फीलीप्‍पी 3:20 - पश्‍चिम तामाङ

²⁰ तर ङ्‍य्‍हङ्‍माकी नागरीक्‍ता स्‍वर्‌गरी मुब। मुक्‍ती न्‍हङ्‌बे ङ्‍य्‍हङ्‍की प्रभु येसु ख्रीस्‍ट् स्‍वर्‌ग ग्‍यम्‍से ब्‍यन्‍युजेत्‍स्‍ये मुब बी ङ्‍य्‍हङ्‍मा ब्रेन्‍ज्‍यीम् टीब।

फीलीप्‍पी 3:20 Cross References

मत्‍ती 19:21

येसुचे थेत सुङ्‌ज्‍यी, “ए देमेन्‍नो पर्‌मेस्‍वर्‌की ङ्‍होन्‍सङ् ज्‍यब तइ म्‍हेन्‍सम् ङ्‌यीज्‍यीम् एतेङ् मुबे जम्‍मनो स्‍य्‍हेमा चुङ्‌ज्‍यीम् प्रङ्‌नमात पीनो, ओसेम् एचे स्‍वर्‌गरी सम्‍पतीमा यङ्‍स्‍ये मुब। हुजु लीप्‍चे खज्‍यीम् ङइ लीक्‍यम् ब्रउ।”

लुका 12:21

ओसेम् येसुचे सुङ्‌ज्‍यी, “र्‌हङ्‌की लागीरी स्‍हेःमा र्‌हुब् लबमा तर पर्‌मेस्‍वर्‌की तम्‍री बरु अतबलमाकी गती चु र्‌हङ्‍ब तस्‍ये मुब।”

लुका 14:14

ओसेम् एचे मोलम् यङ्‌स्‍ये मुब। तलेपङ्‍सम् एत थेङ्‍यीमाचे खीत् फाब अखम्। तर धर्‌मी म्‍हीमाकी पुनरुत्‍थान् तबतेङ् पर्‌मेस्‍वर्‌चे एत खीत् न्‍हङ्‌स्‍ये मुब।”

प्रेरीत् 1:11

ओसेम् हुजु म्‍ही ङ्‍य्‍हीचे पङ्‍ज्‍यी, “गालील्‍की म्‍हीमा, तले एङ्‍यीमा रप्‍ज्‍यीम् नम्‍तीङ् च्‍याटीब? थेङ् एङ्‍यीमा ग्‍यम्‍से स्‍वर्‌गरी नोम्‍जेत्‍पल मुब। एङ्‍यीमाचे थेङ्‌त स्‍वर्‌गरी नोम्‍जेत्‍पल म्रङ्‌ब र्‌हङ्‌लेनो तीरेत् थेङ् देबेएनो दोःज्‍यीम् ब्‍योन्‍युस्‍ये मुब।”

१ कोरीन्‍थी 1:7

होत्‍तज्‍यीम् ङ्‍य्‍हङ्‍की प्रभु येसु ख्रीस्‍ट् दो:ज्‍यीम् ब्‍योन्‍युबे बेलो ब्रेन्‍बतेङ् एङ्‍यीमाचे जम्‍मनो थोइ आत्‍मीक् बर्‌दान्‍मा यङ्‌ब।

१ कोरीन्‍थी 15:48

जम्‍बुलीङ्‌री मुबे म्‍हीमामी जम्‍बुलीङ्‌की सेप्रचे स्‍य्‍हेङ्‌बे म्‍ही र्‌हङ्‍ब मुब, ओसेम् स्‍वर्‌गइ म्‍हीमामी स्‍वर्‌ग ग्‍यम्‍से ब्‍योन्‍युजेत्‍पे म्‍ही र्‌हङ्‍ब मुब।

२ कोरीन्‍थी 4:18

ङ्‌यीमाचे मीःचे म्रङ्‌बे स्‍हेमा अय्‍हीन् तर मीःचे अम्रङ्‍बे स्‍हेमारी सेम् पीन्‍ब। तलेपङ्‍सम् मीःचे म्रङ्‌बे स्‍हेमा य्‍हम्‍की लागीरी तब, तर मीःचे अम्रङ्‍बे स्‍हेमामी जुक्‍नो तब।

