فیلیپیان 2:7 - کتاب مقدس به زبان مازندرانی - گویش غربی

⁷ بَلگی شِرِه خالی هاکِردِه و شِه نوکری شِکلِ بَیتِه آدَمِنی تَرا بَوِه.

گیله ماز

⁷ بلکه خودِش رِه خالی هَکُردِه وَ پاکاری یه شِکلِ بِیتِه، آدَمان مِثان دُنیا بوما.

کتاب مقدس به زبان مازندرانی - گویش شرقی

⁷ بلکه شه ره خالی هاکارده و شه نوکرِ شکلِ بَییته، آدِمون واری بَییه.

فیلیپیان 2:7 Cross References

اِنجیلِ مَتّی 12:18

« هَینِه می خادِم گه وِرِه انتِخاب هاکِردِمِه، وی می عَزیزِ گه می جان ویجا راضیِه. شی روحِ وی سَر اِلمِه تا قومیشونِه عِدالَتی هَمرا داوَری هاکِنِه.

اِنجیلِ مَتّی 20:28

حتّی اِنسونی ریکا هَم نیمو تا وِرِه خِدمَت هاکِنِن، بَلگی بیمو خِدمَت هاکِنِه و شی جانِ خِیلیایی نِجاتی سِه فِدا هاکِنِه.

مَرقُس 9:12

عیسی بُتِه: «البَتِه گه اَوَّل ایلیا اِنِه تا هَمه چیرِه اوَّلی تَرا دِرِس هاکِنِه. ولی چه مِقَدّسِ نِوِشته هایی دِلِه بَنوِشت بَوِه اِنسونی ریکا وِنِه خِیلی زَجر بَکِشِه و وی هَمرا بَد رَفتاری هاکِنِن؟

لوقا 22:27

کِدیم یَتِه گَت تَرِ؟ اونیگه سِفرِه ای سَر نیشتِه یا اونیگه خِدمَت کِنِّه؟ مَگِه اونیگه سِفرِه ای سَر نیشتِه گَت تَر نیِه؟ ولی مِن شِمِه میِن هِتی یَنَفَری تَرامِه گه دِ خِدمَت کِنِّه.

اِنجیلِ یوحنا 1:14

و کَلام آدَمی بَوِه و اَمِه میِن مِنزِل هاکِردِه، و اَما وی جَلالِ بَئیمی، جَلالی هون یَتّا ریکایی شایستِه گه پیری طرفی جا بیمو، گه فیض و حَیقَتی جا پِرِ.

رومی ایشون 1:3

و وی ریکائی خَوَری، گه جسماً داوودی نَسلی جا دِنیا بیمو،

رومی ایشون 15:3

چون مَسیح شی خِشال هاکِردنی دِمال دَنیوِه، بلگی هَمونجور گه داوودی مزموری دِلِه بَنوِشت بَوِه: «اونانیگه تِرِه سَراکو کِردِنِه ای سَراکو، می سَر دَکِتِه.»

رومی ایشون 15:8

چون شِمارِ گِمِه گه مَسیح ختنِه بَوِه ایشونی نوکر بَوِه تا خِدایی راسی رِه هَم هادِه، تا هون وعده هایی گه خِدا اَمِه اجدادِ هادا وِه رِه، تأیید هاکِنِه،

رومی ایشون 8:3

چونگه شریعت اونچی رِه هَینِسه گه آدمی ای جِسم ضعیفِ، نَتِنِّسِه اَنجام هادِه، خِدا اَنجام هادا. وی شی ریکارِه یَتِه گِناهکارِ جسمی تَرا بَرِسانیِه تا ’گِناهی قِروونی‘ ووئِه، و هَینجوری جِسمی دِلِه، گِناهِ محکوم هاکِردِه.

دوّمین نامه قرنتیانِ وَسین 13:4

چون هر چَن ضَعفی دِلِه مَصلوب بَوِه، ولی خِدایی قِوَّتی هَمرا زندگی کِنِّه. چون اَما هَم وی دِلِه ضعیفمی، ولی شِمِه پِش وی هَمرا خِدایی قِوَّتی هَمرا زندگی کِمّی.

دوّمین نامه قرنتیانِ وَسین 8:9

چون اَمِه خِداوند عیسی مسیحی فیضی جا خَور دارِنی گه هر چَن دولتمند وِه، شِمِه خاطری فقیر بَوِه تا شِما وی فَقیری ای دِلِه دولتمند بَووئین.

غَلاطیان 4:4

ولی موقه ای گه هون تعیین بَوِه وخت کامِلاً بَرسِه، خِدا شی ریکارِه بَرِسانیِه گه یَتِه زَنایی جا بَزا بَوِه و شَریعتی بِن دِنیا بیمو،

فیلیپیان 2:6

ویگه هر چَن خِدایی هَمرا همشِکل وِه، خِدایی هَمرا بَرابر ووئَنِ، دِ دَسی نَچِسبِسِه،

نامِه مَسیحینی عبرانی نِژادی سِه 12:2

و اَمِه چِش فقط عیسی رِه ووئه گه اَمِه ایمونی پِی هَسِّه و اَمِه ایمونِ کامِل کِنِّه، و هون خِشالی ای خاطری گه وی پِش دَوِه، صلیبِ تَحمِل هاکِردِه، وی ننگ و عاری رِه نَدید بَیتِه و خِدایی راسِ دَسی تختی وَر نیشتِه.

نامِه مَسیحینی عبرانی نِژادی سِه 13:3

اونانیگه زیندونی دِلِه دَرِنِه رِه شی یاد دارین، جوریگه اِنگار شِما هَم وِشونی هَمرا زیندونی دِلِه دَرِنی؛ و اونانیگه عذاب کَشِنِنِه رِه شی یاد بیارین، چون شِما هَم تَنی دِلِه عذاب کَشِنِنی.

نامِه مَسیحینی عبرانی نِژادی سِه 4:15

چون اَمِه کاهنِ اعظم جوری نیِه گه نَتِنِس وو اَمِه ضَعفهایی هَمرا همدردی هاکِنِه، بَلگی کَسیِه گه هِتی اَمِه تَرا هر طرفی جا آزمود بَوِه، بدون هَینگه گِناه هاکِنِه.