فیلیپیان 4:12 - کتاب مقدس به زبان مازندرانی - گویش غربی

¹² مِن هَم دِمِّه محتاج بَووئن چِتیِه، و دِمِّه هَم فِراوونِ نعمتی دِلِه زندگی هاکِردن چتیِه. هر وَضع و حالی دِلِه، زندگی ای راز، سِئری و وَشنایی، احتیاج و محتاج ووئَنِ یاد بَیتِمِه.

گیله ماز

¹² من احتیاجِ معنی رِه دانَم، و فَراوانِی یه دِلِه زندگی هَکُردن معنی رِه. زندگی راز رِه هر وَضع و حالِ دِلِه، سیری و وشنائی یه دِلِه احتیاج و بی نیازی یه دِلِه یاد بِیتَم.

کتاب مقدس به زبان مازندرانی - گویش شرقی

¹² مِن هم دومبه محتاج بَیِّن چی طیِ و هم دومبه فِراوونِ نعمتِ دِله زندگی هاکاردِن چی طیِ. هر وضع و حالِ دِله، زندگیِ رازِ، سیری، وِشنایی، احتیاج و محتاج بییَنِ یاد بَییتِمه.

فیلیپیان 4:12 Cross References

اِنجیلِ مَتّی 11:29

می جِدِ گِردَن بَیرین و میجا تعلیم بَیرین، چون مِن آروم و فروتَنمِه، و شِمِه جان آرامِش گیرنِه.

اِنجیلِ مَتّی 13:52

عیسی وِشونِه بُتِه: «پَس، هر شریعتی مَلِّمِ گه آسِمونی پادشاهی ای خَوَری تعلیم بَئیت وو، هِتی صاب خِنِه ای رِه مونِّه گه شی صِنِخی جا نُو و پیتِ چیا دیرگا اُرنِه.»

دوّمین نامه قرنتیانِ وَسین 10:1

مِن، پولُس، شِه، مسیحی نَرمی و مهرَوونی ای هَمرا شِمِه جا خواهش کِمِّه _ مِنی گه شِمِه جا خیلیا گِنِنِه وختی شِمِه وَر دَرمِه سَر به زیرمِه و هون موقِه گه شِمِه وَر دَنیمِه شِجاعمِه!

دوّمین نامه قرنتیانِ وَسین 10:10

چونگه اونِن گِنِنِه: «وی نامِه ها سخت و سنگینِ، ولی رو در رو ضعیفِ و وی گَب بَزوئن تعریفی نارنِه.»

دوّمین نامه قرنتیانِ وَسین 11:27

سختی و تنگی ای دِلِه، خِیلی شُوها گه نَفِتی بَکِشیمِه؛ وَشنایی و تَشنایی دِلِه، ویشترِ وختا بی‌غذا وِمِه، و سرمایی دِلِه لِخت و پَتی وِمِه.

دوّمین نامه قرنتیانِ وَسین 11:7

مَگِه گِناه هاکِردِمِه گه شِرِه کِچیک هاکِردِمِه تا شِما سَربِلَن بَووئین، چونگه خِدایی اِنجیلی پیغِمِ مجانی شِمِسِه اعلام هاکِردِمِه؟

دوّمین نامه قرنتیانِ وَسین 11:9

و هون موقِه گه مِن شِمِه هَمرا دَوِمِه، و یَچی ای مِحتاج وِمِه، هیچکسی دوشی سَر باری نِشتِمِه، چون بِرارِنی گه مقدونیه ای مَنطقِه ای جا بیمونِه می احتیاجاتِ برطرف هاکِردِنِه. و مِن هیچ باری شِمِه دوشی سَر نِشت وِمِه و نِلمِه.