फीलीप्‍पी 1:25 - पश्‍चिम तामाङ

²⁵ चु तम्‍री ङ ढुक्‍क मुब की एङ्‍यीमात बीस्‍वास्‍री कोङ्‍न लबरीतेङ् तङ्‍न लबरी ङ एङ्‌यीमातेङ् बक्‍च्‍य टीस्‍ये मुब।

फीलीप्‍पी 1:25 Cross References

लुका 22:32

तर ङचे एइ बीस्‍वास् य्‍हङ्‌य्‍होङ् अतखइ बी प्रार्‌थना स्‍य्‍हेङ्‌बल मुब। ओसेम् ए ङइज दोःज्‍यीम् खबतेङ् एइ अलेमात बीस्‍वास्‍री कोङ्‌नलोउ।”

प्रेरीत् 11:23

बारनाबास एन्‍टीओखीया दोखब बीसेम् पर्‌मेस्‍वर्‌चे म्‍हीमात मोलम् न्‍हङ्‌बल म्रङ्‌ज्‍यीम् य्‍हक्‍को तङ्‌ज्‍यी। ओसेम् थेङ्‌यीमात खेम पङ्‌लेनो सेम् य्‍हङ्‌सेनो प्रभुत बीस्‍वास् लज्‍यीम् टीउ पङ्‍ज्‍यीम् आर् पीन्‍ज्‍यी।

प्रेरीत् 14:22

थेङ्‍य्‍हीचे हुजु ग्‍लामारी मुबे बीस्‍वासीमात बीस्‍वास्‍री कोङ्‍नलज्‍यीम् खेम पङ्‌लेनो बीस्‍वास्‍री टीउ बी आर् पीन्‍ज्‍यीम् पङ्‍ज्‍यी। ओसेम्, “पर्‌मेस्‍वर्‌की य्‍हुल्‍री वङ्‌ब बीम ङोन्‍ग्‍यम् ङ्‍य्‍हङ्‍चे दुख नाथोब” पङ्‍बे तम् थेङ्‌यीमात लोप्‍ज्‍यी।

प्रेरीत् 20:25

ओसेम् ङचे एङ्‌यीमाकी गुङ्‍री पर्‌मेस्‍वर्‌की य्‍हुल्‍की बारेरी प्रचार् स्‍य्‍हेङ्ज्‍यीम् ब्रज्‍यी, देरेम् एङ्‍यीमाचे ङत खेमेएनो म्रङ्‌स्‍ये अरे पङ्‍बे तम् ङत था मुब।

रोमी 15:13

एङ्‌यीमाचे पर्‌मेस्‍वर्‌री बीस्‍वास् स्‍य्‍हेङ्‌बल तज्‍यीम् आसा न्‍हङ्‌बे पर्‌मेस्‍वर्‌चेनो एङ्‍यीमात तङ्‍बतेङ् सान्‍तीचे प्‍लीङ्‌न लजेत्‍खइ पङ्‍ज्‍यीम् ङ प्रार्‌थना स्‍य्‍हेङ्‍ब। होले पबीत्र आत्‍माइ सक्‍ती ग्‍यम्‍से एङ्‌यीमाकी आसा प्‍लीङ्‍खइ।

रोमी 15:18

ख्रीस्‍ट्‌चे ङइ जीवन ग्‍यम्‍से स्‍य्‍हेङ्‌जेत्‍बे लक्‍माकी बारेरीकीनो ङचे पङ्‌बे आर् लब। पर्‌मेस्‍वर्‌की फ्रोइ ङ्‌येन्‍बरी ङचे यहुदी अय्‍हीन्‍बे म्‍हीमात ङइ लक्‍तेङ् प्रचार ग्‍यम्‍से

रोमी 15:29

ङ रोम्‍री एङ्‌यीमाज खबे बेलोरी ख्रीस्‍ट्‌चे न्‍हङ्‌जेत्‍पे मोलम्‍चे प्‍लीङ्‌ज्‍यीम् खस्‍ये मुब।

रोमी 5:2

प्रभु येसु ख्रीस्‍ट्‌चेनो ङ्‍य्‍हङ्‍मात बीस्‍वास् ग्‍यम्‍से पर्‌मेस्‍वर्‌की अनुग्रहरी वङ्‍म्‍यङ्‍न लजेत्‍पल मुब। देरे ङ्‍य्‍हङ्‍मा चु अनुग्रहरी सोटीब मुब। ओसेम् ङ्‍य्‍हङ्‍मा पर्‌मेस्‍वर्‌की महीमारी र्‌हुब् तस्‍येकी आसारी तङ्‍ब।

२ कोरीन्‍थी 1:24

एङ्‍यीमाचे बीस्‍वास् स्‍य्‍हेङ्‌बे तम्‍री ङ्‌यीमाचे कर् अल, तर एङ्‍यीमा तङ्‍खइ बी ङ्‌यीमा एङ्‍यीमातेङ् बक्‍च्‍य लक् स्‍य्‍हेङ्‍ब। तलेपङ्‍सम् र्‌हङ्‍की बीस्‍वास्‍री एङ्‍यीमा कोङ्‍बल मुब।

फीलीप्‍पी 1:24

तर एङ्‌यीमाकी लागीरीमी ङ सोटीबनो ज्‍यब य्‍हीन्‍ब।

फीलीप्‍पी 2:24

ओसेम् ङएनो एङ्‍यीमाज ग्‍योन्‍नो खबे भर् प्रभुरी थेन्‍बल मुब।

फीलेमोन 1:22

ल्‍होल्‍होएनो तम् गीः मुब, ङइ लागीरीएनो टीबे ग्‍ला गीः टोप्‍ले थेनो, तलेपङ्‍सम् एइ प्रार्‌थनाचे ङएनो ए मुबे ग्‍लारी खम्‍यङ्‍ल पङ्‍बे आस् लबल मुब।

१ पत्रुस 1:8

एङ्‍यीमाचे येसु ख्रीस्‍ट्‍त म्रङ्‌बल अरेलेएनो म्‍होइब, ओसेम् एङ्‍यीमाचे थेङ्‍त देरे अम्रङ्‍लएनो बीस्‍वास् स्‍य्‍हेङ्‌ब, ओसेम् स्‍येत्‍ज्‍यीम् स्‍येत्‍प अखम्‍बे ङ्‍हच्‍छ्‍यङ् महीमीत तङ्‍बचे एङ्‌यीमाकी सेम् प्‍लीङ्‍बल मुब।