फीलीप्पी 1:5 - पश्चिम तामाङ5 तलेपङ्सम् ज्यबे सम्तर् स्येत्पे लक्की लागीरी एङ्यीमाचे ङोन्ग्यम्की दीन् य्हङ्से देरेसम्मनो ङत र्हो लटीबल मुब। See the chapter |
फीलीप्पी 1:5
23 Cross References
डेत् यहुदीमामी म्रङ्री सुःबे जैतुन्की दोङ्बो ग्यम्से थाज्यीम् ख्लबे य्हर्ङमा रह्ङ्ब मुब। ओसेम् एङ्यी यहुदी अय्हीन्बे म्हीमामी र्हीइ जैतुन्की दोङ्बोइ य्हर्ङमा र्हङ्ब मुब, होलेतलेनो थाज्यीम् ख्लाबे म्रङ्री सुःबे जैतुनकी य्हर्ङइ देब्री र्हीइ जैतुन्की दोङ्बोइ य्हर्ङत कलमी स्य्हेङ्बल मुब। देरेम् हुजु र्हीइ जैतुन्की दोङ्बोइ य्हर्ङचे म्रङ्री सुःबे जैतुन्की दोङ्बोइ टाः ग्यम्सेनो तोःबे सक्तीतेङ् जीवन् यङ्ब।
हुजु रहस्यइ तम्मी चु य्हीन्ब, यहुदी अय्हीन्बे म्हीमाचेएनो ज्यबे सम्तर् ग्यम्से यहुदीमाचे र्हङ्लेनो पर्मेस्वर्की मोलम्मा यङ्ब य्हीन्ब। यहुदी अय्हीन्बे म्हीमाएनो ल्हीः गीःकी अङ्ग य्हीन्ब, ओसेम् पर्मेस्वर्चे येसु ख्रीस्ट्री न्हङ्जेत्प बी सुङ्जेत्बे बाचा अनुसार् थेङ्यीमा जम्मचेनो यङ्ब।
ङइ म्होइबे र्होमा, ङ एङ्यीमातेङ् मुबे बेलोरी एङ्यीमाचे खेम पङ्लेनो पर्मेस्वर्की तम्मा ङ्येन्ज्यी, देरे ङ एङ्यीमा ग्यम्से थारीङ् तलेएनो एङ्यीमाचे पर्मेस्वर्की तम्मा झेन् ङ्येन्थोब। एङ्यीमाचे पर्मेस्वर्तेङ् लोङ्ज्यीम् ओसेम् स्य्हेस लज्यीम् र्हङ्चे यङ्बे मुक्तीत टोप् लबरी लक् स्य्हेङ्स्यीनो टीउ।
ओसेम् ङइ बीस्वासीलो र्हो, चु अमकोल ङ्य्हीत र्हो लपीनो बी ङ एत फ्या लब, तलेपङ्सम् थेङ्य्हीचे ङतेङ् बक्च्य ज्यबे सम्तर् स्येत्पे लक् स्य्हेङ्बल मुब। ओसेम् ङतेङ्कीनो अय्हीन्, क्लेमेस पङ्बे र्हो ओसेम् ङइ ल्हो-ल्हो र्होःमातेङ्एनो थेङ्य्हीचे बक्च्य लक् स्य्हेङ्बल मुबल। थेङ्यीमाकी मीन् पर्मेस्वर्चे खेम पङ्लेनो सोबे जीवन्की छ्येःरी ब्रीज्यीम् थेन्जेत्पल मुब।
Advertisements