فیلیپیان 1:8 - کتاب مقدس به زبان مازندرانی - گویش غربی

⁸ چون خِدا می گِواهِ گه چِتی اون احساساتی هَمرا گه مَسیحْ عیسایی جا سرچشمِه گیرنِه، شِما هَمه ای مِشتاقمِه.

گیله ماز

⁸ چون خُدا می گَواهِ که چطور اون احساساتِ همره که مسیحْ عیسی جی سرچشمِه گیرنِه، شُما هَمه یه مُشتاقم.

کتاب مقدس به زبان مازندرانی - گویش شرقی

⁸ چوون خِدا مِ گِواهِ که چی طی، اون احساساتِ هِمراه که مَسیحْ عیسیِ جِم سرچشمه گِرنه، شِما هَمهِ مشتاقِمه.

فیلیپیان 1:8 Cross References

لوقا 1:78

چون اَمِه خِدایی رَحم و دِلسوجی ای سِه هَسِّه، گه آفتاب آسِمونی جا اَمِسِه دَر اِنِه

رومی ایشون 1:9

چون خِدایی گه وِرِه دِشتِه شی دِل و جانی هَمرا، وی ریکائی اِنجیلی کاری دِلِه دِ خِدمت کِمِّه میسِه گِواهی دِنِه گه چِتی یَکسرِه شی دِعاهایی دِلِه شِمارِ یاد اُرمِه

رومی ایشون 9:1

مِن مَسیحی دِلِه راس گِمِه، دِرو نَزِمِّه، و می وِجدان روح القدُسی طریقی جا میسِه گِواهی دِنِه

دوّمین نامه قرنتیانِ وَسین 13:9

چون هون موقِه گه اَما ضعیف ووئیم و شِما قَوی، اَمِه خِشالی ای باعِث وونِه، و اَمِه دِعا هَینِه گه شِما اَی هَم جان بَیرین.

دوّمین نامه قرنتیانِ وَسین 6:12

اَما شی مِحبتِ شِمِه جا دریغ نَکِّمی، بلگی شِمانی گه شی مِحبتِ اَمِه جا دریغ کِنِنی.

دوّمین نامه قرنتیانِ وَسین 7:15

هر کَش گه تیتوس شِما هَمه ای اِطاعَت هاکِردنِ یاد اُرنِه و هَینگه چِتی تَرس و لَرزی هَمرا وِرِه قَبول هاکِردِنی، ویشتَر شِمارِ دِل وَنِّه.

غَلاطیان 1:20

خِدایی حِضور شِمارِ اطمینان دِمِه اونچی گه نِویسِمِه دِرو نیِه.

غَلاطیان 3:26

چون مَسیحْ عیسایی دِلِه، شِما هَمه ایمونی خاطری، خِدایی ریک ریکانی.

غَلاطیان 4:19

می عزیزِ وَچیلِه، گه اَی هَم شِمِسِه بَزائَنی دردِ دارمِه تا هون موقِه گه مَسیح شِمِه دِلِه شکل بَیرِه،

فیلیپیان 2:1

پَس اگه مَسیحی دِلِه دِلگرمی دارِنی، اگه وی مِحبت شِمِه تَسلّی ای باعث وونِه، اگه خِدایی روحی دِلِه رفاقت دارِنی، و اگه مِهرَوونی و دِلسوجی دارِنی،

فیلیپیان 2:26

چونگه وی مِشتاقِ شِما هَمه رِه بَوینِه و هینی خاطری گه بِشنُس وِنی ناخِشِ، پریشونِ.

فیلیپیان 4:1

پَس، می بِرارِن گه شِمارِ دوس دارمِه و شِمِه بَئینی سِه مِشتاقمِه، اِی شِما گه می خِشالی و تاجِ سَرِنی، اِی عزیزِن، هَینجوری خِداوندی دِلِه قائِم هِرِسین.

کولُسیان 2:1

خوایمِه دِنّین گه شِمِنِه و اونانی خاطری گه لائودیکیه ای مَنطقِه ای دِلِه دَرِنِه، و دِشتِه اونانی سِه گه مِنِه نَئینِه، چِتی تَقلّا کِمِّه

کولُسیان 3:12

پَس هِتی خِدایی اِنتخاب بَوِه قومی تَرا گه مِقَدَّس و عَزیزِنِه، دِلسوجی، مِهرَوونی، فروتنی، مِلایمت و صَبری لیواسِ دَکِنین.

اوّل تِسالونیکیان 2:5

چون اَما هیچ وخت چاپلوسی ای هَمرا گَب نَزومی، هَمونجور گه دِنِنی خِدا سَر شاهدِ- اَمِه گَب طمعی ویهومِه ای سِه نَوِه.

اوّل تِسالونیکیان 2:8

اَما اَنّی شِمارِ دوس داشتِمی، گه ذوقی هَمرا حاضر وِمی نا فقط خِدایی اِنجیلِ شِمارِ بَرسانیم، بَلگی شی جانِ هَم شِمِه راهی سِه بِلیم، چون شِما خِیلی اَمِسِه عزیز وِنی.

دوم تیموتائوس 1:4

وختی تی اَسری ایشونِه شی یاد اُرمِه، آرزو کِمِّه تِرِه بَوینِم تا خِشالی ای جا پِر بَووم.

فیلیمون 1:12

مِن شی جیگر گوشِه رِه تی وَر راهی کِمِّه.

فیلیمون 1:20

اَرِه، اِی بِرار، خوایمِه گه خِداوندی دِلِه تیجا یَتِه نَفع مِنِه بَرِسِه. می جانِ مسیحی دِلِه تازِه هاکِن.

اوّل یوحنا 3:17

ولی اگه یَنَفر دِنیایی مالِ دارِه، و شی بِرارِ بَوینِه گه مِحتاجِ، با هَین وجود شی دِلی دَرِ وی رو دَوِنِّه، خِدایی مِحبت چِتی هَینجور آدَمی دِلِه مونِّه؟