فیلیپیان 1:7 - کتاب مقدس به زبان مازندرانی - گویش غربی

⁷ مِن هَین حقِّ دارمِه گه شِما هَمه ای خَوَری هَینجور حِسّی دارِم، چونگه می دِلی دِلِه جا دارِنی، چون شِما هَمه می هَمرا خِدایی فیضی دِلِه شریکِنی، هَم می زیندون دَکِتنی دِلِه، هَم اِنجیلی دِفاع هاکِردَنی جا، و هَم اونی حَیقتِ ثابت هاکِردن.

گیله ماز

⁷ مَن این حقِّ دارِم که شُما همه یه بارِه اینجور حِسّی بِدارَم، چونکه می دِلِ میَن جا دارین، چون شُما همه می همرَه خدایِ فیضِ دِلِه شریکین، هم می زِندان دَکِتَنِ دِلِه، هم اِنجیلِ جی دِفاع هَکُردَن، و هم اونِ حقیقتِ ثابت هَکُردن.

کتاب مقدس به زبان مازندرانی - گویش شرقی

⁷ مِن این حَقِّ دارمه که شِما همهِ خَوِری این طی حسی دارِم، چوون که مِ دلِ دِله، جا دارنِنی؛ چوون شِما همه مِ هِمراه خِدائه فیضِ دِله شریکِنی، هم مِ زِندون دَکِتِنِ دِله، هم اِنجیل دِفاع هاکاردِنِ جِم و هم اونِ حَییقَتِ ثابت هاکاردِن.

فیلیپیان 1:7 Cross References

اعمال رَسولان 20:23

مَگِه اونگه هر شَهری دِلِه روح القُدُس هِشدار دِنِه گه سَختی و زیندون می انتظار دَرِه.

اعمال رَسولان 21:33

فَرموندِه پِش بیمو و پولُسِ هَماسیِه و دَستور هادا وِرِه دِتا زنجیلی هَمرا دَوِنِّن. اَزما بَپرسیِه گه وی کیِه و چی هاکِردِه.

اوّلین نامِه قُرنتیانی سِه 13:7

مِحبت هَمه چی ای هَمرا مِدارا کِنِّه، مِحبت هَمه چیرِه باور کِنِّه، هَمِش اِمید دارنِه و هَمه چیرِه تَحمِل کِنِّه.

اوّلین نامِه قُرنتیانی سِه 9:23

مِن دِشتِه هَینِنِه اِنجیلی خاطری کِمِّه، تا بلگی وی بَرکتی دِلِه سهمی دارِم.

دوّمین نامه قرنتیانِ وَسین 3:2

شِما شِه اَمِه سِفارش نامِه هَسِّنی، یَتِه نامِه گه اَمِه دِلی سَر بَنوِشت بَوِه گه هَمه بَتِنِّنِه اونِه بَخونِن و بِشناسِن.

دوّمین نامه قرنتیانِ وَسین 7:3

مِن هَینِ نُمِه تا شِمارِ محکوم هاکِنِم. چونگه شِمارِ پِشتَر بُتِمِه گه اَمِه دِلی دِلِه جا دارِنی تا همدیری هَمرا بَمیریم و همدیری هَمرا زندگی هاکِنیم.

غَلاطیان 5:6

چون مَسیحْ عیسایی دِلِه نا خَتنِه بَووئَن مِهِمِه نا خَتنِه نَووئَن، بَلگی مِهم ایمونیِه گه مِحبَتی طریقی جا کار کِنِّه.

اِفِسُسیان 3:1

هَینِسه مِن، پولُس، گه شِما غیریَهودینی خاطری مَسیحْ عیسایی زیندونیمِه -

اِفِسُسیان 4:1

پَس مِن گه خِداوندی خاطری زیندونی دِلِه دَرمِه، خواهِش کِمِّه گه شِمِه رَفتار هون دعوتی گه شِما اونیسِه بَخونِس بَوِنِه ای لایق ووئه

اِفِسُسیان 6:20

هَون اِنجیل گه اونی سَفیرمِه، هر چَن زنجیلی دِلِه! دِعا هاکِنین گه اونِه جِرأتی هَمرا اونجور گه وی لایقِ، اعلام هاکِنِم.

فیلیپیان 1:12

اِی بِرارِن، خوایمِه دِنّین اونچی گه می سَر بیمو، در اَصل اِنجیلی تَرَقی ای باعث بَوِه،

فیلیپیان 1:13

هون جوریگه دِشتِه سلطنتی کاخی نِگَهوونِن و هَمه ای سِه معلوم بَوِه گه مِن مَسیحی خاطری زیندونی دِلِه دَرمِه؛

فیلیپیان 1:14

و می زیندون دَکِتَن باعث بَوِه گه ویشتَرِ بِرارِن، خِداوندی دِلِه وِشونی دِل قَویتر بَوو تا دِشتِه جِرأتی هَمرا، بی تَرس خِدایی کَلامِ بُئِن.

