फीलीप्‍पी 3:2 - पश्‍चिम तामाङ

² नीकीमा र्‌हङ्‌बे म्‍हीमा ग्‍यम्‍से होसीयार् तज्‍यीम् टीउ। हुजुमामी दुस्‍ट लक् स्‍य्‍हेङ्‌बे म्‍हीमा ओसेम् खतना स्‍य्‍हेङ्‍पुङ्‍बे म्‍हीमा य्‍हीन्‍ब।

फीलीप्‍पी 3:2 Cross References

मत्‍ती 24:10

“हुजु बेलोरी य्‍हक्‍को र्‌हङ्‍बचे बीस्‍वास् स्‍य्‍हेङ्‌ब पीत्‍लास्‍ये मुब। ओसेम् गीःचे गीःत धोका पीन्‍ज्‍यीम् अखोस्‍ये मुब।

मत्‍ती 7:15

“भ्‍यु पङ्‍बे अगम्‍बक्‍तमा ग्‍यम्‍से होसीयार्‌ले टीउ। थेङ्‍यीमा ग्‍युकी ल्‍हीःरी खब, तर न्‍हङ्‍पट्‍टीचेम् लोङ्‍बे फरामा र्‌हङ्‍ब तब।

मत्‍ती 7:6

“पबीत्र स्‍य्‍हे नीकीमात थपीनो, पीन्‍ज्‍यी पङ्‌सम् हुजु नीकीचे दोःज्‍यीम् एङ्‌यीमात ख्रप्‍स्‍ये मुब। ओसेम् एङ्‌यीमाकी मोती तीलीमाकी ङोन्‍री थख्‍लागो, अय्‍हीन् पङ्‌सम् हुजु तीलीमाचे मोतीमात कङ्‍चे प्‍लेलास्‍ये मुब।

रोमी 2:28

खल्‍चे पङ्‌लेनो फीर्‌च्‍योर्‌चे ल्‍हीरीकीनो यहुदी य्‍हीन्‍ब पङ्‍ज्‍यीम् थे देमेन्‍की यहुदी अत। होलेनो ल्‍हीरी स्‍य्‍हेङ्‌बे खतनाएनो देमेन्‍की खतन अय्‍हीन्।

२ कोरीन्‍थी 11:13

तलेपङ्‍सम् होतेबे म्‍हीमामी भ्‍युकी प्रेरीत्‍मा य्‍हीन्‍ब ओसेम् लुबे लक् स्‍य्‍हेङ्‌बलमा य्‍हीन्‍ब, ओसेम् थेङ्‌यीमामी ख्रीस्‍ट्‍की गोइल येन्‍ज्‍यीम् ब्रबलमाकीनो य्‍हीन्‍ब।

गलाती 5:13

बीस्‍वासी र्‌होमा, एङ्‍यीमामी स्‍वतन्‍त्र तबरी ङ्‌होत्‍जेत्‍पल य्‍हीन्‍ब। चु स्‍वतन्‍त्रत ल्‍हीकी स्‍वभाब अनुसार ब्रबरी थकोलो। बरु गीःचे गीःत म्‍होइज्‍यीम् ज्‍यब स्‍य्‍हेङो।

गलाती 5:15

तर एङ्‍यीमाचे गीःचे गीःत ख्रप्‍प ओसेम् ग्लोङ्‍ब पङ्‌सम् होसीयार् लउ, एङ्‍यीमा र्‌हङ्-र्‌हङ् ग्‍यम्सेनो नास् तज्‍यीम् य्‍हर्‌स्‍ये मुब।

गलाती 5:6

तलेपङ्‍सम् ङ्‍य्‍हङ्‍माचे येसु ख्रीस्‍ट्‍त बीस्‍वास् लब बीसेम् खतन स्‍य्‍हेङ्‌लेनो अस्‍य्‍हेङ्‍लेनो तएनो अत। तर तोबे तम्‍मी चु य्‍हीन्‍ब, ङ्‍य्‍हङ्‍माकी बीस्‍वास्‍चे लज्‍यीम् ङ्‍य्‍हङ्‍माचे ल्‍हो-ल्‍होमात म्‍होइब।

फीलीप्‍पी 3:19

थेङ्‍यीमाकी नास् नर्‌करीनो तस्‍ये मुब। तलेपङ्‍सम् थेङ्‍यीमाकी ल्‍हीःत तोबे तम्‍माकीनो यङ्‍बे सेम् लबनो थेङ्‌यीमाकी ख्‍ल य्‍हीन्‍ब। पेत्‍थोबे तम्‍मारी थेङ्‍यीमा झेन् घमन्‍ड स्‍य्‍हेङ्‍ब। थेङ्‍यीमाकी सेम् चु जम्‍बुलीङ्‌की तम्‍मारीकीनो पीत्‍प।

फीलीप्‍पी 3:3

तलेपङ्‍सम् पर्‌मेस्‍वर्‌त थेङ्‍की पबीत्र आत्‍मा ग्‍यम्‍से तेन्‍बे, ओसेम् येसु ख्रीस्‍ट्‍चे ङ्‍य्‍हङ्‍माकी लागीरी स्‍य्‍हेङ्‍जेत्‍पे लक्‍की लागीरी गर्‌ब स्‍य्‍हेङ्‌बे, ओसेम् ल्‍हीःरी भर् अस्‍य्‍हेङ्‌बे देमेन्‍की खतना ङ्‍य्‍हङ्‍मानो य्‍हीन्‍ब।

