Abddiyyu 1:16 - Wolaytta Bible

¹⁶ Ta asai ta geeshsha deriyaa huuphiyan metuwaa xuu7aa uyiis. Hegaadan eta yuushuwan de7iya kawotettati zaari zaaridikka metuwaa xuu7aa uyana; uyidi eti ubbaikka kase hani erennabaa hanana.

Abddiyyu 1:16 Cross References

Isiyaasa 42:14

GODAI hagaadan yaagees; “Adussa wodeesappe taani saruwan takkaas; co77u gaada danddayaas. Ha77i maaretai oikkido maccaaseedan, taani waassana; tookka tookkada shemppananne peenuqana.

Ermmaasa 49:12

GODAI hagaadan yaagees; “Simmi qaxxayettanau bessenna asati qixaatiyaa xuu7aa uyiyaageeta gidaappe attin, intte waani qaxxayettennan attana giidi qoppeetii? Tuma inttekka qixaatiyaa xuu7aappe uyeetappe attin, coo attekketa.

Ermmaasa Zilaassaa 4:21

Inttenoo, Uuxa biittan de7iya Eedooma asatoo, ufaittitenne poocu giite. SHin hanqquwaa xuu7ai inttekkokka gakkana; inttekka mattottidi, kallo attana.

Yuu7eela 3:17

Taani ta geeshsha deriyan Xiyoonen de7iya GODAA intte Xoossaa gidiyoogaa intte he wode erana. Yerusalaame katamai geeshsha gidana; qassi allagati naa77antto Yerusalaame woraajjokkona.

Imbbaaqooma 1:9

Eta olanchchati ubbai sugettabaa oottanau bazzo carkkuwaadan carkkiiddi yoosona. Yiidi asaa omooddidi, shafiyaadan shiishshoosona.

Koiro PHeexiroosa 4:17

Aissi giikko, pirddai Xoossaa asaa bolli doomettiyo wodee gakkiis. Qassi he pirddai koiro nu bolli doomettiyaabaa gidikko, a wonggeliyaayyo azazettennaageetu wurssettai aiba gidanee?