فیلیپیان 4:13 - کتاب مقدس به زبان مازندرانی - گویش غربی

¹³ اونی طریقی جا گه مِنِه قوِّت دِنِه، هر کاری رِه بَتِمّه هاکِنِم.

گیله ماز

¹³ اونِ طریقِ جی که مَرِه قُوَّت دَنِه، هر کاری رِه تانَم هَکُنِم.

کتاب مقدس به زبان مازندرانی - گویش شرقی

¹³ اونِ طَریقِ جِم که مِ ره قِوَّت دِنه، هر کاری ره تومبه هاکانِم.

فیلیپیان 4:13 Cross References

اِنجیلِ مَتّی 14:29

عیسی بُتِه: «بِرِه!» اَزما ‌پِطرُس لوتکایی جا جِر بیمو و اُوئی سَر عیسایی سَمت راه دَکِتِه.

اِنجیلِ یوحنا 15:7

اگه می دِلِه بَمونین و می کَلام شِمِه دِلِه بَمونِّه، هر چی خواینِنی دَرخواس هاکِنین گه بَراوَردِه وونِه.

اِفِسُسیان 3:16

گه طبقِ شی جَلالی دولتمندی شِمارِ هادِه، تا خِدایی روحی طریق، شی باطِنی دِلِه قوی و قِدّار بَووئین،

اِفِسُسیان 6:10

سرآخر، خِداوندی دِلِه و هون قِوَّتی دِلِه گه وی قدرتی جا اِنِه، قوی بَووئین

کولُسیان 1:11

و دِشتِه قِوَّتی هَمرا گه وی پِر جلالِ قِدرتی جا اِنِه، قِوَّت بَیرین، تا خِشالی ای هَمرا، کاملاً صَبر و تَحَمِل دارین؛

اول تیموتائوس 1:12

اَمِه خِداوند مَسیحْ عیسی رِه شِکر کِمِّه گه مِنِه قِوَّت هادا چون مِنِه وفادار دِنِسِه و مِنِه شی خِدمَتی سِه تعیین هاکِردِه.