१ तीमोथी 1:19

बीस्‍वास् लस्‍यीनो टीउ ओसेम् खजु तम् ठीक् य्‍हीन्‍ब हुजु तम् थपीतो। डेत् डेत् म्‍हीमाचे ठीक् तम्‍त ख्‍लाबल तज्‍यीम् थेङ्‍यीमाकी बीस्‍वास् म्‍हज्‍यीम् य्‍हर्‌बल मुब।

तीतस 1:16

होलेतलेनो थेङ्‍यीमाचे पर्‌मेस्‍वर्‌त स्‍येःब पङ्‍ब, तर थेङ्‍यीमाकी लक् ग्‍यम्‍चेम् पर्‌मेस्‍वर्‌त इन्‍कार् स्‍य्‍हेङ्‌ब। थेङ्‍यीमाम् नइबतेङ् कुल्‍बे तम् अङ्‍येन्‍बलमा तब, ओसेम् तएनो ज्‍यबे लक् स्‍य्‍हेङ्‌बरी अजेःबल तब।

२ पत्रुस 2:22

थेङ्‍यीमामी “नीकीचे र्‌हङ्‌चे रुत्‍पे रुत् दोःज्‍यीम् र्‌हङ्‍चेनो चब” ओसेम् “तीलीत गदे ख्रुइ लपीन्‍लेनो दोःज्‍यीम् तेलेरीनो ङ्‍यीब” बी पङ्‍बे उखान् र्‌हङ्‍ब य्‍हीन्‍ब।

यहुदा 1:4

तलेपङ्‍सम् पर्‌मेस्‍वर्‌त म्‍हन्‍अदीबे डेत्‍डेत् म्‍हीमा एङ्‌यीमाकी गुङ्‍री खुसुक्‍ले वङ्‌ज्‍यीन्‍बल मुब। ओसेम् पर्‌मेस्‍वर्‌चे न्‍हङ्‍जेत्‍पे अनुग्रहत थेङ्‍यीमाचे अज्‍यबे लक् स्‍य्‍हेङ्‌बरी कोल्‍पुङो पङ्‍ब, ओसेम् येसु ख्रीस्‍ट्त गीःकीनो मुबे ङ्‍य्‍हङ्‍की मालीक्‍तेङ प्रभु य्‍हीन्‍ब पङ्‍ज्‍यीम्‍एनो म्‍हन्‍अदी। होतेबे म्‍हीमा दोसी ठार्‌तीब बी दङ्‍बोनो धर्‌म छ्‌येःरी ब्रीबल मुबल।

प्रकास 2:9

एचे नाबे दुखमा ङचे स्‍येःब, ओसेम् ए प्रङ्‍न मुब पङ्‍बे तम्‍एनो ङचे स्‍येःब, तर एमी पर्‌मेस्‍वर्‌की ङोन्‍री बरु मुब! यहुदी अय्‍हीन्‍लेएनो र्‌हङ् यहुदी य्‍हीन्‍ब पङ्‍बलमाचे एइ बीरुद्‍दरी स्‍य्‍हेङ्‌बे नीन्‍द ङचे स्‍येःब, थेङ्‍यीमामी सैतान्‍की तम् ङ्‌येन्‍बे समुह य्‍हीन्‍ब।

प्रकास 21:8

तर लोङ्‍बलमा, बीस्‍वास् अलबलमा, नेइबे लक् स्‍य्‍हेङ्‌बलमा, म्‍ही सेत्‍पलमा, बेस्‍य स्‍य्‍हेङ्‌बलमा, जादु ङोन्‍बलमा, ख्‍लत तेन्‍बलमातेङ् भ्‍यु पङ्‍बलमाकी ग्‍लामी लुम्‍टीबे मेतेङ् गन्‍धक्‍की ग्‍ये य्‍हीन्‍ब। हुजुरी दोःबमी दोस्रो स्‍यीब य्‍हीन्‍ब।”

प्रकास 22:15

तर सहर्‌की फीर्‌च्‍योर्‌मी नीकील र्‌हङ्‍बे बानी थोबे म्‍हीमा, जादु ङोन्‍बलमा, बेस्‍या स्‍य्‍हेङ्‌बलमा, म्‍ही सेत्‍पलमा, ख्‍लत तेन्‍बलमा ओसेम् भ्‍युकी तम् ङ्‍येन्‍बलमातेङ् हुजु अनुसार् ब्रबलमा तब।

प्रकास 3:9

च्‍यागो, यहुदी य्‍हीन्‍ब पङ्‍ज्‍यीम् भ्‍यु पङ्‍बे सैतान्‍की म्‍हीमात ङ एइ कङ्‍री स्‍य्‍हु लबुङ्‍स्‍ये मुब, ओसेम् ङचे एत म्‍होइब पङ्‍बे तम् थेङ्‍यीमात गोनलस्‍ये मुब।