4 प्रभुरी खेम पङ्लेनो तङो। ङ देबेएनो पङ्ब, तङो!
हुजु बेलोरी एङ्यीमा य्हक्को तङो, तलेपङ्सम् स्वर्गरी एङ्यीमाकी लागीरी ङ्हच्छ्यङ् बक्सीस् मुब। तलेपङ्सम् दङ्बोइ अगम्बक्तमातएनो चोलेनो दुख पीन्बल मुबल।
म्हुन गुङ्री पावलतेङ् सीलास प्रार्थना स्य्हेङ्ज्यीम् पर्मेस्वर्की व्हइ कोज्यीम् पर्मेस्वर्त तोप्टीबल मुबल। ओसेम् जेल्री च्युप्पे ल्हो-ल्हो म्हीमामी ङ्येन्टीब मुबल।
ओसेम् प्रेरीतमा ङ्हच्छ्यङ् सभा ग्यम्से तङ्-तङ्ज्यीम् “पर्मेस्वर्चे ङ्य्हङ्मात येसुइ छेन्री दुख नाबरी जेःनलजेत्ज्यी” पङ्ज्यीम् डोङ्य्हर्ज्यी।
एङ्यीमातेङ् मुबे आसारी आनन्द लउ, दुखइ बेलोरी नाको, ओसेम् प्रार्थना स्य्हेङ्स्यीनो टीउ।
ङ्यीमा य्हक्को छेर्लेनो तङ्बल मुब। ङ्यीमा प्रङ्न मुलेएनो य्हक्को म्हीमात बीस्वास्री बरु तनलब। ङ्यीमातेङ् तएनो अरेबेल र्हङ्ब म्रङ्लेएनो ङ्यीमातेङ् जम्म स्हेःमा मुब।
ओसेम् ङ्यीमाचे प्रचार् स्य्हेङ्बे ज्यबे सम्तर् बीम ल्हो-ल्हो ज्यबे सम्तर् खल्चे पङ्लेनो प्रचार् स्य्हेङ्सम् हुजु ङ्यीमा वुइ स्वर्ग ग्यम्से युबे स्वर्गदुत्नो य्हीन्लेनो थेत केम्लङ् फोःखइ।
होलेनो एङ्यीमाएनो ङतेङ् य्हक्को तङ्थोब।
ज्युरी बीस्वासी र्होमा, एङ्यीमा तङो, तलेपङ्सम् प्रभु एङ्यीमातेङ् मुब। एङ्यीमात ब्रीज्यीन्बे तम् देबेएनो दोःज्यीम् ब्रीबरी ङ नर्सु अल, चुचे एङ्यीमाकी बीस्वास्त जोगइतीब।
तर ख्रीस्ट्चे नाजेत्पे दुख जुज्यीम् एङ्यीमाचेएनो नाम्यङ्बल मुब पङ्ज्यीम् य्हक्को तङो। तलेपङ्सम् थेङ्की ङ्हच्छ्यङ् महीमा म्रङ्खबतेङ् एङ्यीमा तङ्म्यङ्ल।
