फीलीप्‍पी 3:13 - पश्‍चिम तामाङ

¹³ बीस्‍वासी र्‌होमा, ङचे चु जम्‍मनो यङ्‍ज्‍यीन्‍बल मुब बी ङचे अम्‍हेन्, तर ङ लक् गीः स्‍य्‍हेङ्‍ब, हुजु लक्‍मी लीक्‍यम्‍की तम्‍मात म्‍लेत्‍ज्‍यीम् ङोन्‍ग्‍यम् तबे तम्‍मा यङ्‍बरी ङ कोसीस् लब।

फीलीप्‍पी 3:13 Cross References

लुका 10:42

तर तोःबलमी गीःकीनो मुब। मरीयमचेम् हुजु दम्‍बल मुब। ओसेम् हुजु थे ग्‍यम्‍से ब्‍येन्‍बोर्‌स्‍ये अरे।”

लुका 9:62

येसुचे थेत सुङ्‌ज्‍यी, “खल्‍चे ग्‍लब् मोइबे बेलोरी या गोर्‌री थेन्‍ज्‍यीम् ग्‍यप्‍चे दोःज्‍यीम् च्‍याब थे पर्‌मेस्‍वर्‌की य्‍हुल्‍की ज्‍योबल अत।”

२ कोरीन्‍थी 5:16

देरे य्‍हङ्‍से ङ्‌यीमाचे खल्‍तएनो जम्‍बुलीङ्‌की म्‍हीमाचे म्‍हेन्‍ब र्‌हङ्‌ले म्‍हेन्‍ज्‍यीम् अच्‍या। य्‍हीन्‍बरीम् तीख्‍यप्‍की बेलोरी ङ्‍यीमाचेएनो ख्रीस्‍ट्‍त जम्‍बुलीङ्‌की म्‍हीमाचे म्‍हेन्‍ब र्‌हङ्‌ले म्‍हेन्‍ज्‍यीम् च्‍याब मुबल, तर देरे य्‍हङ्‍से थेङ्‍त होले म्‍हेन्‍ज्‍यीम् च्‍यास्‍ये अरे।

फीलीप्‍पी 2:12

ङइ म्‍होइबे र्‌होमा, ङ एङ्‍यीमातेङ् मुबे बेलोरी एङ्‍यीमाचे खेम पङ्‌लेनो पर्‌मेस्‍वर्‌की तम्‍मा ङ्‍येन्‍ज्‍यी, देरे ङ एङ्‍यीमा ग्‍यम्‍से थारीङ्‍ तलेएनो एङ्‍यीमाचे पर्‌मेस्‍वर्‌की तम्‍मा झेन् ङ्‌येन्‍थोब। एङ्‍यीमाचे पर्‌मेस्‍वर्‌तेङ् लोङ्‍ज्‍यीम् ओसेम् स्‍य्‍हेस लज्‍यीम् र्‌हङ्‌चे यङ्‍बे मुक्‍तीत टोप् लबरी लक् स्‍य्‍हेङ्‍स्‍यीनो टीउ।

फीलीप्‍पी 3:12

ङचे जम्‍मनो यङ्‍ज्‍यीन्‍बल मुब ओसेम् सीद्‍द तज्‍यीन्‍बल मुब बी, ङ अपङ्। ङचे चु बक्सीस् यङ्‍बरी बङ् लटीब मुब, हुजुइ लागीरी येसु ख्रीस्‍ट्‍चे ङत ङोन्‍ग्‍यम्‍नो र्‌हङ्‌ल स्‍य्‍हेङ्‌जेत्‍पल मुब।

फीलीप्‍पी 3:8

होदेकीनो अय्‍हीन्, येसु ख्रीस्‍ट्त र्‌हङ्‍की प्रभु पङ्‍ज्‍यीम् स्‍येःम्‍यङ्‍बे ङ्‍य्‍हच्‍छ्‌यङ् ज्ञान्‍तेङ् व्‍हबतेङ्‍मी ल्‍होःल्‍हो जम्‍मनो तम्‍मा लक् अतबल यङ्‍ब। थेङ्‌की लागीरी ङचे जम्‍मनो स्‍हेःमात ख्‍लाज्‍यी, ओसेम् थेङ्‍त यङ्‍बे लागीरी चु जम्‍मनो तम्‍मात ख्रीदी र्‌हङ्‍ब म्‍हेन्‍बल मुब।

हीब्रु 6:1

होत्‍तज्‍यीम् ख्रीस्‍ट्‍की बारेरी सुरु सुरुरीनो लोप्‍ज्‍यीन्‍बे फ्रोइमाकीनो अलोप्‍नले ङ्‍य्‍हङ्‍मा बीस्‍वास्‍री छर्‌न लबे फ्रोइमा लोप्‍के। स्‍यीबरी दो:नलबे लक्‍मा ग्‍यम्‍से पस्‍चताप स्‍य्‍हेङ्‌बतेङ् पर्‌मेस्‍वर्‌री बीस्‍वास् स्‍य्‍हेङ्‌बे तम्‍मा दो:दोःज्‍यीम् लोप्‍टी अथो।

२ पत्रुस 3:8

तर म्‍होइबे र्‌होमा, एङ्‍यीमाचे चु तम् गीः व्‍हल् लथोब। प्रभुइ लागीरी तीरेत् हजार बर्‌स र्‌हङ्‍ब ओसेम् हजार बर्‌स तीरेत र्‌हङ्‍ब तब।