फीलीप्पी 3:19 - पश्चिम तामाङ19 थेङ्यीमाकी नास् नर्करीनो तस्ये मुब। तलेपङ्सम् थेङ्यीमाकी ल्हीःत तोबे तम्माकीनो यङ्बे सेम् लबनो थेङ्यीमाकी ख्ल य्हीन्ब। पेत्थोबे तम्मारी थेङ्यीमा झेन् घमन्ड स्य्हेङ्ब। थेङ्यीमाकी सेम् चु जम्बुलीङ्की तम्मारीकीनो पीत्प। See the chapter |
फीलीप्पी 3:19
52 Cross References
दङ्बो इस्राएलीमाकी गुङ्री भ्युकी तम् लोप्पे अगम्बक्तमा डोङ्ज्यी, होलेनो एङ्यीमाकी गुङ्रीएनो भ्युकी तम् लोप्पे लोप्पोन्मा डोङ्स्ये मुब। थेङ्यीमाचे न्होङ्नलबे भ्युकी तम्मा न्हङ्न्हङ्री लोप्स्ये मुब, ओसेम् थेङ्यीमाचे र्हङ्त थर्नलजेत्पे प्रभुत बीस्वास् स्य्हेङ्ब पीत्स्ये मुब। होत्तज्यीम् थेङ्यीमाचे ग्योनेनो र्हङ्की जोरी र्हङ्चेनो नास् बस्ये मुब।
थेङ्यीमाचे स्य्हेङ्बे अज्यबे लक्की सजाय थेङ्यीमाचेनो नाथोःस्ये मुब। थेङ्यीमाचे दीनीरीनो मनमोज्यी लज्यीम् टीबनो तङ्बे तम् य्हीन्ब बी म्हेन्ब। थेङ्यीमातेङ् बक्च्य चब थुङ्बरी टीबनो एङ्यीमाकी लागीरी पेत्पतेङ् न य्हर्बे तम् य्हीन्ब। थेङ्यीमा खेम पङ्लेनो ल्हो-ल्होत छल् स्य्हेङ्बरी तङ्ब।
तलेपङ्सम् पर्मेस्वर्त म्हन्अदीबे डेत्डेत् म्हीमा एङ्यीमाकी गुङ्री खुसुक्ले वङ्ज्यीन्बल मुब। ओसेम् पर्मेस्वर्चे न्हङ्जेत्पे अनुग्रहत थेङ्यीमाचे अज्यबे लक् स्य्हेङ्बरी कोल्पुङो पङ्ब, ओसेम् येसु ख्रीस्ट्त गीःकीनो मुबे ङ्य्हङ्की मालीक्तेङ प्रभु य्हीन्ब पङ्ज्यीम्एनो म्हन्अदी। होतेबे म्हीमा दोसी ठार्तीब बी दङ्बोनो धर्म छ्येःरी ब्रीबल मुबल।
हुजु दुस्ट सेम्ज्येन्तेङ् हुजु भ्युकी अगम्बक्त थेङ्हीतनो चुङ्ज्यी। हुजु भ्युकी अगम्बक्तचे दुस्ट सेम्ज्येन्की लागीरी अचम्मइ लक्मा ङोन्ज्यी। थेचे हुजु लक्मा ग्यम्सेनो हुजु दुस्ट सेम्ज्येन्की छाप् कीन्बलतेङ् हुजुइ ख्लत तेन्बलमात छल् लबल मुबल। हुजु ङ्हीतनो लुम्टीबे मेतेङ् गन्धक्की ग्येन्हङ् सोम्बोनो ख्लापीत्ज्यी।
Advertisements