फीलीप्‍पी 3:6 - पश्‍चिम तामाङ

⁶ ङ य्‍हक्‍को जोस् लज्‍यीम् मन्‍डलीत दुख पीन्‍बे म्‍ही मुबल। धार्‌मीक्‍ताकी तम् पङ्‍थोसम् मोसाचे ब्रीबे नीयम् ङ्‍येन्‍बरीमी ङ दोस् अरेबे म्‍ही मुबल।

फीलीप्‍पी 3:6 Cross References

मत्‍ती 23:25

“धीक्‍कार एङ्‌यी धर्‌म लोप्‍पोन्‍मातेङ् फरीसीमा! एङ्‍यीमा कपटीमा य्‍हीन्‍ब। तलेपङ्‍सम् एङ्‍यीमाचे तङ्‍लोमा पगचेकीनो ज्‍यनले म्‍यप्‍प, तर न्‍हङ्‍पट्‍टीचेम् एङ्‍यीमा लोभतेङ् ठक्‍तीबचे प्‍लीङ्‍बल मुब।

मत्‍ती 5:20

होत्‍तज्‍यीम् ङ एङ्‌यीमात पङ्‍ब, पर्‌मेस्‍वर्‌चे कुल्‍जेत्‍पे अर्‌तीमा धर्‌म लोप्‍पोन्‍मातेङ् फरीसीमाचे बीम य्‍हक्‍को ज्‍यनले अङ्‍येन्‍सम् एङ्‍यीमा खेमेनो स्‍वर्‌गइ य्‍हुल्‍री वङ्‍स्‍ये अरे।

लुका 1:6

थेङ्‌य्‍हीनो पर्‌मेस्‍वर्‌की ङोन्‍ग्‍यम् धर्‌मी मुबल। ओसेम् परमप्रभुचे कुल्‍जेत्‍पे जम्‍मा अर्‌तीतेङ् नीयम्‍मा ज्‍यनले ङ्‌येन्‍ज्‍यीम् ब्रब मुबल।

प्रेरीत् 21:20

पावलचे चोले पङ्‍बल थेङ्‍यीमाचे थ्‍येःब बीसेम् पर्‌मेस्‍वर्‌त तोप्‍ज्‍यी। हुजु लीप्‍चे थेङ्‍यीमाचे पावलत, “एचे म्रङ्‌बलनो मुब, चुरीएनो हजार-हजार यहुदीमाचे येसुत बीस्‍वास् स्‍य्‍हेङ्‌बल मुब। ओसेम् थेङ्‍यीमाचे मोसाचे ब्रीबे नीयम्‍माएनो ज्‍यनले ङ्‌येन्‍ज्‍यीम् ब्रटीब मुब।

प्रेरीत् 22:5

गोदोब्‍न्‍हङ्‍की ङ्‍हच्‍छ्‍यङ् लम्‍बुतेङ् जम्‍म सभाचेएनो चु लक् ङचे स्‍य्‍हेङ्‌बल य्‍हीन्‍ब बी पङ्‍ब खम्‍ब। ङत एङ्‌यीमाचेनो दमस्‍कस्‍री मुबे यहुदी अज्‍यो-अलेमाकी मीन्‍री पत्र न्‍हङ्‌ज्‍यी। ओसेम् अधीकार् यङ्‌ज्‍यीम् हुजु ग्‍लाकी बीस्‍वासीमात चुङ्‌ज्‍यीम् खीःज्‍यीम् यरुसलेमरी बज्‍यीम् सजाय पीन्‍बरी ङ दमस्‍कस्‍री ङ्‌यीबल मुबल।

प्रेरीत् 26:5

ङोन्‍ग्‍यम् ङ फारीसी पङ्‍बे कोङ्‌बे धार्‌मीक् समुहरी टीज्‍यीम् कोङ्‌बे पेठीम् म्‍हन्‍दीज्‍यीम् ब्रब मुबल। थेङ्‍यीमाचे पङ्‌बे सेम् लसम् चु तम्‍मी थेङ्‌यीमाचेएनो पङ्‍खम्‍ब।