فیلیپیان 1:5

هون همکاری ای سِه گه مسیحی اِنجیلی کاری دِلِه، از اوَّلین روز تا اَمرِز، شریک وِنی.

فیلیپیان 2:22

ولی شِما دِنِنی گه تیموتائوس شی آزمودِ پَس هادا، گه چِتی می هَمرا، هِتی یَتِه ریکائی تَرا شی پیری هَمرا، اِنجیلی کاری دِلِه خِدمَت هاکِردِه.

فیلیپیان 4:14

با هَین وجود، لِطف هاکِردِنی گه می زَحمتایی دِلِه شریک بَوِنی.

فیلیپیان 4:15

اِی فیلیپی ای آدمِن، شِما هَم، خِب دِنِّنی گه اِنجیلی کاری شِروئی جا، بعد از اونگه مقدونیه ای مَنطقِه ای جا بوردِمِه، اِلّا شِما، هیچ کلیسایی دَخل و خرجی دِلِه می هَمرا شریک نَوِه.

فیلیپیان 4:3

اَرِه، وَفادارِ همکار، تیجا هَم خوایمِه گه هَین دِتا زَنارِه کِمَک هاکِنی، چون وِشون، اَکْلیمِنتُس و بقیِه همکارانی هَمرا گه وِشونی اِسم حیاتی دَفتری دِلِه بَنوِشت بَوِه، می دوشادوش اِنجیلی کاری سِه زحمت بَکِشینِه.

کولُسیان 4:18

مِن، پولُس، هَین سلامِ شی دَسی هَمرا نِویسِمِه. می غِل و زنجیلِ هَین زیندونی دِلِه شی یاد بیارین. فیض شِمِه هَمرا دَوو.

کولُسیان 4:3

و همزَمون اَمِنِه هَم دِعا هاکِنین، تا خِدا یَتِه دَر کلامی سِه اَمِنِه پِی هاکِنِه تا بَتِنّیم مسیحی رازِ اعلام هاکِنیم. هون رازی گه اونی خاطری زیندونی دِلِه دَرمِه

اوّل تِسالونیکیان 5:5

چون دِشتِه شِما نُوری وَچیلِه و روزی وَچیلِنی؛ اَما شُو و تاریکی ای جا نیمی.

دوم تیموتائوس 1:8

پَس، هینِسِه گه اَمِه خِداوندی سِه شهادت هادی یا مِن گه وی خاطری زیندونی دِلِه دَکِتِمِه، عار نار، بَلگی تو هَم خِدایی قِوَّتی هَمرا اِنجیلی خاطری عذاب بَکِشینی دِلِه شریک واش.

دوم تیموتائوس 2:9

هینِسِئه گه هِتی یَتِه جِنایتکاری تَرا زنجیلی دِلِه دَرمِه و دِ عذاب کَشِمِه، ولی خِدایی کلام زنجیلی دِلِه دَنیِه.

فیلیمون 1:13

مِن خِشال وونِسِمِه گه وِرِه شی وَر داشتِمِه تا هَین مِدّتی گه اِنجیلی خاطری زیندونی دِلِه دَرمِه، وی تی عوض مِنِه خِدمت هاکِنِه.

نامِه مَسیحینی عبرانی نِژادی سِه 3:1

پَس اِی مِقَدّسِ بِرارِن، اِی شِما گه آسِمونی دَعوتی دِلِه شریکِنی، شِمِه چِش عیسی رِه ووئه، گه ویِه رسول و کاهنِ اعظم گه وِرِه ایمون دارمی و وِرِه اعتراف کِمّی.

اول پِطرُس 4:13

بَلگی هَینی جا گه مسیحی عذابایی دِلِه شریک بَوِنی خِشال ووئین، تا هون موقِه گه وی جلال آشکار بَوو، شِما هَم خِشالی هاکِنین و شاد ووئین.

اول پِطرُس 5:1

مِن گُو شِه یَتِه مشایخمِه و مسیحی رنجهایی شاهد وِمِه و هون جلالی دِلِه گه ظاهِر وونِه شریکمِه، مشایخی گه شِمِه میِن دَرِه رِه سِفارش کِمِّه:

پطرسی دِوّمین نامِه 1:13

مِن فکر کِمِّه گه هَین دِرِسِ، تا هون موقِه گه هَین تَنی دِلِه دَرمِه، هَین صفاتِ شِمِه یاد بیارِم تا غیرتی بَووئین،

اوّل یوحنا 3:14

اَما دِمّی گه مرگی جا رَد بَوِمی و زندگی ای سِه بَرِسیمی، چون بِرارِنِ دوس دارمی. هر کی مِحَبت نَکِنِّه، مَرگی دِلِه مونِّه.