फीलीप्‍पी 3:14 - पश्‍चिम तामाङ

¹⁴ होत्‍तज्‍यीम् ङ स्‍वर्‌गइ बक्सीस् डाबे सेम् लज्‍यीम् छयोङ्‍टीब मुब। पर्‌मेस्‍वर्‌चे ङत चुइ लागीरी ख्रीस्‍ट् येसु ग्‍यम्‍से खेमेएनो अबेबे जीवन् यङ्‍बरी ङ्‌होत्‍जेत्‍ज्‍यी।

फीलीप्‍पी 3:14 Cross References

लुका 16:16

“बप्‍तीस्‍मा पीन्‍बे युहन्‍नाइ बेलोसम्‍म मोसाचे ब्रीबे पर्‌मेस्‍वर्‌की नीयम्तेङ् अगम्‍बक्‍तमाकी फ्रोइमा ङ्‌येन्‍ज्‍यीम् ब्रथोब मुबल। हुजु य्‍हङ्‌स्‍ये पर्‌मेस्‍वर्‌की य्‍हुल्‍की प्रचार् स्‍य्‍हेङ्‌टीब। ओसेम् जम्‍माचेनो हुजुरी वङ्‌बरी बङ् लरीब।

रोमी 11:29

तलेपङ्‌सम् पर्‌मेस्‍वर्‌चे र्‌हङ्‌चे न्‍हङ्‌जेत्‍पे बर्‌दान्‍त दोज्‍यीम् कीन्‍अजेत् ओसेम् ङ्‌होजेत्‍पलमात खेमेएनो ख्‍लाअजेत्।

१ कोरीन्‍थी 9:24

एङ्‍यीमाचे स्‍ये:बलनो मुब, छ्‍योङ्‍बे म्‍हीमा जम्‍मनो तीख्‍यप्‍री छ्‍योङ्‍ब, तर खजु म्‍ही जम्‍मन्‍हङ्‍री ग्‍योनले छ्‍योङ्‍ज्‍यी हुजुचेनो डाबे पुरस्‍कार् यङ्‍ब। होलेनो एङ्‌यीमाएनो पुरस्‍कार् यङ्‍ब खम्‍नले छ्‍योङो।

२ कोरीन्‍थी 4:17

तलेपङ्‍सम् ङ्‌यीमाचे देरे य्‍हम्‍की लागीरी नाबे दुखमी लीक्‍यम् यङ्‍स्येकी ङ्‍य्‍हक्‍को ङ्‍हच्‍छ्‍यङ्तेङ् खेमेएनो अबेबे महीमत व्‍हल् लज्‍यीम्‍मी देमेन्‍नो तेएनो अय्‍हीन्।

फीलीप्‍पी 3:3

तलेपङ्‍सम् पर्‌मेस्‍वर्‌त थेङ्‍की पबीत्र आत्‍मा ग्‍यम्‍से तेन्‍बे, ओसेम् येसु ख्रीस्‍ट्‍चे ङ्‍य्‍हङ्‍माकी लागीरी स्‍य्‍हेङ्‍जेत्‍पे लक्‍की लागीरी गर्‌ब स्‍य्‍हेङ्‌बे, ओसेम् ल्‍हीःरी भर् अस्‍य्‍हेङ्‌बे देमेन्‍की खतना ङ्‍य्‍हङ्‍मानो य्‍हीन्‍ब।

कलस्‍सी 2:18

थेङ्‌यीमाचे दर्‌सन् म्रङ्‌बल मुब पङ्‍ज्‍यीम् एङ्‍यीमात नम्र तबुङ्‍ज्‍यीम् स्‍वर्‌गदुत्‍त तेन्‍बुङ्‍ज्‍यीम् एङ्‌यीमाचे पर्‌मेस्‍वर् ग्‍यम्‍से यङ्‌थोबे बक्सीस् थबेन्‍बुङो। चोतेबे म्‍हीमा र्‌हङ्‍की सेम्‍चे म्‍हेन्‍बे तम्‍री ओलेनो घमन्‍ड लज्‍यीम् टीब।

१ थेस्‍लोनीकी 2:12

ङ्‌यीमाचे एङ्‌यीमात अर्‌ती पीन्‍ब, आर् पीन्‍ब ओसेम् लोप्‍प, ओसेम् एङ्‍यीमाचे पर्‌मेस्‍वर्‌त तङ्‍न लबे जीवन् सोथोब, तलेपङ्‍सम् थेङ्‌चे एङ्‌यीमात थेङ्‌की य्‍हुल्‍तेङ् महीमारी ङ्‌होत्‍जेत्प।