प्रेरीत् 8:3

तर साऊलचेमी मन्डलीमात नास् लब छ्‍येटीब मुबल। ओसेम् दीम्-दीम्‍री वङ्‌ज्‍यीम् अपकोलतेङ् अमकोलमा जम्‍मतनो इज्‍यीम् डुत्‍पोर्‌ज्‍यीम् जेलन्‍हङ् च्‍युप्‍लाब मुबल।

रोमी 7:9

ङोन्‍ग्‍यम् ङ मोसाचे ब्रीबे पर्‌मेस्‍वर्‌की नीयम् अरेबे बेलोरी ङ सोबल मुबल, तर मोसाचे ब्रीबे पर्‌मेस्‍वर्‌की नीयम् यङ्‍ब साच्‍चेनो ङचे पाप् स्‍य्‍हेङ्‍टीबल टीम् बी स्‍येज्‍यी,

१ कोरीन्‍थी 10:32

एङ्‍यीमाचे यहुदीमा य्‍हीन्‍लेनो, यहुदी अय्‍हीन्‍बे म्‍हीमा य्‍हीन्‍लेनो, ओसेम् पर्‌मेस्‍वर्‌की मन्‍डली य्‍हीन्‍लेनो खल्‍तएनो न्‍होङ्‍नलबे लक् थस्‍हेङो।

१ कोरीन्‍थी 15:9

तलेपङ्‍सम् प्रेरीत्‍मान्‍हङ्‍री गोदोब्‍न्‍हङ् ज्‍यीद ङ य्‍हीन्‍ब। ङ प्रेरीत् पङ्‌बरी जेःबल अरे, तलेपङ्‍सम् ङचे पर्‌मेस्‍वर्‌की मन्‍डलीत य्‍हक्‍को दुख पीन्‍ज्‍यी।

फीलीप्‍पी 2:15

ओसेम् एङ्‍यीमा भ्रस्‍टतेङ् पापी म्‍हीमाकी गुङ्‍री दोस् अरेबतेङ्‍ सुद्‍द पर्‌मेस्‍वर्‌की ज जमे तस्‍ये मुब। एङ्‍यीमा जम्‍बुलीङ्‌री थेङ्‍यीमाकी गुङ्‍री मुरी सार्‌मा सर्‌ब र्‌हङ्‌ले सर्‌स्‍ये मुब।

फीलीप्‍पी 3:9

ओसेम् ङ थेङ्‍तेङ् गीः तबल मुब। मोसाचे ब्रीबे नीयम् ङ्‌येन्‍ज्‍यीम् ङ परमेस्‍वरकी ङोन्‍ग्‍यम् धर्‌मी तअखम्, तर देरेम् ङइ धार्‌मीक्‍ता ख्रीष्‍ट्‍री बीस्‍वास् स्‍य्‍हेङ्‍बल तज्‍यीम् तब। ओसेम् पर्‌मेस्‍वर् ग्‍यम्‍से खबे धार्‌मीक्‍तामी बीस्‍वास्‍री भर् तब।

१ तीमोथी 1:13

य्‍हीन्‍बरीम् ङोन्‍ग्‍यम् ङचे थेङ्‌की नीन्‍द स्‍य्‍हेङ्‌ज्‍यीम् थेङ्‌की म्‍हीमात दुख पीन्‍बल मुबल, ओसेम् थेङ्‍यीमात पेत्‍नलबल मुबल। तर हुजु ङचे अस्‍येन, ओसेम् ङइ बीस्‍वास् अरेननो स्‍य्‍हेङ्‍बल तज्‍यीम् ख्रीस्‍ट्‍चे ङत दय स्‍य्‍हेङ्‍जेत्‍ज्‍यी।