फीलीप्‍पी 3:3 - पश्‍चिम तामाङ

³ तलेपङ्‍सम् पर्‌मेस्‍वर्‌त थेङ्‍की पबीत्र आत्‍मा ग्‍यम्‍से तेन्‍बे, ओसेम् येसु ख्रीस्‍ट्‍चे ङ्‍य्‍हङ्‍माकी लागीरी स्‍य्‍हेङ्‍जेत्‍पे लक्‍की लागीरी गर्‌ब स्‍य्‍हेङ्‌बे, ओसेम् ल्‍हीःरी भर् अस्‍य्‍हेङ्‌बे देमेन्‍की खतना ङ्‍य्‍हङ्‍मानो य्‍हीन्‍ब।

फीलीप्‍पी 3:3 Cross References

रोमी 1:9

ङ ङइ सेम् य्‍हङ्‌सेनो पर्‌मेस्‍वर्‌की जइ ज्‍यबे सम्‍तर् स्‍येत्‍ज्‍यीम् पर्‌मेस्‍वर्‌की सेव स्‍य्‍हेङ्‍ब, ओसेम् ङचे एङ्‍यीमात खले ङइ प्रार्‌थनारी खेम पङ्‌लेनो व्‍हल् स्‍य्‍हेङ्‍ब पङ्‍ज्‍यीम् पर्‌मेस्‍वर् ङइ साक्षी मुब।

रोमी 15:17

होत्‍तज्‍यीम् पर्‌मेस्‍वर्‌की लागीरी येसु ख्रीस्‍ट्‍तेङ् गीः तज्‍यीम् ङचे स्‍य्‍हेङ्‌बे लक्‍री ङ घमन्‍ड स्‍य्‍हेङ्‌ब।

रोमी 7:6

तर देरेम् ङ्‍य्‍हङ्‍मा मोसाचे ब्रीबे पर्‌मेस्‍वर्‌की नीयम्‍की लागीरी स्‍यीबल तज्‍यीम् हुजु नीयम् ग्‍यम्‍से छुटकारा यङ्‌बल मुब, ओसेम् देरे य्‍हङ्‍से ङ्‍य्‍हङ्‍मा हुजु नीयम्‍की सक्‍तीइ दुङ्‌री अरे। देरेम् ङ्‍य्‍हङ्‍माचे मोसाचे ब्रीबे पर्‌मेस्‍वर्‌की नीयम् अनुसार अय्‍हीन्, तर पबीत्र आत्‍माइ छार् जीवन् अनुसार पर्‌मेस्‍वर्‌की सेव स्‍य्‍हेङ्‍ब।

रोमी 8:15

तलेपङ्‍सम् ङ्‍य्‍हङ्‍मात देबेनो बाना स्‍य्‍हेङ्‌ज्‍यीम् लोङ्‍बरी थेन्‍बे आत्‍मा अय्‍हीन् तर ङ्‍य्‍हङ्‍मात पर्‌मेस्‍वर्‌की ज जमे तन लबे आत्‍मा ङ्‍य्‍हङ्‍माचे यङ्‌बल मुब, होत्‍तज्‍यीम् ङ्‍य्‍हङ्‍माचे पर्‌मेस्‍वर्‌त “अब्‍बा, अप” पङ्‍ज्‍यीम् ङ्‍होत्‍प।

रोमी 8:39

न्‍ह जोइ सक्‍तीमाचे, न्‍ह दुङ्‍की सक्‍तीमाचे न्‍ह पर्‌मेस्‍वर्‌चे स्‍य्‍हेङ्‌जेत्‍पे तइ स्‍हेःमाचे, ताचेएनो ङ्‍य्‍हङ्‍मात पर्‌मेस्‍वर्‌की म्‍होइब ग्‍यम्‍से फेःब अखम्, तलेपङ्‌सम् पर्‌मेस्‍वर्‌चे ङ्‍य्‍हङ्‍मात ङ्‍य्‍हङ्‍की प्रभु येसु ख्रीस्‍ट् ग्‍यम्‍से म्‍होइजेत्‍पल मुब।

रोमी 9:6

तर पर्‌मेस्‍वर्‌चे इस्राएलीमात स्‍य्‍हेङ्‍जेत्‍पे बाचा टोप् अतबलमी अय्‍हीन्, तलेपङ्‌सम् इस्रएल्‍की खलक्‍री न्‍हज्‍यी पङ्‍मम् जम्‍मनो इस्रएलीमा पर्‌मेस्‍वर्‌की म्‍ही तब अखम्।

