फीलीप्‍पी 4:5 - पश्‍चिम तामाङ

⁵ एङ्‍यीमाचे जम्‍मतेङ्‍नो स्‍य्‍हेङ्‌बे ज्‍यबे ब्‍यबहार् जम्‍मनो म्‍हीमाचे स्‍येःखइ। प्रभु ग्‍योनेनो ब्‍योन्‍खजेत्‍स्‍ये मुब।

फीलीप्‍पी 4:5 Cross References

मत्‍ती 6:25

“होत्‍तज्‍यीम् ङ एङ्‌यीमात पङ्‍ब, र्‌हङ्‌की ल्‍हीकी लागीरी ता चल, ता थुङ्‍ल ओसेम् ता येन्‍ल पङ्‍ज्‍यीम् थछेरो। तलेपङ्‍सम् चब थुङ्‌बतेङ् येन्‍बे येन् बीमम् म्‍हीइ जीवन ङ्‍हच्‍छ्‍यङ् अय्‍हीनो स्‍यीम्?

मत्‍ती 6:34

होत्‍तज्‍यीम् न्‍हम्‍स्‍य्‍होइ लागीरी थछेरो। न्‍हम्‍स्‍य्‍होइ लागीरी न्‍हम्‍स्‍य्‍होइ दुखनो योस्‍ये मुब। तीङ्‍यीइ लागीरी तीङ्‍यीइ दुखनो योबल मुबल।”

लुका 21:34

“होसीयार् तज्‍यीम् टीउ, य्‍हक्‍को चबथुङ्‌ब लज्‍यीम् ङ्‌य्‍हेज्‍यीम् थब्रउ। ओसेम् चु जीवनकी लागीरी थछेरो, अय्‍हीन् पङ्‌सम् एङ्‌यीमाइ सेम् न्‍होङ्‌स्‍ये मुब। ओसेम्, हुजु दीन्‍री एङ्‌यीमा तीक्‍कुरीनो वरी स्‍यप्‍प र्‌हङ्‌ले स्‍यप्‍स्‍ये मुब।

१ कोरीन्‍थी 16:22

खल्‍चे पङ्‌लेनो प्रभुत अम्‍होइज्‍यी पङ्‌सम् थेत पर्‌मेस्‍वर्‌की केम्‍लङ् फोःखइ। ओ प्रभु, ब्‍योन्‍युजेतो।

१ कोरीन्‍थी 6:7

एङ्‌यीमा र्‌हङ्‌न्‍हङ्‌रीनो गीःचे गीःकी बीरुद्‍दरी अदालत्‍री मुद्‍द युःबनो एङ्‍यीमा ब्रेःब य्‍हीन्‍ब। बरु एङ्‍यीमाचे अन्‍याय नापनो ज्‍यब य्‍हीन्‍ब। बरु ल्‍होल्‍होचे एङ्‍यीमात ठक्‍तीबनो ज्‍यब य्‍हीन्‍ब।

१ कोरीन्‍थी 8:13

होत्‍तज्‍यीम् ङचे चबे चबचे ङइ बीस्‍वासी र्‌होमात पाप् स्‍य्‍हेङ्‍नलब पङ्‌सम् ङ थेमाइ सेम् अन्‍होङ्‍बे लागीरी ङचे दोज्‍यीम् खेमेएनो ख्‍लत पीन्‍बे स्‍य चस्‍ये अरे।

१ कोरीन्‍थी 9:25

छ्‍योङ्‍बरी बो कीन्‍बे म्‍हीमाचे र्‌हङ्‍की ल्‍ही:त ज्‍यनले दुल्‍ब। थेङ्‍यीमाचेम् नास् तज्‍यीम् य्‍हर्‌बे पुरस्‍कार् यङ्‍बरी होले स्‍य्‍हेङ्‍ब, तर ङ्‍य्‍हङ्‍मामी खेमेएनो नास् अतबे पुरस्‍कार् यङ्‍बे लागीरी चोले स्‍य्‍हेङ्‍ब।

