां गल्लां जो बेकार समझदा ऐ। जिसदिया बज़ाह ते मैं सारियां चीज्जां दा नकसान झेलेया, कने तिन्हां जो कूड़ा समझदा ऐ, जिसते मैं मसीह जो जाणी सकैं।

1 थिस्सलुनीकियों 1:1

मैं पौलुस कने सिलवानुस कने तीमुथियुस अहां थिस्सलुनीकियों दी कलीसिया जो एह़ चिठ्ठी लिखदे हन, जेह्ड़े पिता परमात्मे कने यीशु मसीह च हन: मैं प्रार्थना करदा ऐ, कि तुहां जो अनुग्रह कने सांति मिलदी रैंह्।

1 थिस्सलुनीकियों 2:2

जिंआं तुहां अप्पु ई जाणदे हन, कि पैहल्ले अहां फिलिप्पी सैहरे च दुख झेलेया कने बुरा बर्ताब होणे दे बाद भी परमात्मैं अहां जो इतणी हिम्मत दित्ती, कि अहां परमात्मे दा सुसमाचार तुहां दे लाक्के च भारी बरोध दे होणे दे बावजूद भी तुहां जो सणाई सकन।

2 थिस्सलुनीकियों 1:1

मैं पौलुस, सिलवानुस कने तीमुथियुस अहां थिस्सलुनीकियों दी कलीसिया जो एह़ चिठ्ठी लिखदे हन, जेह्ड़े पिता परमात्मे कने यीशु मसीह च हन।

2 थिस्सलुनीकियों 1:10

एह़ तिस दिन हुंगा, जाह़लू यीशु मसीह अपणे लोकां च महिमा पाणे, कने सारे लोक जेह्ड़े तिस पर बसुआस करदे हन; तिन्हां ते आदर पाणे तांई ओंगा। तुहां भी तिन्हां च सामिल हुंगे, क्जोकि तुहां तिस सुसमाचारे पर बसुआस कित्ता, जेह्ड़ा अहां तुहां जो तिसदे बारे च दस्सेया था।

1 तीमुथियुस 1:2

मैं तुहां जो एह़ चिठ्ठी तीमुथियुसे दे नांऐ पर लिखा दा ऐ, जेह्ड़ा मिन्जो तांई मेरे जागते साइआं ऐ। क्जोकि तिन्हीं भी मिन्जो साइआं यीशु मसीह पर बसुआस कित्ता, मैं प्रार्थना करदा ऐ, कि पिता परमात्मे कने अहां दे प्रभु यीशु मसीह ते तिज्जो अनुग्रह, दया कने सांति मिलदी रैंह्।

1 तीमुथियुस 3:8

तिंआं ई कलीसिया दे सेवक भी इज्जतदार कने ईमानदार होणे चाइदे, कने सैह़ पियक्कड़ कने नीच कमाईया दे लालची ना होन।

तीतुस 1:1

मैं पौलुस जेह्ड़ा परमात्मे दा दास कने यीशु मसीह दा प्रेरित ऐ, तुहां जो एह़ चिठ्ठी लिखा दा ऐ। मैं परमात्मे दे चुणेयो लोकां दे बसुआसे जो मजबूत करणे तांई चुणेया ऐ, कने तिन्हां दी मदत करणे तांई तांजे सैह़ तिसा सच्चाईया जो जाणी करी ऐदई ज़िन्दगी जीन, जिसते परमात्मा खुस हुंदा ऐ।

तीतुस 1:7

क्जोकि अगुआ परमात्मे दा भण्डारी होणे दिया बज़ाह ते बेकसूर होणा चाइदा; ना जिद्द करणे आल़ा, ना गुस्सा करणे आल़ा, ना पियक्कड़, ना मारपीट करणे आल़ा, कने ना नीच कमाईया दा लालची होयैं,

फिलेमोन 1:1

मैं पौलुस जेह्ड़ा यीशु मसीह दी सेवा करणे दिया बज़ाह ते जेला च कैद ऐ, कने भाऊ तीमुथियुसे दिया तरफा ते अहां दे प्यारे साथी फिलेमोन,

इब्रानियों 13:23

तुहां जो एह़ याद ऐ, कि तीमुथियुस, अहां दा भाऊ जेला ते छुटी गेआ ऐ, कने जे सैह़ तौल़ी आई गेआ, तां मैं तिस सौगी तुहां नैं मिलणा ओंगा।

