फीलीप्‍पी 2:12 - पश्‍चिम तामाङ

¹² ङइ म्‍होइबे र्‌होमा, ङ एङ्‍यीमातेङ् मुबे बेलोरी एङ्‍यीमाचे खेम पङ्‌लेनो पर्‌मेस्‍वर्‌की तम्‍मा ङ्‍येन्‍ज्‍यी, देरे ङ एङ्‍यीमा ग्‍यम्‍से थारीङ्‍ तलेएनो एङ्‍यीमाचे पर्‌मेस्‍वर्‌की तम्‍मा झेन् ङ्‌येन्‍थोब। एङ्‍यीमाचे पर्‌मेस्‍वर्‌तेङ् लोङ्‍ज्‍यीम् ओसेम् स्‍य्‍हेस लज्‍यीम् र्‌हङ्‌चे यङ्‍बे मुक्‍तीत टोप् लबरी लक् स्‍य्‍हेङ्‍स्‍यीनो टीउ।

फीलीप्‍पी 2:12 Cross References

मत्‍ती 11:12

बप्‍तीस्‍मा पीन्‍बे युहन्‍नाचे प्रचार स्‍य्‍हेङ्‌बे बेलो य्‍हङ्‌से देरे सम्‍म स्‍वर्‌गइ य्‍हुल् झेन् य्‍हक्‍को तबोर्‌टीबल मुब। ओसेम् बीरोद् स्‍य्‍हेङ्‌बलमाम् हुजुइ बीरुद्‍दरी छेत्‍टीब।

मत्‍ती 11:29

ङइ कुम् नागो, ओसेम् ङ ग्‍यम्‍से लोपो, तलेपङ्‍सम् ङइ सेम् नम्रतेङ् दयचे प्‍लीङ्‍बल मुब। ओसेम् एङ्‍यीमाचे र्‌हङ्‌की आत्‍मारी दुःब न्‍हम्‍यङ्‌स्‍ये मुब।

प्रेरीत् 16:29

चु थ्‍येःब बीसेम् हाकीम् मेतङ् र्‌हीत्‍ज्‍यीम् न्‍हङ्‌री छ्‍योङ्‍खज्‍यी, ओसेम् लोङ्‍ज्‍यीम् दर्-दर्‌ज्‍यीम् पावलतेङ् सीलासकी कङ्‍री पब्‍लु लज्‍यी।

प्रेरीत् 9:6

“देरे ए रेःज्‍यीम् सहर्‌री ङ्‍यीउ, एचे ता स्‍य्‍हेङ्‍थोस्‍ये हुजु तम् एत हुजुरीनो स्‍येत्‍स्‍ये मुब।”

रोमी 2:7

ज्‍यबे लक् स्‍य्‍हेङ्‍स्‍यीनो टीज्‍यीम् पर्‌मेस्‍वर्‌की महीमा, स्‍य्‍हेस ओसेम् खेमेनो अबेबे जीवन् म्‍हइबे म्‍हीमात पर्‌मेस्‍वर्‌चे खेमेनो अबेबे जीवन् न्‍हङ्‌जेत्स्‍ये मुब।

१ कोरीन्‍थी 15:58

होत्‍तज्‍यीम् म्‍होइबे र्‌होमा, एङ्‍यीमा बीस्‍वास्‍री कोङ्‍ज्‍यीम् य्‍हङ् य्‍होङ् अतनले टीउ। प्रभुइ लक् खेम पङ्‍लेएनो स्‍य्‍हेङ्‍स्‍यीनो टीउ। तलेपङ्‍सम् एङ्‍यीमाचे स्‍येःब, प्रभुरी एङ्‍यीमाचे दुख लज्‍यीम् स्‍य्‍हेङ्‌बे लक् खेर य्‍हर्‌स्‍ये अरे।

१ कोरीन्‍थी 2:3

ङ एङ्‌यीमातेङ् मुबे बेलोरी कम्‍जोर् मुबल, ओसेम् लोङ्-लोङ्ज्‍यीम् थर्‌बल मुबल।

१ कोरीन्‍थी 4:14

ङचे चु तम एङ्‍यीमात पेत्‍नलबे लागीरी ब्रीबल अय्‍हीन्, तर र्‌हङ्‌की म्‍होइबे कोलमात र्‌हङ्‌ले अर्‌ती पीन्‍बरी ब्रीबल य्‍हीन्‍ब।