२ कोरीन्‍थी 10:1

एङ्‌यीमान्‍हङ्‍की डेत्‍डेत् म्‍हीमाचे पङ्‍ब, एङ्‌यीमाकी ङ्‍होन्‍सङ् ङ नम्र तब, तर एङ्‌यीमा ग्‍यम्‍से थारीङ् तबतेङ्मी कठोर् तब। देरेम्, ङ पावलचेनो एङ्‌यीमात ख्रीस्‍ट्‍की नम्रतेङ् दय ग्‍यम्‍से फ्‍या लज्‍यीम् पङ्‍ब,

२ थेस्‍लोनीकी 2:2

एङ्‌यीमात खल्‍चे पङ्‌लेनो प्रभु ब्‍योन्‍युबे दीन् खबल मुब बी ङ्‌यीमाचे र्‌हङ्‌ले अगम्बानी ग्‍यम्‍से पङ्‌लेनो, प्रचार ग्‍यम्‍से पङ्‌लेनो, चीठी ग्‍यम्‍से पङ्‌लेनो एङ्‍यीमा थलोङो ओसेम् थथोमो।

तीतस 3:2

थेङ्‍यीमाचे खेमेएनो खलइ बारेरीएनो अज्‍यबे तङ्‍मेन् लब अत ओसेम् छेत्‍प ब्‍लीङ्‍बएनो अत बरु ज्‍यबे सेम् थोज्‍यीम् जम्‍मतनो ज्‍यबे ब्‍यबहार् ङोन्‍थोःब।

हीब्रु 10:25

गदे म्‍हीमालमी सङ्‍गतीरी अङ्‍यीबे बानी तब, तर ङ्‍हय्‍ङ्‍माचेमी तीच्‍छङ् र्‌हुब् तब पीत्‍प अत। एङ्‍यीमाचेमी प्रभुइ दीन् ज्‍यदङ् खटीबल म्रङ्‌बल तज्‍यीम् गीःचे गीःत झेन् आर् पीनो।

हीब्रु 10:37

तलेपङ्‍सम् धर्‌म छ्‌येःरी पर्‌मेस्‍वर्‌चे चोले सुङ्‌बल मुब, “य्‍हम्‍बगीरीनो युस्‍येलमी युस्‍येनो मुब, ओसेम् थे गेःस्‍ये अरे।”

१ पत्रुस 1:11

थेङ्‍यीमान्‍हङ् मुबे ख्रीस्‍ट्‍की आत्‍माचे थेङ्‍यीमात ख्रीस्‍ट्‍चे दुख नाजेत्‍स्‍ये मुब, ओसेम् हुजु लीप्‍चे ङ्‍हच्‍छ्‍यङ् महीमा यङ्‍जेत्‍स्‍ये मुब बी ङोन्‍नो पङ्‍ज्‍यीन्‍बल मुबल। होत्‍तज्‍यीम् अगम्‍बक्‍तमाचे चु खले ओसेम् खेम तब पङ्‍ज्‍यीम् स्‍येःब म्‍हइज्‍यी।

१ पत्रुस 4:7

जम्‍बुलीङ्‌की जम्‍मनो स्‍हेमा बेबे बेलो ज्‍यतङ् खबल मुब। होलेतज्‍यीम् एङ्‍यीमा प्रार्‌थनाकी लागीरी सेम् दुल्‍ज्‍यीम् चोङ्‍ले टीउ।

प्रकास 22:20

चु तम्‍की गवाही न्‍हङ्‍बलचे सुङ्‍जेत्‍प, “देमेन्‍नो, ङ ग्‍योने युटीब।” आमेन्। ब्‍योन्युजेतो, ओ प्रभु येसु!

प्रकास 22:7

ओसेम् येसुचे सुङ्‌ज्‍यी, “च्‍यागो, ङ ग्‍योनेनो युटीब मुब। चु छयेःरी ब्रीबे अगम्‍बानीइ तम्‍मा ङ्‌येन्‍ज्‍यीम् ब्रबलमा मोलम् यङ्‍बलमा य्‍हीन्‍ब।”