فیلیپیان 3:2 - کتاب مقدس به زبان مازندرانی - گویش غربی

² هون سَگِنی جا دوری هاکِنین؛ هون گِناهکارِنی جا دوری هاکِنین! اونِنی جا گه خَتنِه هاکِردنی سِه جِسمِ وِرینِنِه، دوری هاکِنین.

گیله ماز

² اون سَگانِ جی دوری هَکُنید؛ اون گُناهکارانِ جی دوری هَکُنید! اوشانیکه خَتنِه هَکُردن وَسین جِسمِ بینَنِ جی، دوری هَکُنید.

کتاب مقدس به زبان مازندرانی - گویش شرقی

² اون سکهائه جِم دوری هاکانین؛ اون گِناهکارونِ جِم دوری هاکانین؛ اونایی جِم که خَتنه هاکاردِنِ وِسه جِسمِ وِرینِنه، دوری هاکانین؛

فیلیپیان 3:2 Cross References

اِنجیلِ مَتّی 24:10

اون روزا خِیلیا شی ایمونِه از دَس دِنِنِه و هَمدیَرِ دِشمَنی تَسلیم کِنِنِه و هَمدیَری جا بیزار وونِنِه.

اِنجیلِ مَتّی 7:15

«دِردِرو پیغَمبَرِنی جا دوری هاکِنین گه گِسَنی جِمِه ای دِلِه شِمِه وَر اِنِنِه، ولی شی باطِنی دِلِه دَرَندِه وِرگِنِه.

اِنجیلِ مَتّی 7:6

اونچی گه مِقَدّسِ رِه سَگیشونِ نَدین و شی مِرواری رِه خی ایشونی پِش نَشِنین. نَکِنِه اونِنِ لینگِ لُو بَیرَن و دَگِردَن شِمارِ بِل بَزِنَن.

رومی ایشون 2:28

چون یهودی هَین نیِه گه ظاهراً یهودی ووئِه، و خَتنِه هَم کاری نیِه گه ظاهر و جسمی دِلِه ووئه.

دوّمین نامه قرنتیانِ وَسین 11:13

چون هَینجور آدَمِن، دِردِرو رَسولِن و حِقِّه بازِ کارگرِنِنِه گه شِرِه مسیحی رَسولِنی تَرا دراُرنِه.

غَلاطیان 5:13

چونگه اِی بِرارِن، شِما آزادی ای سِه بَخونِس بَوِنی. فقط شی آزادی رِه یَتِه فرصتی تَرا جِسمی سِه استفادِه نَکِنین، بَلگی مِحبتی هَمرا، هَمدِیَرِ خِدمَت هاکِنین.

غَلاطیان 5:15

ولی اگه هَمدیرِ گاز بَیرین و بَل هادین، مِواظب ووئین گه هَمدیَری دَسی هَمرا از بِین نَشوئین.

غَلاطیان 5:6

چون مَسیحْ عیسایی دِلِه نا خَتنِه بَووئَن مِهِمِه نا خَتنِه نَووئَن، بَلگی مِهم ایمونیِه گه مِحبَتی طریقی جا کار کِنِّه.

فیلیپیان 3:19

وِشونی آخرعاقبت هَلاکَتِ. وِشونی خِدا، وِشونی اِشکمِ و نَنگ آورِ چیارِه افتخار کِنِنِه، وِشون زَمینی چیایی خَوَری فکر کِنِنِه.

فیلیپیان 3:3

چون خَتنِه‌ بَوِه اَمامی، گه خِدایی روحی هَمرا پَرَسِش کِمّی، و مَسیحْ عیسایی دِلِه افتخار کِمّی، و اَمِه تَکیه جسمی سَر نیِه-

اول تیموتائوس 1:19

ایمون و خِبِ وِجدانِ بَچِسب. چون بَعضیا هَینِنی رَد هاکِردنی هَمرا وِشونی ایمونی کَشتی بِشکِسِه.

تیتوس 1:16

وشون اِدِّعا کِنِنِه خِدارِه اِشناسِنِنِه، ولی شی کارایی هَمرا وِرِه هَشا کَشِنِنِه. وِشون منفور و نافرمونِنِه، و هر خِبِ کاری سِه ناجورِنِه.

پطرسی دِوّمین نامِه 2:22

هَین مَثَل هون چی ای خَوَری گَب زَنِّه گه وِشونی سِه پِش بیمو: «سگ شی لُو بیاردی سَر گِردنِه»، و «بَشوردِه خی، لَشی دِلِه غلت خارنِه.»

یهودائه نامه 1:4

چون مَردِنی گه وِشونی محکومیت از قدیم تعیین بَوِه، یَواشکی شِمِه میِن نِفوذ هاکِردِنِه. هَینِن بی دینِنی هَسِّنِه گه اَمِه خِدایی فیضِ عیاشی ای سِه تبدیل کِنِنِه، و عیسی مسیح تنها اَرباب و اَمِه خِداوندِ اِنکار کِنِنِه.

یوحنایِ مکاشفه 2:9

تی عذابا و فَقری جا خَوَر دارمِه، ولی تو دولتمندی! و هون آدمایی تِهمَتایی جا خَوَر دارمِه. گه گِنِنِه یَهودینِه ولی نینِه، بَلگی شیطانی عبادتگاهنِه.

یوحنایِ مکاشفه 21:8

ولی ترسوئن و بی‌ایمونِن و فاسِدِن و آدم کِشِن و زِناکارِن و جادوگَرِن و بِت پَرَسن و هَمه ی دِروزَنیشون، دِشتِه وِشونی نصیب، اَلوک بَکِشی دریاچِه، تَش و گوگردی همرائه. هَین دِوّمین مرگِ.»

یوحنایِ مکاشفه 22:15

سَگیشون و جادوگرِن و زِناکارِن و آدم کِشیشون و بِت پَرَسِن و دِشتِه اونانیگه دِرو رِه دوس دارنِه و هونِ اَنجام دِنِنِه، شهری دیرگا مونِّنِه.

یوحنایِ مکاشفه 3:9

هارِش، مِن اونانیگه شیطانی عبادتگاهی جا هَسِّنِه و شِرِه یهودی دِنِنِه ولی نینِه، بلگی دِرو زَنِنِه، هارِش، مِن وِشونِه مجبور کِمِّه تا بیئِن و تی لینگ دَکِفَن تا دِنِّن گه مِن تِرِه دوس داشتِمِه.