२ तीमोथी 1:9

पर्‌मेस्‍वर्‌चेनो ङ्‍य्‍हङ्‍त थर्‌ब न्‍हङ्‌ज्‍यीम् पबीत्र जीवन् सोबरी ङ्‌होत्‍जेत्‍ज्‍यी। ङ्‍य्‍हङ्‍चे स्‍य्‍हेङ्‌बे लक्‍चे लज्‍यीम् अय्‍हीन् तर थेङ्‌की थुःतेङ् अनुग्रहचे लज्‍यीम् य्‍हीन्‍ब। चु अनुग्रह ङ्‌य्‍हङ्‌मात येसु ख्रीस्‍ट्‍री जम्‍बुलीङ् ठुङ्‍ब बीम ङोन्‍ग्‍यम्‍नो न्‍हङ्‌जेत्‍पल मुबल।

हीब्रु 3:1

होत्‍तज्‍यीम् पर्‌मेस्‍वर्‌चे ङ्‌होत्‍जेत्‍पे पबीत्र बीस्‍वासी र्‌होमा, ङ्‍य्‍हङ्‍माचे प्रेरीत्‍तेङ् गोदोब्‍न्‍हङ्‍की ङ्‍हच्‍छ्‌यङ् लम्‍बु पङ्‍ज्‍यीम् स्‍वीकार् लबे येसुइ बारेरी एङ्‍यीमाचे ज्‍यनले म्‍हेनो।

हीब्रु 6:1

होत्‍तज्‍यीम् ख्रीस्‍ट्‍की बारेरी सुरु सुरुरीनो लोप्‍ज्‍यीन्‍बे फ्रोइमाकीनो अलोप्‍नले ङ्‍य्‍हङ्‍मा बीस्‍वास्‍री छर्‌न लबे फ्रोइमा लोप्‍के। स्‍यीबरी दो:नलबे लक्‍मा ग्‍यम्‍से पस्‍चताप स्‍य्‍हेङ्‌बतेङ् पर्‌मेस्‍वर्‌री बीस्‍वास् स्‍य्‍हेङ्‌बे तम्‍मा दो:दोःज्‍यीम् लोप्‍टी अथो।

१ पत्रुस 1:13

होत्‍तज्‍यीम् एङ्‍यीमाचे र्‌हङ्‍की सेम् दुल्‍ज्‍यीम् तयार्‌ले टीउ। ओसेम् येसु ख्रीस्‍ट् दोःज्‍यीम् ब्‍योन्‍युजेत्‍पतेङ् एङ्‍यीमाचे यङ्‌स्‍येकी अनुग्रहरी एङ्‍यीमाचे आस् लउ।

१ पत्रुस 5:10

जम्‍मनो अनुग्रह न्‍हङ्‌बे पर्‌मेस्‍वर्‌चे ख्रीस्‍ट्‍री र्‌हङ्‍की खेमेएनो अबेबे महीमा जुबे लागीरी एङ्‍यीमात ङ्‌होत्‍जेत्‍पल मुब। एङ्‍यीमाचे य्‍हम् दुख नाब बीसेम् थेङ्‌चेनो एङ्‍यीमात छार् स्‍य्‍हेङ्‍जेत्‍स्‍ये मुब, ओसेम् सक्‍ती न्‍हङ्‌ज्‍यीम् य्‍हङ्‌य्‍होङ् अतनले कोङ्‍नलजेत्‍स्‍ये मुब।

२ पत्रुस 1:3

पर्‌मेस्‍वर्‌चे र्‌हङ्‍की ङ्‍हच्‍छ्‍यङ् सक्‍ती ग्‍यम्‍से ङ्‍य्‍हङ्‍मात थेङ्‌त सेम्‍री ङ्‌यीबे पबीत्र जीवन् सोबरी तोःबे स्‍हेमा जम्‍मनो न्‍हङ्‌बल मुब। तलेपङ्‍सम् र्‌हङ्‍की महीमातेङ् भलाइ ग्‍यम्‍से ङ्‍य्‍हङ्‍मात ङ्‌होत्‍जेत्‍पे पर्‌मेस्‍वर्‌त ङ्‍य्‍हङ्‍माचे स्‍येःबल मुब।

प्रकास 3:21

खल्‍चे डाब, थेत ङ ङइ ठीरी ङतेङ् बक्‍च्‍य टीबुङ्‍स्‍ये मुब, खले ङ र्‌हङ्‍चेएनो डाबल तज्‍यीम् ङइ अपतेङ् बक्‍च्‍य थेङ्‍की ठीरी टीबल मुब।