فیلیپیان 3:14 - کتاب مقدس به زبان مازندرانی - گویش غربی

¹⁴ هدفی بَرِسیَنی سِه تَقلّا کِمِّه، تا جایزه‌ای گه خِدا اونِه مَسیحْ عیسایی دِلِه مِنِه بالایی سِه بَخونِسِه رِه، بِدس بیارِم.

گیله ماز

¹⁴ هدفِ برِسیَنِ وَسین تَقلّا کانَم، تا جایزه‌ای که خُدا اونِه مسیحْ عیسی دِلِه مَرِه جآرِ سَمت دُخوانِسِّه رِه، بِدس بیارِم.

کتاب مقدس به زبان مازندرانی - گویش شرقی

¹⁴ هدفِ بَرِسییِنِ وِسه تقلّا کامبه، تا جایزه ای‌ ره که خِدا اونِ مَسیحْ عیسیِ دِله مِ ره به بالا دَعوت هاکارده ره به دَس بیارِم.

فیلیپیان 3:14 Cross References

لوقا 16:16

«تورات و پِیغَمبَرِنی بَنوِشت تا یحیایی دورِه وِه. بعد ازون، خِدایی پادشاهی ای خَوَرِخِش هادا وونِه و هر کی خواینِه زور وَری اونی دِلِه بورِه.

رومی ایشون 11:29

چون خِدا اصلاً شی هدیه ها و دعوتِ پَس نَئیرنِه.

اوّلین نامِه قُرنتیانی سِه 9:24

مَگِه نَئونِنی گه دُویی مِسابقه ای دِلِه، هَمه دُو کِنِنِه، ولی فقط یَنَفَر جایزه رِه وَرنِه؟ پس شِما جوری دُو هاکِنین گه بَوِرین.

دوّمین نامه قرنتیانِ وَسین 4:17

چونگه اَمِه کِچیک و زود گِذَرِ رَنجیشون، اَبَدی جَلال اَمِسِه اُرنِه گه نِشِنِه هون رنجیشونی هَمرا قیاس هاکِردن.

فیلیپیان 3:3

چون خَتنِه‌ بَوِه اَمامی، گه خِدایی روحی هَمرا پَرَسِش کِمّی، و مَسیحْ عیسایی دِلِه افتخار کِمّی، و اَمِه تَکیه جسمی سَر نیِه-

کولُسیان 2:18

نِلین کَسی شِمارِ محروم هاکِنِه هَین اِصراری هَمرا گه وِنِه تَنِ خِب داشتن و فِرشتگونِ پَرسِش هاکِردن. هَینجور آدَم فقط شی رویاها رِه تَکیِه کِنِّه و بدونِ هَینگه دلیلی دارِه شی بیخِدی فِکرایی هَمرا مغرور وونِه.

اوّل تِسالونیکیان 2:12

اَما هر کدیم از شِمارِ یَت یَتّا تشویق هاکِردمی و تَسلّی هادامی و سِفارِش هاکِردِمی تا اونجور گه خِدایی لایقِ زندگی هاکِنین گه شِمارِ شی پادشاهی و جلالی سِه خُونِّه.

دوم تیموتائوس 1:9

خِدایی گه اَمارِه نِجات هادا و اَمارِه مِقَدّسِ زندگی ای سِه بَخونِسِه، هَینِه نا اَمِه کارایی خاطری، بَلگی شی هدف و فیضی سِه، گه مَسیحْ عیسایی دِلِه از اَزل اَمارِه هادا،

نامِه مَسیحینی عبرانی نِژادی سِه 3:1

پَس اِی مِقَدّسِ بِرارِن، اِی شِما گه آسِمونی دَعوتی دِلِه شریکِنی، شِمِه چِش عیسی رِه ووئه، گه ویِه رسول و کاهنِ اعظم گه وِرِه ایمون دارمی و وِرِه اعتراف کِمّی.

نامِه مَسیحینی عبرانی نِژادی سِه 6:1

پَس بیئین مسیحی اوّلین تعلیمارِه پِشتِ سَر بِلّیم و بالِغ بَووئنی سمت پِش بوریم. اَما نِنِه یَکش دییَر پِیِ توبِه هاکردن و بیخِدی کارا و خِدارِه ایمون داشتن،

اول پِطرُس 1:13

پَس شی فِکرارِ اَنجام هادائنی سِه حاضِر هاکِنین، و هوشیار ووئین، و شِمِه اِمید کامِلاً هون فیضی سَر دَوو گه عیسی مَسیحی ظهوری موقِه شِمارِ هادا وونِه.

اول پِطرُس 5:10

و اَزما گه یَکَم سختی و عذاب بَئینی، خِدایی گه فیضی جا پِرِ، گه شِمارِ مَسیحی دِلِه بَخونِسِه، تا وی اَبَدی جلالی دِلِه شریک ووئین، شِمارِ از نو بَنا کِنِّه و پایدار و پِر قدرت و پابرجا کِنِّه.

پطرسی دِوّمین نامِه 1:3

وی الهی قِوّت دِشتِه اونچی گه زندگی و دینداری ای سِه لازِمِ رِه اَمارِه هادا. وی بِشناسینی خاطریِه گه اَمارِه شی جلال و خِبی ای سِه بَخونِسِه.

یوحنایِ مکاشفه 3:21

«هر کی گه پیروز بَوو، هَینِه وِرِه دِمِه گه می هَمرا می تَختی سَر هِنیشِه، هَمونجور گه مِنَم پیروز بَوِمِه و شی پیری هَمرا وی تَختی سَر هِنیشتِمِه.