२ कोरीन्‍थी 5:8

ङ्‍य्‍हङ्‍मा आर्‌ले टीथोब, चु ल्‍हीःरी टीब बीमम् स्‍वर्‌गइ जुक्‍नो टीबे ल्‍हीः यङ्‌ज्‍यीम् प्रभुतेङ् बक्‍च्‍य प्रभुइ दीम्‍री टीबनो य्‍हक्‍को ज्‍यब य्‍हीन्‍ब बी म्‍हेन्‍ब।

गलाती 4:26

तर स्‍वर्‌गइ यरुस्‍लेम्‍मी स्‍वतन्‍त्र मुब, ओसेम् थेनो ङय्‍हङ्‍माकी अम य्‍हीन्‍ब।

एफीसी 2:19

होत्‍तज्‍यीम् देरेम् एङ्‌यी यहुदी अय्‍हीन्‍बे म्‍हीमा बीदेसीतेङ् अस्‍य्‍हेःबे म्‍हीमा अय्‍हीन्, तर एङ्‍यीमामी परमेस्‍वर्‌की म्‍हीमातेङ् गीः तज्‍यीम् पर्‌मेस्‍वर्‌की दीम्‍की म्‍हेम्‍यमा तबल मुब।

एफीसी 2:6

ओसेम् थेङ्‍चे ङ्‍य्‍हङ्‍मात ख्रीस्‍ट्‍तेङ् बक्‍च्‍य सोनलजेत्‍ज्‍यी ओसेम् स्‍वर्‌गरी येसु ख्रीस्‍ट्‍तेङ् बक्‍च्‍य टीबुङ्‍जेत्‍ज्‍यी।

फीलीप्‍पी 1:10

चोले तसम्‍कीनो एङ्‍यीमाचे जम्‍म न्‍हङ्‌की ज्‍यबे स्‍हेःत दम्‍ब खम्‍स्‍ये मुब, ओसेम् ख्रीस्‍ट् ब्‍योन्‍युबे बेलोरी एङ्‍यीमा सुद्‍दतेङ् दोस् अरेबल तस्‍ये मुब।

फीलीप्‍पी 1:27

ङ्‍हच्‍छ्‍यङ् तम् चुनो य्‍हीन्‍ब की एङ्‌यीमाकी जीवन्‍की चालचलन ख्रीस्‍ट्‍की ज्‍यबे सम्‍तर्‌त जेःबल तखइ। होत्‍तज्‍यीम् ङचे एङ्‍यीमात खदु तलेनो, अतलेनो एङ्‍यीमाचे उदेस्‍ये गी:कीनो कीन्‍ज्‍यीम् सेम् गीः तज्‍यीम् ज्‍यबे सम्‍तर् ग्‍यम्‍से बीस्‍वास्की लागीरी लक् स्‍य्‍हेङ्‍टीब बी ङचे थ्‍ये:म्‍यङ्‍खइ।

कलस्‍सी 1:5

एङ्‌यीमाचे ता आस् लज्‍यी हुजु एङ्‌यीमाकी लागीरी पर्‌मेस्‍वर्‌चे स्‍वर्‌गरी थेन्‍जेत्‍पल मुब। एङ्‍यीमाचे चोले बीस्‍वास् स्‍य्‍हेङ्‌ब ओसेम् म्‍होइबे लक् स्‍य्‍हेङ्‌बल य्‍हीन्‍ब। चु आस्‍की बारेरी एङ्‍यीमाचे ङोन्‍ग्‍यम्‍नो देमेन्‍की ज्‍यबे सम्‍तर् थ्‍येःबल मुब।

१ थेस्‍लोनीकी 1:10

ओसेम् थेङ्‍यीमाचे चोलेएनो पङ्‍ब, एङ्‍यीमा पर्‌मेस्‍वर्‌चे स्‍यीब ग्‍यम्‍से सोनलजेत्‍पे थेङ्‌की ज येसु स्‍वर्‌ग ग्‍यम्‍से दोःज्‍यीम् ब्‍योन्‍युब पङ्‍ज्‍यीम् ब्रेन्‍टीब। ओसेम् खस्‍येकी सजाय ग्‍यम्‍से ङ्‍य्‍हङ्‍त येसुचेनो थर्‌न लजेत्‍प।