२ कोरीन्‍थी 7:15

एङ्‍यीमाचे तीतस्‍त लोङ्‍ज्‍यीम् स्‍हेस लज्‍यीम् स्‍य्‍हेङ्‌बे स्‍वागततेङ् थेचे पङ्‍बे जम्‍मनो तम्‍मा एङ्‍यीमाचे ङ्‍येन्‍बे तम् व्‍हल् लज्‍यीम् तीतस्‍चे एङ्‌यीमात ङोन्‍ग्‍यम् बीमएनो झेन् य्‍हक्‍को म्‍होइब।

एफीसी 6:5

बानमा, ख्रीस्‍ट्‍की सेव स्‍य्‍हेङ्‍ब र्‌हङ्‌ले एङ्‍यीमाचे सेम् य्‍हङ्‌सेनो जम्‍बुलीङ्‌की एङ्‌यीमाकी मालीक्‍मात स्‍हेस लज्‍यीम् लोङ्‍ज्‍यीम् थेङ्‍यीमाचे कुल्‍बे तम् ङ्‌येनो।

फीलीप्‍पी 1:27

ङ्‍हच्‍छ्‍यङ् तम् चुनो य्‍हीन्‍ब की एङ्‌यीमाकी जीवन्‍की चालचलन ख्रीस्‍ट्‍की ज्‍यबे सम्‍तर्‌त जेःबल तखइ। होत्‍तज्‍यीम् ङचे एङ्‍यीमात खदु तलेनो, अतलेनो एङ्‍यीमाचे उदेस्‍ये गी:कीनो कीन्‍ज्‍यीम् सेम् गीः तज्‍यीम् ज्‍यबे सम्‍तर् ग्‍यम्‍से बीस्‍वास्की लागीरी लक् स्‍य्‍हेङ्‍टीब बी ङचे थ्‍ये:म्‍यङ्‍खइ।

फीलीप्‍पी 1:29

एङ्‌यीमाचे ख्रीस्‍ट्‍री बीस्‍वास् स्‍य्‍हेङ्‍बकीनो अय्‍हीन्, तर थेङ्‌की लागीरी दु:ख नाज्‍यीम् थेङ्‌की स्‍य्‍हप्‍तो स्‍य्‍हेङ्‌बरी पर्‌मेस्‍वर्‌चे अनुग्रहएनो न्‍हङ्‌जेत्‍पल मुब।

फीलीप्‍पी 1:5

तलेपङ्‍सम् ज्‍यबे सम्‍तर् स्‍येत्‍पे लक्‍की लागीरी एङ्‍यीमाचे ङोन्‍ग्‍यम्‍की दीन् य्‍हङ्‍से देरेसम्‍मनो ङत र्‌हो लटीबल मुब।

फीलीप्‍पी 1:6

ङत चु तम्‍री बीस्‍वास् मुब की पर्‌मेस्‍वर्‌चे एङ्‍यीमारी तीप्‍जेत्‍पे ज्‍यबे लक् येसु ख्रीस्‍ट् दोःज्‍यीम् ब्‍योन्‍अयुगदे पर्‌मेस्‍वर्‌चेनो टोप् लजेत्‍स्‍ये मुब।

फीलीप्‍पी 2:19

प्रभु येसुइ थुः मुसम् तीमोथीत एङ्‍यीमाज ग्‍योनेनो पीत्‍खस्‍ये मुब पङ्‍बे आस् ङल मुब। ओसेम् थे दोःज्‍यीम् खबतेङ् एङ्‌यीमाकी बारेरी सम्‍तर् थ्‍येःज्‍यीम् ङ तङ्‍स्‍ये मुब।

फीलीप्‍पी 4:1

होत्‍तज्‍यीम् ङइ म्‍होइबे बीस्‍वासी र्‌होमा, ङ एङ्‍यीमात म्‍होइब, ओसेम् एङ्‌यीमात य्‍हक्‍को व्‍हल् लस्‍यीनो टीब, एङ्‍यीमाचे लज्‍यीम् ङ य्‍हक्‍को तङ्‍ब ओसेम् एङ्‍यीमानो ङइ लक्‍की बक्सीस् य्‍हीन्‍ब। ङइ म्‍होइबे बीस्‍वासी र्‌होमा, एङ्‍यीमा प्रभुरी चोलेनो कोङ्‍ज्‍यीम् टीउ।

फीलीप्‍पी 4:15

फीलीप्‍पी सहर्‌री मुबे ङइ बीस्‍वासी र्‌होमा, सुरुरी ङ्‍चे एङ्‌यीमात ज्‍यबे सम्‍तर् स्‍येत्‍ज्‍यीम् माकेडोनीया पीत्‍थेन्‍ज्‍यीम् य्‍हर्‌बे बेलोरी ङत र्‌हो लबे मन्‍डली एङ्‌यीमाकीनो मुबल, हुजु तम् एङ्‍यीमाचे स्‍येःबलनो मुब। एङ्‍यीमा बीम ल्‍हो-ल्‍हो खजु मन्‍डलीचेएनो ङत र्‌हो लबल अरेबल।