२ कोरीन्‍थी 11:18

तलेपङ्‍सम् जम्‍बुलीङ्‌की म्‍हीमाचे घमन्‍ड लब र्‌हङ्‌ले ङचेएनो घमन्‍ड लब।

गलाती 5:25

ङ्‍य्‍हङ्‍मा पबीत्र आत्‍मा ग्‍यम्‍से सोब, होत्‍तज्‍यीम् आत्‍माचे ङोन्‍ब र्‌हङ्‌लेनो सोथोब।

गलाती 6:16

चु नीयम् ङ्‌येन्‍ज्‍यीम् ब्रबलमातेङ् पर्‌मेस्‍वर्‌की जम्‍मनो म्‍हीमाइ जोरी सान्‍तीतेङ् क्रीपा तखइ।

एफीसी 6:18

खेम पङ्‌लेनो पबीत्र आत्‍मारी खजु बेलोरी पङ्‌लेनो जम्‍मनो तम्‍मारी प्रार्‌थना स्‍य्‍हेङ्‌स्‍यीनो टीउ। चु तम्‍मात सेम्‍री थेन्‍ज्‍यीम् खेम पङ्‌लेनो होसीयार् तज्‍यीम् प्रार्‌थना स्‍य्‍हेङ्‍स्‍यीनो टीउ, ओसेम् पर्‌मेस्‍वर्‌की जम्‍मनो म्‍हीमाकी लागीरीएनो खेम पङ्‌लेनो प्रार्‌थना स्‍य्‍हेङो।

फीलीप्‍पी 1:1

येसु ख्रीस्‍ट्‍की योक्‍पो ङ पावल, ओसेम् ङतेङ् मुबे तीमोथी ग्‍यम्‍से येसु ख्रीस्‍ट्‍री मुबे फीलीप्‍पीइ पर्‌मेस्‍वर्‌की म्‍हीमातेङ् बीसप्‍मा ओसेम् डीकन्‍मात:

फीलीप्‍पी 3:12

ङचे जम्‍मनो यङ्‍ज्‍यीन्‍बल मुब ओसेम् सीद्‍द तज्‍यीन्‍बल मुब बी, ङ अपङ्। ङचे चु बक्सीस् यङ्‍बरी बङ् लटीब मुब, हुजुइ लागीरी येसु ख्रीस्‍ट्‍चे ङत ङोन्‍ग्‍यम्‍नो र्‌हङ्‌ल स्‍य्‍हेङ्‌जेत्‍पल मुब।

फीलीप्‍पी 3:14

होत्‍तज्‍यीम् ङ स्‍वर्‌गइ बक्सीस् डाबे सेम् लज्‍यीम् छयोङ्‍टीब मुब। पर्‌मेस्‍वर्‌चे ङत चुइ लागीरी ख्रीस्‍ट् येसु ग्‍यम्‍से खेमेएनो अबेबे जीवन् यङ्‍बरी ङ्‌होत्‍जेत्‍ज्‍यी।

कलस्‍सी 2:11

एङ्‍यीमा ख्रीस्‍ट्‍री तबनो देमेन्‍की खतना यङ्‍ब य्‍हीन्‍ब। म्‍हीमा ग्‍यम्‍से ल्‍हीःरी स्‍य्‍हेङ्‌बे खतना अय्‍हीन् तर ख्रीस्‍ट्‍चे स्‍य्‍हेङ्‌बे खतना य्‍हीन्‍ब। चु खतनामी एङ्‍यीमाचे चु ल्‍हीःकी स्‍वभाब्‍की सक्‍ती ग्‍यम्‍से फेःब यङ्‍ब य्‍हीन्‍ब।

यहुदा 1:20

तर म्‍होइबे र्‌होमा, एङ्‍यीमा र्‌हङ्‍की य्‍हक्‍को पबीत्र बीस्‍वास्‍री बङ्‍ज्‍येन् तज्‍यीम् कोङ्‍स्‍यीनो बोरो, ओसेम् पबीत्र आत्‍माइ सक्‍तीरी प्रार्‌थना स्‍य्‍हेङो।