१ थेस्‍लोनीकी 4:16

तलेपङ्‍सम् प्रभु दोःज्‍यीम् ब्‍योन्‍युबे बेलोरी क्रीङ्‌ज्‍यीम् कुल्‍बे केत्, ङ्‍हच्‍छ्‍यङ् स्‍वर्‌गदुत्‍की केत् ओसेम् पर्‌मेस्‍वर्‌की तुरही र्‌हब्‍बे केत्‍तेङ् बक्‍च्‍य स्‍वर्‌ग ग्‍यम्‍से दुङ्‌री ब्‍योन्‍युस्‍ये मुब, ओसेम् हुजु बेलोरीनो ख्रीस्‍ट्‍री बीस्‍वास् लज्‍यीम् स्‍यीबलमा गोदोब्‍न्‍हङ् ङोन्‍ग्‍यम् रेस्‍ये मुब।

२ तीमोथी 4:8

देरेम् पर्‌मेस्‍वर्‌चे ङइ लागीरी धार्‌मीक्‍ताकी क्रेःकी थेन्‍जेत्‍पल मुब। हुजु क्रेःकी ज्‍यनले न्‍याय स्‍य्‍हेङ्‍जेत्‍पे पर्‌मेस्‍वर्‌चे ङत कुःपीन्‍जेत्‍स्‍ये मुब, ओसेम् ङतकीनो अय्‍हीन् तर थेङ् ब्‍योन्‍युस्‍येकी ग्‍यम् च्‍याज्‍यीम् टीबलमा जम्‍मतनो क्रेःकी कुपीन्‍जेत्‍स्‍ये मुब।

तीतस 2:13

ओसेम् ङ्‍य्‍हङ्‍माचे आस् लबे मोलम् यङ्‌बे दीन् ब्रेन्‍टीब। हुजु दीन् ङ्‍य्‍हङ्‍की ङ्‍हच्‍छ्‍यङ् पर्‌मेस्‍वर्‌तेङ् ङ्‍य्‍हङ्‍त मुक्‍ती न्‍हङ्‌बे येसु ख्रीस्‍ट्‍की महीमा म्रङ्‌स्‍ये मुब।

हीब्रु 12:22

तर एङ्‌यीमामी सीयोन् गङ्, सोम्‍बो पर्‌मेस्‍वर्‌की सहर, स्‍वर्‌गइ यरुसलेम्‍री खबल मुब, ओसेम् ज्‍याज्‍यीम् ज्‍याब अखम्‍बे स्‍वर्‌गदुत्‍मा तङ्‌ज्‍यीम् र्‌हुब् तबे ग्‍लारी खबल मुब।

हीब्रु 9:28

होलेनो य्‍हक्‍को म्‍हीमाकी पाप् ख्रुबरी ख्रीस्‍ट्‍एनो तीख्‍यप् ठा तपीन्‍जेत्‍ज्‍यी। थेङ् दबेएनो म्रङ्‍खजेत्‍स्‍ये मुब। हुजु बेलोरीमी ख्रीस्‍ट् पाप् ख्रुबरी अय्‍हीन् तर थेङ्‌की ग्‍यम् च्‍याज्‍यीम् टीबलमात थर्‌नलबरी ब्‍योन्‍खजेत्‍स्‍ये मुब।

प्रकास 1:7

च्‍यागो, थेङ् मुक्‍पन्‍हङ् ब्‍योन्‍खजेत्‍टीब मुब, ओसेम् जम्‍मइ मीःचेनो थेङ्‍त म्रङ्‌स्‍ये मुब, थेङ्‍त ब्‍लोःबलमाचेएनो म्रङ्‌स्‍ये मुब। ओसेम् थेङ्‍चे लज्‍यीम् जम्‍बुलीङ्‌की जम्‍मनो जातीमाचे दुख म्‍हन्‍दीस्‍ये मुब। चोतेब तस्‍येनो मुब। आमेन्।