१ थेस्‍लोनीकी 1:3

ङ्‌य्‍हङ्‌माकी पर्‌मेस्‍वर् अपइ ङोन्‍ग्‍यम् एङ्‍यीमाचे ङ्‍य्‍हङ्‍की प्रभु येसु ख्रीस्‍ट्‍री बीस्‍वास् लज्‍यीम् स्‍य्‍हेङ्‌बे लक्‍तेङ् म्‍होइज्‍यीम् स्‍य्‍हेङ्‌बे लक् ओसेम् एङ्‍यीमाचे थेङ्‍री धैर्‌य लज्‍यीम् थेन्‍बे आस्‍त ङ्‌यीमाचे व्‍हल् लब।

२ तीमोथी 2:10

होत्‍तज्‍यीम् पर्‌मेस्‍वर्‌चे दम्‍जेत्‍पलमा येसु ख्रीस्‍ट् ग्‍यम्‍से थर्‌ज्‍यीम् खेमेएनो अबेबे महीमीत् जीवन् यङ्‍खइ पङ्‍ज्‍यीम् ङचे चु जम्‍मनो तम्‍मा नापल य्‍हीन्‍ब।

हीब्रु 12:1

ङ्‍य्‍हङ्‍माकी कोरोरो चोत्‍ते य्‍हक्‍को दङबोइ साक्षीमा मुब। होत्‍तज्‍यीम् ङ्‍य्‍हङ्‍मात खबे जम्‍मनो बाधमातेङ् ङ्‍य्‍हङमात सजीलोलेनो उन्‍नलबे पाप्‍मात ख्‍लाके, ओसेम् ङ्‍य्‍हङ्‍माकी ङोन्‍री मुबे छ्‍योङ्‍थोबे ग्‍यम्‍री धैर्‌य लज्‍यीम् छ्‌योङ्‍के।

हीब्रु 4:1

पर्‌मेस्‍वर्‌चे ङ्‍य्‍हङ्‍मात दुःब न्‍हबे ग्‍लारी वङ्‍पुङ्‍ब बी सुङ्‍जेत्‍पे बाचा दवम् मुब। होत्‍तज्‍यीम् ङ्‍य्‍हङ्‍मा होसीयार् तज्‍यीम् टीइ, ओसेम् एङ्‍यीमान्‍हङ्‍री हुजु दुःब न्‍हबे ग्‍लारी वङ्‍अम्‍यङ्‍बल खलेएनो अतखइ।

हीब्रु 4:11

होत्‍तज्‍यीम् ङ्‍य्‍हङ्‍मा हुजु दुःब न्‍हबे ग्‍लारी वङ्‌बरी खम्‍गदे बङ् लइ, ओसेम् ङ्‍य्‍हङ्‍मा खलेएनो पर्‌मेस्‍वर्‌की अर्‌तीमा अङ्‍येन्‍बे इस्रएलीमा र्‌हङ्‌ले नास् तज्‍यीम् अय्‍हर्‌खइ।

हीब्रु 5:9

ओसेम् सीद्‍द तजेत्‍प बीसेम् थेङ्‍चे सुङ्‌बल ङ्‍येन्‍बमा जम्‍मइ लागीरी थेङ् खेम पङ्‌लेनो लागीरी मुक्‍तीइ म्रुः तजेत्‍ज्‍यी।

१ पत्रुस 2:11

म्‍होइबे र्‌होमा, चु जम्‍बुलीङ्‌री एङ्‍यीमा ल्‍हो-ल्‍हो य्‍हुल्‍की म्‍हीमा ओसेम् र्‌होइ य्‍हुल्‍री य्‍हम्‍की लागीरी टीबे म्‍हीमा र्‌हङ्‍ब य्‍हीन्‍ब। ङ एङ्‌यीमात फ्‍या लब, ल्‍हीःकी लागीरी र्‌हङ्‍की सेम्‍चे म्‍हेन्‍बे अज्‍यबे लक्‍मा थस्‍य्‍हेङो। होतेबे सेम् खेम पङ्‌लेनो आत्‍माइ बीरुद्‍दरी तब।

२ पत्रुस 3:18

तर खेम पङ्‌लेनो ङ्‍य्‍हङ्‍की प्रभुतेङ् मुक्‍तीदाता येसु ख्रीस्‍ट्‍की अनुग्रहतेङ् ज्ञान्‍री य्‍हक्‍को तस्‍यीनोबोरो। देरे ओसेम् खेम पङ्‌लेनो थेङ्‍तनो तोप्‍प तखइ। आमेन्!