Sameela Maxaafaa Naa77anttuwaa 1:4 - Wolaytta Bible

⁴ Daawiti a, “Aibi kiyidaakko ane taayyo oda” yaagiis. Yaagin i Daawita, “Nu olanchchati olaappe baqatidosona; nu asaappe daroti haiqqidosona; qassi Saa7oolinne a na7ai Yonaataani haiqqidosona” yaagiis.

Sameela Maxaafaa Naa77anttuwaa 1:4 Cross References

Sameela Maxaafaa Naa77anttuwaa 1:3

Daawiti a, “Neeni awappe yaadii?” yaagidi oichchiis. Oichchin i, “Taani Israa7eelatu qatuwaappe kessa ekkada yaas” yaagiis.

Sameela Maxaafaa Naa77anttuwaa 1:5

Oduwaa ehiida wodallaa Daawiti, “Saa7oolinne a na7aa Yonaataani haiqqidoogaa neeni aibin erai?” yaagidi oichchiis.

Sameela Maxaafaa Naa77anttuwaa 4:10

Issi bitanee taakko yiidi, mishiraachcho odiyaabaadan, 'Saa7ooli haiqqiis' yaagidi taayyo yootin, taani a Xiqilaagan oiqqada worissaas; taani a mishiraachchuwaassi immido woitoi hegaa.

Sameela Maxaafaa Koiruwaa 4:16

Bitanee Eelassi, “Olaa dembbaappe yiidaagee tana; taani hachchi yaappe baqataas” yaagiis. Yaagin Eeli, “Ta na7au, yaatin waanidee?” yaagidi oichchiis.