فیلیپیان 2:3 - کتاب مقدس به زبان مازندرانی - گویش غربی

³ هیچ کاری رِه خِدخواهی و چِش و هَم چِشی ای سَر نَکِنین، بَلگی فروتنی ای هَمرا بَقیِه رِه شیجا بِهتَر دِنّین.

گیله ماز

³ هیچ کاری رِه خُدخواهی و چِش و هَم چِشمی سَر نَکُنین، بلکه فروتنی یه هَمرَه بَقیِه رِه شیمی جی بِهتَر بِدانید.

کتاب مقدس به زبان مازندرانی - گویش شرقی

³ هیچ کاری ره خودخواهی و چِش و هم چِشیِ سَر نَکِنین، بلکه فروتنیِ هِمراه بَقیه ره شه جِم بِهتَر بَدونین.

فیلیپیان 2:3 Cross References

لوقا 18:14

شِمارِ گِمِه هَین مَردی بَخشیدِه بَوِه و شی خِنِه بوردِه، ولی هون فَریسی نا، چون هر کی شِرِه گَت هاکِنِه، کِچیک وونِه، هر کی شِرِه فروتَن هاکِنِه، سَربِلَن وونِه.»

رومی ایشون 12:10

بِراری تَرا همدیرِ دوس دارین، اِحترام بِشتنی دِلِه، همدیری جا پِش دَکِفین.

رومی ایشون 13:13

بیئِین دِرِس رفتار هاکِنیم گه اونانیگه روزی روشِنایی ای دِلِه دَرِنِه ای لایق ووئه، نا عیاشی و مَسی ای دِلِه، نا زِنا و هوس بازی ای دِلِه، نا دَعوا مِرافِه و حَسودی ای دِلِه.

رومی ایشون 2:8

ولی اونانیسِه گه خِدخواهِنِه و حَیقَتی جا اطاعت نَکِنِنِه، بلگی ناراسی رِه اطاعت کِنِنِه، غیظ و غضب دَرِه.

اوّلین نامِه قُرنتیانی سِه 15:9

چون مِن رسولِنی میِن کِچیکترینِمِه، و یَذِرِه هَم لایِق نیمِه گه خِدایی رَسول بَخونِس بَووم، چونگه خِدایی کِلیسارِه آزار داوِمِه.

اوّلین نامِه قُرنتیانی سِه 3:3

چون حَلا هوا و هوسی دِمال دَرِنی. وختی شِمِه میِن حَسودی و دعوا دَرِه، مَگِه هَین نِشون نَدِنِه گه هوا و هوسی دِمال دَرِنی و هِتی بقیِه آدَمِنی تَرا رفتار کِننی؟

دوّمین نامه قرنتیانِ وَسین 12:20

چون اونی تَرسِ دارمِه گه شِمِه وَر بیئِم و شِمارِ اونجور گه اِنتِظار دارمِه، نَوینِم، و شِما هَم مِنِه جوریگه اِنتِظار دارِنی، نَوینین - شاید شِمِه میِن دعوا مِرافِه، حَسودی، غیظ، دِشمنی، تِهمَت، غیبت، غیرت، غِرور و هرکی هرکی بَوینِم.

غَلاطیان 5:15

ولی اگه هَمدیرِ گاز بَیرین و بَل هادین، مِواظب ووئین گه هَمدیَری دَسی هَمرا از بِین نَشوئین.

غَلاطیان 5:26

بیخدی مغرور نَووئیم تا هَمدیَری غیظِ لُو بیاریم، و هَمدیرِ حَسودی نَکِنیم.

اِفِسُسیان 4:2

دِشتِه فروتَنی و ملایمتی هَمرا؛ و صبر و مِحبتی دِلِه هَمدِیَرِ تَحمِل هاکِنین.

اِفِسُسیان 5:21

مَسیحی حِرمتی خاطری، هَمدیَری جا اطاعت هاکِنین.

فیلیپیان 2:14

هر کاری رِه بدون غِرغِر و جَر و بَحث اَنجام هادین،

کولُسیان 3:12

پَس هِتی خِدایی اِنتخاب بَوِه قومی تَرا گه مِقَدَّس و عَزیزِنِه، دِلسوجی، مِهرَوونی، فروتنی، مِلایمت و صَبری لیواسِ دَکِنین.

کولُسیان 3:8

ولی اِسا وِنِه دِشتِه هَینِنِ کِنار بِلین، یَعنی غیض، غضب، بدخواهی، تِهمت و بَد بَدِ گَب گه شِمِه دِهنی جا دیرگا اِنِه.

اول تیموتائوس 6:4

وِرِه غرور بَیتِه و هیچی نِفَهمِنِه. هَینجور آدمی، جنگ و جدال و دعوا مِرافه کلِماتی سَر دارنِه، گه اونی جا حَسودی و دعوا و توهین و بَد گِمونی به وِجود اِنِه،

اول پِطرُس 3:8

سرآخر، شِما هَمه، همفِکر و یَکدِل و بِرار دوس و دِلسوج و فروتن ووئین.

اول پِطرُس 5:5

همینجور شِما هَم اِی جَوونِن، مشایخی جا اطاعت هاکِنین. شِما هَمه شی رفتاری دِلِه همدیری هَمرا فروتنی رِه دَکِنین، چون، «خِدا مغرورِنی پِش اِسِّنِه، ولی فروتَنِنِ فیض دِنِه.»