याकूब 1:1

मैं याकूब जेह्ड़ा परमात्मे दा कने प्रभु यीशु मसीह दा दास एह़ चिठ्ठी तिन्हां बारांह गोत्रां जो लिखदा ऐ, जेह्ड़े संसारे च तितर-बितर होई नैं रैंह्दे हन, मेरा तिन्हां जो नमस्कार।

1 पतरस 2:25

तुहां पैहल्लैं भटकियां भेड्डां साइआं गलत रस्ते पर जा दे थे, अपर हुण तुहां मसीह दे पास्से बापस आई गियो हन, जेह्ड़ा तुहां दा गुआल़ा कने रखवाल़ा ऐ, कने तुहां दी देखभाल करदा कने तुहां पर अपणी नजर रखदा ऐ।

2 पतरस 1:1

मैं शमौन पतरस जेह्ड़ा यीशु मसीह दा दास कने प्रेरित ऐ। मैं एह़ चिठ्ठी तिन्हां लोकां दे नांऐ पर लिखा दा ऐ, जिन्हां अहां दे परमात्मे कने उद्धार करणे आल़े यीशु मसीह दी धार्मिकता दे जरिये अहां साइआं कीमती बसुआस हासल कित्या ऐ।

यहूदा 1:1

मैं यहूदा जेह्ड़ा यीशु मसीह दा दास कने याकूबे दा लोक्का भाऊ ऐ, मैं एह़ चिठ्ठी तिन्हां लोकां दे नांऐ पर लिखा दा ऐ, जेह्ड़े परमात्मे दे जरिये तिस च बसुआस करणे तांई सद्देयो हन। अहां दा पिता परमात्मा तुहां नैं प्यार करदा ऐ कने यीशु मसीह दे जरिये तुहां जो बचांदा ऐ।

प्रकाशितवाक्य 1:1

एह़ कताब तिन्हां गल्लां दे बारे च दस्सदी ऐ, जेह्ड़ियां परमात्मैं यीशु मसीह जो दस्सियां, तांजे सैह़ इन्हां गल्लां जो अपणेयां दासां जो दस्सी सकैं, जिन्हां दा बड़ी तौल़ी होणा जरूरी ऐ: कने यीशुयैं एह़ संदेस अपणे सुअर्गदूते जो घल्ली करी तिसदे जरिये अपणे दास यूहन्ने जो दस्सेया,

प्रकाशितवाक्य 1:20

जेह्ड़े सत तारे तैं मेरे सज्जे हत्थे च दिक्खे, सैह़ तारे सत्तां कलीसियां दे सुअर्गदूत हन, कने सैह़ सत सोन्ने दे दीपदान सत कलीसियां हन।”

प्रकाशितवाक्य 19:10

ताह़लू मैं तिसदी अराधना करणे तांई तिसदे पैरां पेई गेआ। तिन्हीं मिन्जो ग्लाया, “दिक्ख, इआं मत कर, मैं तेरा कने तेरे भाऊआं दा संगी दास ऐ जेह्ड़े यीशुये दे गवाह पक्के हन। परमात्मे दी अराधना कर। क्जोकि यीशु दी गवाही भविष्यवाणी दी आत्मा ऐ।”

प्रकाशितवाक्य 2:12

भिरी तिन्हीं मिन्जो नैं एह़ भी ग्लाया, कि “पिरगमुन सैहरे दी कलीसिया दे सुअर्गदूते जो एह़ लिख: मैं सैई ऐ जिस अल्ल दूँ धारां आल़ी तलवार ऐ, तिसदा ग्लाणा ऐई ऐ:

प्रकाशितवाक्य 2:8

भिरी तिन्हीं मिन्जो नैं एह़ भी ग्लाया, कि “स्मुरना सैहरे दी कलीसिया दे सुअर्गदूत जो एह़ लिख: मैं जेह्ड़ा पैहल्ला कने आखरी ऐ, इक्क बग्त था जाह़लू मैं मरी गेआ था, अपर हुण मैं जिन्दा ऐ, तिसदा ग्लाणा ऐई ऐ:

प्रकाशितवाक्य 22:9

अपर तिन्हीं मिन्जो नैं ग्लाया, “दिक्ख इआं मत कर; क्जोकि मैं तेरा, कने तेरे भाऊ भविष्यवक्ता कने इसा कताबा दियां गल्लां जो मन्नणे आल़ेआं दा संगी दास ऐ। परमात्मे दी ई अराधना कर।”